مكان فلتر التكييف ( بالصور ) استكمال موضوع تحسين اداء تكييف الفيرنا

**verna2008auto** · 02-04-2013 08:14 AM

بسم الله ..
اصحابي واصدقائي اسعد الله يومكم ..

حبيت ارفع صور عن طريقة فك درج الطابلوة للوصول لفلتر التكييف رغم التأكيد علي عدم وجوده اصلا في الفيرنا .... مش فاهم لية

نبتدي ببسم الله
نشوف مكان الاسهم لاني دي دلائل علي مكان الشيء المراد فكة

ونروح الناحية التانية من الدرج الناحية اليمين هانلاقي اخو الكاوتشة دي نشدها لجوة

ده شكلها بعد الفك

ده مكان الاتنين

بعد نجاح عملية الفك تماما ..لازم نفتح باب العربية اليمين وننزل الدرج بالكامل

الشكل الموجود في الخلف كما هوا بالصورة .. مكان فلتر التكييف
نشيل سيلك التكييف (( بالراحه مش بالعافية )) لان فية بلاستكه ماسكة طرف السيلك ده نزق (السنة ) اللي فيها لتحت طرف السيلك ها يطلع بسهولة بعد الضعط علي (سنة الحماية دي )

وده شكل الغطاء البلاستك اللي موجود تحتة فلتر التكييف ..

واخيرا فلتر التكييف ........
عبارة عن قطعتين منفصلتين

ارجو اني اكون وضحت ان فعلا فية فلتر تكييف في الفيرنا
(((((منقول للامانه )))))

ان مجادله الاحمق والجاهل...لاتفضى الا للعدم...ولا طائل منها....سال مره الامام الشافعى رحمه الله يوما....عن سكوته...وعدم مجادلته...لبعض مخاصميه....ومجادليه فقال
لا تجادل الأحمق .. فقد يخطئ الناس في التفريق بينكما
ولم اجد ابلغ من هذا الوصف...ولا اروع..للجدال العقيم...فاغلب الناس يخلطوا بين اختلاف الراى...والعناد...فلايرجع عن رائه...حتى لو ايقن انه على خطأ...فاذا كان مخاصمك ومجادلك من هذا الصنف....فغظ الطرف عنه...ولا تجادله....فلن تكسب من جدالك معه غير الشتم...والعناد.

اترككم علي خير ...

**Medicalist** · 02-04-2013 08:40 AM

شغل تمام يا باشا
امبارح انا رحت اسال على فلتر تكييلف الانترا قالولى ب 170 مع انى جايبه قبل كده ب 50 جنيه صناعه اوروبى
انا شفت بتاع الفيرنا فى صورك الى فوق تقريبا شبه بتاع الانترا ونفس الدرج ونفس البتاعه السمرا الى بتتحط عليه
هل ينفع يركب عادى و سعره كام ؟

**EngAhmedSakr** · 02-04-2013 08:47 AM

الف شكر لصاحب الموضوع
شرح جميل وواضح جدا

المشاركة الأصلية كتبت بواسطة medicalist

شغل تمام يا باشا
امبارح انا رحت اسال على فلتر تكييلف الانترا قالولى ب 170 مع انى جايبه قبل كده ب 50 جنيه صناعه اوروبى
انا شفت بتاع الفيرنا فى صورك الى فوق تقريبا شبه بتاع الانترا ونفس الدرج ونفس البتاعه السمرا الى بتتحط عليه
هل ينفع يركب عادى و سعره كام ؟

انا لسا جايب فلتر للإلنترا 2008 من اسبوع .. كان بـ 60 جنيه كوري
وما ينفعش بتاع الفيرنا .. لان بتاع الفيرنا قطعين ومستطيل عكس الالنترا قعطعه واحده ومربعه الي حد ما

**Medicalist** · 02-04-2013 09:07 AM

المشاركة الأصلية كتبت بواسطة engahmedsakr

الف شكر لصاحب الموضوع
شرح جميل وواضح جدا

انا لسا جايب فلتر للإلنترا 2008 من اسبوع .. كان بـ 60 جنيه كوري
وما ينفعش بتاع الفيرنا .. لان بتاع الفيرنا قطعين ومستطيل عكس الالنترا قعطعه واحده ومربعه الي حد ما

شكرا يا باشا طمنتنى انا فعلا كنت جايبه ب 50 جنيه اوروبى بس لما قالى ب 175 ومفيش غيره ادايفت لانه غالى اوى
شكرا ياباشا واها هسأل عليه تانى ان شاء الله

**akmm** · 02-04-2013 11:00 AM

جميل ....... وجهد مشكور .

