شويه خرابيش accent rb 2012

**elmo7amed** · 01-04-2013 10:24 PM

السلام عليكم ورحمه الله وبركاته

انا عندى شويه خرابيش بسيطه فى العربيه بسيطه جدا وخبطه بسيطه برده فى الشنطه كل حدودهم حوالى 3 سم ولا تتعدى ذلك
المهم كنت فى التوكيل انهرده وقالى انى كل مكان فيه خربوش كده حيتسمكر ويترش كله مثلا

الباب فيه خربوش حيتسمكر ويترش كله كذلك الشنطه كذلك الاكصدام الخلفى

السؤال بقه وارجو الرد الشافى الوافى هل دا يؤثر على سمعه العربيه فى حاجه وهل فى ضرر عليها وليه بيرش الجزء كله(الباب مثلا) وايه رايكم يا جماعه طمنونى واعمل الموضوع دا ولا لأ

**Mostafa.Mahran** · 01-04-2013 10:53 PM

لو الباب فيه خرابيش عادية و اترش هيبقى زيه زى الباب المخبوط و متسمكر و مرشوش

خسارة ترش العربية و هى جديدة كده هتنزل من قيمتها و حتى لو منظر الخرابيش مزعلك معلش تعالى على نفسك و استحمله خلى العربية تاخد العين

**elmo7amed** · 01-04-2013 11:01 PM

المشاركة الأصلية كتبت بواسطة mostafa.mahran

لو الباب فيه خرابيش عادية و اترش هيبقى زيه زى الباب المخبوط و متسمكر و مرشوش

خسارة ترش العربية و هى جديدة كده هتنزل من قيمتها و حتى لو منظر الخرابيش مزعلك معلش تعالى على نفسك و استحمله خلى العربية تاخد العين

حتبقى زيها زى المخبوطه ازاى بس وتنزل من قيمتها ليه دى خربوش صغير وكده وفعلا حياثر على قيمه العربيه وليه معلش استحمنلى وعرفنى

**Mostafa.Mahran** · 01-04-2013 11:05 PM

العربية موديل 2012 يعنى لسه جديدة و مفيش سبب يخليك ترشها الا لا قدر الله لو خبطها جامد و مينفعش يتمشى بيها كده

انما تترش علشان خرابيش و انت بتقول انها بسيطة يبقى حرام لان ده هينزل من تمنها لان الى بيسمع كلمة راشة برة بيجى فى دماغه على طول انها اتخبطت و اترشت و محدش هيقول انها خرابيش

**khaabas** · 02-04-2013 05:01 PM

سمكرة أيه ورش ايه بس أوعى تعمل كده طبعا
طيب ما تجرب مركز زيرو اللى فى مدينة نصر

**speed_magnum** · 02-04-2013 05:48 PM

ولا سمكره
ولا زيرو
ولا تعمل فيها اي حاجه
نصيحه لله
يا تسيبها
يا تجيب قلم دوكو بنفس لون العربيه وتملا الخربوش بيه وخلاص

**john55** · 03-04-2013 11:45 AM

انا زيك العربيه عندي اتملت خرابيش من المفتاح لما بيحك في الدهان وسالت في التوكيل قالي ممكن ببولش ونتجته حوالي 60% غير كدا يرش المنطقه كلها ودا حرام طبعا