الموضوع: الرشاوى فى مرور الدارسة على الملا

المشاركة الأصلية كتبت بواسطة lada2010

يا جماعة الموضوع خطير الرشاوى عينى عينك فى مرور الدارسة علشان يجيب لك الملف بتاع عربيتك تدفع 5 جندى لا كدا استنى باق بالساعة ومعاملة زافت من المواطنين كانك بتشحات منهم وعلى فكرة 90 % من المرور كدا من هنا وياريت لو فى مسئول سمعنى يروح مرور الدارسة كمدنى ويشوف بنفسة ويارب خدمات المرور تباق الكترونى زى الدول برة تضع فى جهاز زى atm الرخصة يقول لك عليك كام وتدفع اللى عليك وفى اقل من 10 دقائق تكون الرخصة تم تجديدها

انا عايز حضرتك تروح مرور السلام (والعياذ بالله) ح تعرف ان مرور الدراسة نعمه .... هناك مش بس رشاوى على الشباك لأ وبلطجية كمان يلفوا وراك ويعرض خدماته ببجاحه شديدة - "مخالفات ياباشا" - "شكرا انا عارف الشباك" - "بالراحه علينا ياعم الحاج ما تزوقش" - وواقف عينى عينك امام قائد المرور ويقول بصوت عالى "اللى عايز ورق المخالفات على النمر القديمه بعشرة جنيه يالا مين عاوز" والغريبه ان فيه طابور طويل واقف ودول بيخلصو فعلا من الشباك و بتاع الشباك يزعق شويه وياخد منهم الورق وغيره ف الفحص الفنى وغيره وغيره - دا غير بياعين الساندوتشات وحاجه سقعة وشاى وجلدة البطاقة وكروت الشحن تحس انك قاعد فى سوق المرج بتاع الخضار..... انا لسه مرخص الاسبوع اللى فات على اربعة ايام!!!!!!!