**adel1212** · 02-04-2013 01:58 PM

ولا ابو 50 يستاهل
ولا ابو 170يستاهل
بس للامانة فرق كبيييير بين ده وبين ده لصالح الاصلي طبعا
انا لسه مغيره من عند ابراهيم البنا(التوفيقية) الكوري وندمت انى مجبتش الاصلي
تحياتي

**khaabas** · 02-04-2013 05:07 PM

‫تغيير فيلتر التكييف للفيرنا 1‬&lrm; - YouTube
‫تغيير فيلتر التكييف للفيرنا 2‬&lrm; - YouTube
ودى فيديوهات على السريع بس سيبك انتا مفيش احلى من الفوار الفواكة هههههههههع :)

**ramy_gamal** · 02-04-2013 09:32 PM

الموضوع دة يمشى مع الفيفا ولا لأ...؟ لسه بنت اختى جايباها وحاسس ان الهواء اللى طالع ضعيف او ى بس ساقع فا قولت اكيد الفلتر ...هى موديل 2008 هل فيها فعلا فلتر ولا لأ؟

**mshmshm3** · 02-04-2013 10:38 PM

ياجماعة ممكن سؤال في حاجة مش فاهمها
انا بشغل التكييف علي وضعية تقليب الهوا اللي جوة العربية
مش بشغله علي الوضعية التانية اللي هي يدخل الهوا من برة العربية عشان مفيش فلتر عندي
انا عمري ما جربت وضعية الهوا من برة العربية عشان مفيش فلتر
هل الوضعية دي احسن ؟ او فيها حاجة افضل

**Ashraf_Ibrahim** · 02-04-2013 11:14 PM

المشاركة الأصلية كتبت بواسطة r_gamal1

الموضوع دة يمشى مع الفيفا ولا لأ...؟ لسه بنت اختى جايباها وحاسس ان الهواء اللى طالع ضعيف او ى بس ساقع فا قولت اكيد الفلتر ...هى موديل 2008 هل فيها فعلا فلتر ولا لأ؟

انا رأيي تستنى رأي المهندس عاصم خبير الفيرنا ان كان الفيفا فيها فلتر واللا لا

المشاركة الأصلية كتبت بواسطة mshmshm3

ياجماعة ممكن سؤال في حاجة مش فاهمها
انا بشغل التكييف علي وضعية تقليب الهوا اللي جوة العربية
مش بشغله علي الوضعية التانية اللي هي يدخل الهوا من برة العربية عشان مفيش فلتر عندي
انا عمري ما جربت وضعية الهوا من برة العربية عشان مفيش فلتر
هل الوضعية دي احسن ؟ او فيها حاجة افضل

من وجهة نظري المتواضعة الوضعية دي احسن طبعا
وهتديلك تبريد افضل من انك تخلي الهوا على التدوير من الخارج :]

الموضوع: مكان فلتر التكييف ( بالصور ) استكمال موضوع تحسين اداء تكييف الفيرنا

LinkBack

أدوات الموضوع

عرض

مكان فلتر التكييف ( بالصور ) استكمال موضوع تحسين اداء تكييف الفيرنا - انشر الموضوع فى :

-

-

-

-

-

-

المواضيع المتشابهه

عن خبرة (شخصية ) تحسين اداء تكييف الفيرنا فالصيف

تجربه تحسين اداء تكييف الاسبرنزا 516

تحسين اداء التكييف

استفسارات:تحسين اداء 128 ؟

تحسين اداء عفشة النوبيرا

الكلمات الدلالية لهذا الموضوع

المفضلات

المفضلات

ضوابط المشاركة