طلب ضروري

**marcoo1983** · 08-08-2008 02:28 AM

انا عايز اعرف جميع الانوار الي بتبان في التابلوه بتاع الفليشيا
لان انا عندي حاجات فاصله في التابلوه وهروح لكهربائي يظبطلي الشغل ده فعايز اعرف كل الانوار الي موجوده في التابلوه علشان اتاكد انها شغاله بدل ما هو يشتغلني
و بعدين فيه حاجه كمان
هيا التاكيهات بتاع الفليشيا بتظبط علي كام لان انا روحت اظبطها النهارده و بعد الظبط كان لسه فيه صوت تكتكه كده بس الميكانيكي قالي انا مقدرش اخليها محمله عن كده لان احنا في الصيف و العربيه هتسخن اوي وتسحب بنزين اكتر
يا ريت لو فيه صوره لانوار و اشارات التابلوه
العربيه فليشيا 97

**marcoo1983** · 08-08-2008 04:28 PM

يا ريت و النبي يا جماعه الي يعرف يرد عليا و ميبخلش بالرد

**MOHAMED ABD EL SHAFY** · 10-08-2008 09:26 AM

الانوار فى التبلوة مقسمة على جزئين على شكل حرف T مقلوب
الخط الرأسى به جميع اللمبات الخاصة بالانوار والخط الافقى به الانوار الخاصة بالميكانيكا

الخط الراسى:
يمينة من فوق اشارة يمين واشارة الشمال (لونهم سهم اخضر)
لمبة نور التابلوة (لمبة خضراء) تعمل عند انارة التابلوة من الزر الموجود فى اقصى الشمار ومرسوم علية لمبة
لمبة النور الواطى (لمبة خضراء) تعمل عند تشغيل ثانى زر من اقصى الشمال
لمبة النور العالى (لمبة زرقاء) تعمل على الرعاش بالعصايا او بالنور العلى للعصايا
لمبة نور الفوج لايت (لمبة خضراء) (لو موجود) لها زر جوار الستوب
لمبة نور سخان البربريز الخلفى (لونها برتقالى) لها زر جوار الستوب

الخط الافقى :
لمبة الزيت ( حمراء - علامة الزيت)
لمبة المارش (حمراء - دائة وبها خط) تعمل فقط فى اول التشغيل اثناء دوران المارش
لمبة البطارية (حمراء وبها علامة بطارية) تعمل فقط فى اول التشغيل ولو حدث مشكلة فى شحن البطارية
لمبة فرامل اليد (حمراء) تعمل فقط عند رفع الفرامل
لمبة الستوب (حمراء وبها علامة مثلث ) وتعمل مع السهمين الاخضرين شمال ويمين) اثناء الضغط على زر الانتظار
هذه هى الانوار بالسيارة

**marcoo1983** · 10-08-2008 09:46 AM

متشكر جدا يا استاذ محمد بس لو فيه حاجات من الانوار دي مش شغاله
اقدر اخلي الكهربائي يشغلها؟؟؟
وبعدين انا عندي مشكله تانيه كده و انا علي التالت و احيانا الرابع بسمع صوت ونه في الفتيس كده بتروح وتيجي فده ممكن يكون سببه ايه؟

**MOHAMED ABD EL SHAFY** · 10-08-2008 11:29 AM

ايوه طبعا يقدر يعملها هوا عيل صغيير بس متخليهوش يقطع اسلاك ويلحم كتيير يحافظ على العربية يعنى

صوت الونة دا ممكن يكون ليه اكتر من سبب
1- تاك اولا انه من الفتيس مش من رولمان بلى العجل بانك تعمل موور ساعت ما تسمع الصوت دا وركز الصوت راح ولا لسا لو راح يبق من الفتيس لو لسا موجود ممكن يبقى رولمان بلى العجل
2- تانى حاجة ممكن يكون علبة الزيت الفتيس عاوز يتنظف (غيير زيت وجرب تانى)
3- ممكن يكون ترس متاكل بالفتيس فى الحالة دى لازم يتفك ويتشاف بس دا اخر حاجة
خلى بالك فك الفتيس مقرف ويتكلف مصنعية من 50 الى 100 ولو اتفك هتركبلة جوانات ولو التروس بايظه خالص يبقى تشترى واحد استيراد احسن فى حدود 500 جنية