طلعت الرخصة وللاسف بالفلوس :(

**Ahmed Amin** · 05-06-2013 10:41 PM

طب لو حضرتك فقيه. أفيدنا من علمك وأفتي لنا جزاك الله عنا خيراً وعن الحاضرين.!!

**Ahmed Amin** · 07-06-2013 01:39 AM

أولاً شكراً علي تحديف الكلام في المشاركة اللي فاتت.
ثانياً شكراً علي التريقة في المشاركة الأخيرة.!

لو مكنتش فقيه او عندك رأي في الموضوع مكنش ليها لازمة انك تتريق علي كلامي وترمي بالكلام. !
أنا قلت رأيي الشخصي وانا مقتنع بيه ووضحت السبب, ولو كان عندك رأي كنت قوله التريقة وتحديف الكلام.

شكراً,,

**dem0** · 09-06-2013 02:56 PM

برافو اشتريتى دماغك ووجع الراس وزي ما قلنا الغايه تبرر الوسيلة انا برده بدفع واشتري دماغي واقعد اشرب شاى فى الهوا والاجرئات بتخلص بدل البهدله والمرمطه وفى الاخر هدفع برده ان مكنش للمرور يبقى على حساب شغلى ووقتي

**Yoyo.yasso** · 10-06-2013 04:02 AM

انا بعتذر يا جماعة عن المشادات اللى حصلت بسبب موضوعى
انا عرضت موقف وتجربة حصلت معايا سواء متفق او معترض على اللى حصل بس هى تجربة واقعية مش هاينفع نتجاهلها
انا حكيت الى حصل بالظبط ومش لازم ادى تفاصيل شخصية عن حياتى او طبيعة عمل زوجى علشان ابرر اللى عملته
لانى لو عايزة ابرره مكانتش قلت انى زعلانة على اللى حصل من الاول
عموما جزاكم الله خيرا على المرور وابداء الاراء

**أحمد جودة** · 10-06-2013 01:02 PM

المشاركة الأصلية كتبت بواسطة SHNORY

المرور ده اقذر هيئه واقذر شخصيات ممكن الواحد يتعامل معاهم في حياته
لو ممعاكش واسطه جامده او لو مدفعتش رشاوي وعندك اي خلل حيعجزوك
واحد زيي عربيته موديل 90 يعني بقالها 23 سنه
يعني موتورها طالع من مصنعه ايامها غير مطابق بمواصفات البيئه بمقاييس اليومين دول
ومهمام عملت حسقط في اختبار العادم
يبقي مفيش حل غير اني افتح مخي
الحل التاني انهم يفتحوا تسقيط مواتير جديده بسعه معينه زي سعه العربيه الاصليه مش لازم نفس النوع
وفي المرور بمزاجك او غصب عنك حتدفع الرشوه
لان مفيش جهه رقابيه تقدر تشتكيلها
ومفيش مقياس ولا معيار لحاجه عندهم
انا عمري ما روحت اخلص اي حاجه لعربيتي لوحدي
لازم حد شغال هناك يكون معايا علشان عارف كل موظف سكته ايه وبياخد كام
البلد دي محتاجه هيئه رقابه من حديد
بس حتي لو عملوها حيمدوا ايديهم برضه ويرتشوا
واحنا بنحب الحلول السهله
او هين قرشك ولا تهين نفسك
علشان متتمرمطش وتتقرف

كلام واقعي ومقنع
معاك فى كل كلمة حضرتك كتبتها

وانا من كام شهر كنت بجدد ترخيص وبنقل ملكية وكنت لازم ادفع هنا وهنا علشان اخلص بسرعة ومفيش داعي اتبهدل
مع العلم أوراقي كلها كانت كاملة ومعنديش مشكلة

والناس اللى بتهاجم الاخت اللى عملت الرخصة بالطريقة دي

طيب بدل متتهمها أنها ساعدت فى الرشوة

تخيل لو كل شيئ سهل وميسر زي البلاد المتحضرة وهتعمل الرخصة بدون بهدلة وتعب ووجع قلب
أعتقد مكنتش فكرت تعمل كدة مع اني مش معاها فى اللي عملته

اللى عاوز أقولة وفرلي الطريق السهل والميسر والتعامل بالطريقة الادمية وتعالي حاسبني لو دفعت رشوة والله يا جماعة أحنا مش عايشين فى المدينة الفاضلة لسة مبلقثهاش وجود على الارض

معلش طولت فى الرد بس كلمة أخيرة

لو حضرتك بتعمل أى مصلحة فى اي مكان ومفتحتش مخك لو حتي ورقك سليم وكامل هيلففوك حوالين نفسك

تحياتي للجميع واعتذر لاي حد هيشوف المشاركة بتاعتي ويختلف معايا فى الرأي