الموضوع: النيو واجا وصلت اخيرا !!

المشاركة الأصلية كتبت بواسطة justs

والله أنا خلاص قربت ايأس من اني اعرف انفذ حاجه في موضوع التجمع ده ،

يعني فضلت ماشي 6 شهور مع توكيل عز العرب ، وتليفونات وايميلات وزيارات ، لما طلع عيني ، ورغم كده طلع في الآخر توكيل غير محترم تماما ، وضاع كل التعب ده ،

قلت طيب أشوف بديل محترم ، وعربيه الواحد يجيبها ويريح دماغه ، حتى لو هيقسط فرق القيمه ، وكانت من وجهة نظري مازدا3 واللي أعتقد انها عربيه ممتازة بكل المقاييس ، وقلت نستفيد بتجمعنا ومضيعش التعب ده كله هدر ، وفعلا كلمت أكتر من معرض أعرفه ، لحد ما أستقريت على معرض صاحبه غايه في الأحترام ، وبيستورد سيارات خليجي ، وقلتله على الموضوع وأننا عدد ميقلش عن 8 وفعلا الراجل اداني سعر أقل من السوق ب 15000 من غير ضمان و 10000 جنيه بضمان ، وده طبعا بعد مباحثات طويله معاه ، واملا منه في فتح تعاون مستمر من خلال المنتدى وتحمعات ودفعات متتاليه ، وجبت العرض وأنا بقول في نفسي " أكيد الناس هطير بالعرض ده في العربيه دي " ، ومفيش غير واحد بس من اللي كانو معايا في جين2 هوه اللي فضل معايا ، و 4 مكنوش معايا في الجين2 ، وطبعا العدد كده مش كافي ،

قلت طيب أجيب من الراجل عرض مخفض برضو في مركات تانيه ونعمل مجموعة منوعة ، وفعلا ، جبت منه اسعار لانسر الجديده والانترا و كرولا الجديدة ، ولا حياة لمن تنادي ، كان مفيش حاجه بتحصل ولحد دلوقتي هوه هوه العدد (5)

وطبعا من الخمول ده ، ممكن كمان الصفقه دي تفشل ، والمره دي بسببنا مش بسبب وكيل ،

وبناء عليه ، لو فعلا فضل الوضع كده خلال اليومين اللي فاضلين ، عمري ما هدخل تاني في حاجه زي كده وعمري ما هفكر غير بصوره فرديه ، وهعيش عيشة كل الشعب المصري اللي كل حياته سلبيه وفرديه وعمره ما بيعرف يمون يد واحده في حاجه ،

وأعتقد اني كده ليه حق ،

وادي لينك الموضوع بتاع العرض لو تحب تشوفه
http://www.nilemotors.net/Nile/showthread.php?t=34281

استاذ سامح ...ازى حضرتك

انا مقدر تعبك فى موضوع الجين 2 ... انا نفسى كنت متابع الموضوع اول بأول بالرغم من انى مش حشترى و مقدر مجهودك . لكن .... حضرتك المفروض ماتزعلش من الناس الى كانت معاك وعاوزه تشترى الجين 2 ..... ببساطه لان فرق السعر مابين العربيتين كبير برده ..... وكانت فى ناس بتتكلم فى 85 الف ... 90 الف جنيه ... و ال مازدا مش حتقل عن 110 الف جنيه و كمان بدون ضمان ... و 115 الف بالضمان ....يعنى بنتكلم فى فرق سعر من 20 : 30 الف جنيه ..... و ده فرق مش حين خالص ....... انا من فتره قبل ما اجيب الواجا كنت عاوز اجيب الجراند بونتو و وقفت معانا على 10 الف جنيه " وده مع التقسيط كمان " و معرفتش اجيبها !!!!!.

عرض زى الى حضرتك جايبه محتاج شويه صبر علاشان ..... مش مجرد ايام

و ربنا يوفقك ان شاء الله فى شراء الجميله الانقيه " المازدا 3 " .

AN ARO7T ETFARAGT 3LA EL3ARABEYA ELNAHARDA M3 A7'OOYA........besra7 haya 7elwa mashy bs,tablooh mn gowa gamed awy bs elmaterial beta3 elabwab we7esh be-ateefa ely 7ateeno fel bab dh,yarait kan geln.....wa kman elbab tegy te2felo lazem terza3o wa elshanta mn wara lazem begad terza3ha 3shan te2fel.....elmotor seems fine wa eloptions momtaza tab3an wa ela3da feeha gameela bs te7es enaha old shewaya mosh 7adeesa zay elgen-2.........lw fakkart ashtery haykoon elgen-2