عرض للطباعة
السلام عليكم ورحمة الله...
انا اخوكم الدكتور صلاح علوان طبيب عيون من اسكندرية ..
معايا نيسان صنى 2000 وناوى انشاء الله اغير لحاجة جديدة وتقريبا استقريت على المازدا 3 فارجو الافادة عن اماكن بيعها المعتمدة والموثوق فيها فى اسكندرية او اجوارها وكذلك اماكن بيع قطع الغيار والصيانة واخر سعر ليها فى السوق...
واكون شاكر جدا لحضراتكم وربنا يديم المعروف
يا باشا أهلا بيك اولا معانا في المنتدى ،
وطبعا اختيارك لمازدا3 اختيار موفق جدا ، وفعلا عربية تستحق التقدير ،
وهي سعرها في السوق 144000 ،
واحنا عاملين جروب وهنشتريها بسعر الجمله وده من خلال صاحب معرض بيستورد سيارات خليجي ، وعلى فكره فيه معانا مهندس خالد من اسكندريه ، وهو على فكره يعرف اكتر من واحد اسكندريه عندو قطع غيار ليها ، واحنا ان شاء الله هنجيبها بضمان سونستا ، وممكن من غير ضمان ، وهحط لحضرتك لينك الموضع كاملا هتلاقي فيه السعر وكيفيه التواصل وتليفوني كمان لو احتجت اي استفسار ممكن تكلمني ، وده اللينك http://www.nilemotors.net/Nile/showt...d=1#post369714
فعلا لو حضرتك ناوي خلاص يبقى الانضمام للمجموعة المحترمة هايكون فرصة كويسة
ربنا يوفقكو و نشوف صوركوا مع العربيات في رمضان
يا باشا احنا يشرفنا وجود حضرتك في القسم وانضماممك لماليكي مازدا 3 اللي ان شاء الله هكون واحد منهم
بجد اختيار موفق منك وممكن تدخل علي اللينك اللي قالمك عليه justs وتشوف لو العرض ده يناسبك وصدقني ده عرض كويس جدا