عرض للطباعة
السلام عليكم
اشنريت طقم دبرياج جديد عشان العربيه مبقتش تسحب خالص قولت اغير الطقم كله و بعد التركيب حسيت بفرق و لكن في حاجه مضايق منها ان عندي لما العربيه تبقي علي مطلع و الطريق واقف و تديها الاول و تبتدي تمشي تلا قي عصايه الفتيس بتتهز جامد جدا و رععشه في دواسه البنزين مش عارف من ايه لغايه العربيه ما تاخد سرعتها و تختفي الحركه دي سألت الميكانيكي قالي انت جايب ديسك نوعه مش كويس و انا بصراحه مش مقتنع بالكلام ده فكنت عاوز رأيكم ايه سبب المشكله اللي عندي
:help1:
فعلا زي ماقالك للاسف
حاجة تعكنن بصراحة روح لغيره وطمنا
طيب هوه الطقم اللى جبته صناعته ايه وجبته بكام ؟؟ وربنا يوفقك لحل المشكلة
كهربة العربيه لو مش مظبوطه وانت محمل العربيه هتعمل معاك كده
بس للاسف السبب الاكثر احتمال ان الدسك وحش
ربنا يعينك
فعلاً كلام الميكانيكى صحيح ... لان نفس المشكلة عندى ولما وديتها للميكانيكى بتاعى قالى أن سبب المشكلة دى طقم الدبرياج ونصحنى انى أمش علية كدة خاصة ان الموضوع ده مش بيحصل معايا غير لما العربية تاخد مشوار جامد وقالى احاول اضبط الغيار الاول فى الطلعة مع دوسة البنزين علشان متحصلص الرجة دى لانه فى راية انة ماغيرش دلوقتى لان كل الموجود فى السوق مضروب وبكل المقايسس اللى راكب فيها حيكون احسن ..
بس كان واجب على الميكانيكى بتاعك قبل ما يركب يقولك ان نوع الدبرياج مش كويس ... مش يركبهولك وبعد كدة يقولك انه وحش ....
على فكرة نوع الطقم اللى ركبتة اية وسعرة كام ؟
السلام عليكم
المشكلة دى مش ديسك لان فايدة الدسك فى الغيار بس يعنى عملية الفصل فقط اما مشكلة الرعشة مع غيار الاول بتبقى مشكلة اسطوانة
شكرا لكم جميعا
بالنسبه للطقم اللي جبته كان تركي كان عامل 285 جنيه بالبليه و المفروض فعلا ان الميكانيكي كان بقوللي ان الطقم اللي جبته مش كويس
دلوقتي هضطر اني امشي بيه شويه و بعدين لما ربنا يسهل اغير الدسك
سؤال تاني الرعشه بتاعه الفتيس و بدال البنزين دي ليها ضرر علي العربيه و لا عادي
((على حد علمى )) أن أساس الرعشة بيكون جاى من عمود الكردان ودة بالطبع له تاثير على صلايب عمود الكردان وبيخليها تتهالك على المدى الطويل !!!!اقتباس:
المشاركة الأصلية كتبت بواسطة ahmdmagdy
انا طالب توضيح من حضرتك الاول هل الرعشه دي كانت موجوده قبل التغيير بنفس الطريقه ولا ظهرت بعد التغيير فقط
اولاً . لو بعد التغيير يبقى العيب فعلاً فى الديسك
ثانياً. لو كان موجود قبل التغيير يبقى حضرتك تكشف على الصلايب وكرسى النص لأنهم بيعملوا نفس المشكله
واخيراً انا لسه عامل الصلايب امبارح وكانت عندى رجه شديده مع الطلعه فقط وياسلام لو معلق العربيه فى مطلع بتصعب عليك من الرجرجه
الله الموفق والمستعان
أعتقد بالإضافة لما تم ذكره مع الأخ الفاضل، أن لو الرجة دي كانت موجودة قبل كده بس على خفيف، وزادت مع تركيب طقم الدبرياج يبقى ممكن يكون ترس الفلام كان فيه ريجه والميكانيكي مودهوش عند الخراط يقشط الريجه دي.. هذا والله أعلماقتباس:
المشاركة الأصلية كتبت بواسطة zega332
الرعشه ظهرت بعد التركيب و المشكله فعلا لو العربيه في مطلع بتطلع عنيهااقتباس:
المشاركة الأصلية كتبت بواسطة zega332
شكرا ليك بس ايه هو ترس الفلاماقتباس:
المشاركة الأصلية كتبت بواسطة asaeed
طالما بعد التركيب يبقى العيب فى الحاجه الي ركبت والترس ده حضرتك الى بياخد الحركة من المارش عشان يدور العربيه بس المفروض ان الميكانيكى مجاش ناحيته وهو بيركب
كانت عندي رجه مش رعشه بعد تركيب طقم الدبرياج بفتره قصيره طلع الديسك صيني و غيرته و الرعشه اختفت تماما
الموضوع ده بيحصل فى اى وقت ولا بعد مشوار طويل او لما العربية تسخن؟
هي ايه الصلايب بالظبط دي !!اقتباس:
المشاركة الأصلية كتبت بواسطة zega332
وتكلفتها كام وهل فيها حل كتير زي كرسي النص ولا ايه ؟؟
وهل كرسي النص ده بيتشحم ؟؟
كل ماغير كرسي النص مايكملش ويبوظ تاني هل ليه حل ؟؟
بس خلاص افتكرتهااقتباس:
المشاركة الأصلية كتبت بواسطة hassanin_lada
بس لو عاوز اعرف ان العيب منها اعرفه ازاي ؟؟
وايه افضل نوعه وسعره كام ؟؟
الصلايب تقريباً الواحده ب 45 جنيه مش غاليه وتركيبها سهل جداً ومبياخدش وقت مجرد فك وتركيب الكردان وتعرف ازاى دي هى بتسبب رجه تحت العربيه ومع السرعه كمان بتبقى باينه الزنه بتاعتها فى العربيه وطبعاً لما تتفك هتلاقيها تقيله بسبب البلى الي فيها يكون باظ
ممكن يكون ترس الفلام لان نفس المشكلة دى حدثت معى من قبل و بعد تغيير الترس انتهت