يا جماعة انا صاحب موضوع سحب مقدمات الحجز من كيا.... بعتذر ليكم انا استلمت العربية

**big big** · 02-04-2013 04:34 PM

اولا عنوان الموضوع شارح نفسة
انا بيج بيج صاحب موضوع سحب مقدمات الحجز من كيا انا حابب اقول النهارده اني بعتزر جدا ليكم علي اني مئدرتش اسحب الحجز بتاعي خصوصا اني المدادم محتاجة عربية جدا لظروف معينة صعب شرحها ولكن ده مش معناه اني مقتنع بان العربية تستاهل السعر بس بصراحة مقارنه بباقيالاسعار والامكانيات هية تكسب انا بعتذر بشده للناس كلها والاعتراف بالحق فضيلة ومن اخطئ فعلية بالاعتذار تمام ارجوكم سامحوني نظرا لظروفي الشخصية النقطه التانية انا استلمتها الاحمد الله امبارح بعد عناء من الوكيل العربية لونها احمر اسف مرة تانية وياريت محدش يزعل مني

اه بالحئ عشان الامانة اكتر العربية هتزيد الاسبوع ده ممكن يكون بكرة من 10000 الي 15000 يعني هتكون بحوالي 16 165الف ج والله اعلم

**khaabas** · 02-04-2013 05:33 PM

يا كبير ربنا يديك خيرها ويكفيك شرها وصفقة رابحة ان شاء الله

**2CODE** · 02-04-2013 06:18 PM

لا طالما المدام يبقى حاجة خارجة عن الاراده انا عارف كويس انما لو كنت انت كان زمانا بنجري وراك بعربياتنا ههههههههههههههههههه

الا قول لي هي ايه العربية اللي حاجزها ؟ ومبرووووووووووووووووووووو ووووك مقدماً ومنقدرش ياعم على زعل المدام

**hossam_elwani** · 02-04-2013 06:32 PM

المشاركة الأصلية كتبت بواسطة khaabas

يا كبير ربنا يديك خيرها ويكفيك شرها وصفقة رابحة ان شاء الله

165000 ليييييييييييييييييه

مش قصدك على الهاى لاين ؟؟

دى لسه زايده 10000 من اسبوعين

واحنا الى كنا بنقول على توكيل كيا محترم

**mostafaenany** · 02-04-2013 08:00 PM

كل شئ وارد فى البلد دى.. ربنا يرحمنا من الجشع دة

**khaabas** · 02-04-2013 10:42 PM

المشاركة الأصلية كتبت بواسطة hossam_elwani

165000 ليييييييييييييييييه

مش قصدك على الهاى لاين ؟؟

دى لسه زايده 10000 من اسبوعين

واحنا الى كنا بنقول على توكيل كيا محترم

اقولك ليه لو صحيت الصبح ولقيت العربية زادت 10.000 كمان تبقى صفقة رابحة وله لا
ولو تلاحظ حاجة تانية ان الزيادات الرهيبة دى مبتحصلش اللى فى العربيات الكورى بس لانها العربيات المطلوبة و

سيبك من هجص الاوربى والكلام ده

**hamaka** · 02-04-2013 11:34 PM

المشاركة الأصلية كتبت بواسطة khaabas

اقولك ليه لو صحيت الصبح ولقيت العربية زادت 10.000 كمان تبقى صفقة رابحة وله لا
ولو تلاحظ حاجة تانية ان الزيادات الرهيبة دى مبتحصلش اللى فى العربيات الكورى بس لانها العربيات المطلوبة و

سيبك من هجص الاوربى والكلام ده

مع احترامى لرأى حضرتك بس العربيات الكورى لا ترتقى أبداً لمجرد المقارنة مع العربيات الأوروبية ، بس أنا طبعاً متفق معاك تماماً فى ان العربيات الكورى مطلوبة فى مصر أكتر لعدة اعتبارات أهمها عقلية المستهلك المصرى اللى طبعاً مرتبطة بتجار قطع الغيار و قدرة الميكانيكية المحدودة على التعامل مع السيارات الأوروبية لأنها الأعلى تكنولوجياً ، أنا عايز أقولك ان أسعار الكورى بالشكل دا هنا بس ، أنا كنت لسة قارى مقال فى أخبار السيارات من أسبوعين تقريباً كان بيتكلم عن أد ايه صناع السيارات الأوروبية بيعانوا بسبب السيارات الهيونداى بالذات بسبب رخص ثمنها الملحوظ بالنسبة للسيارات الأوروبية و اقبال الأوروبيين عليها عشان ركوبة رخيصة مع معدلات أمان حلوة بس على حساب التكنولوجيا و عمر الموتور ، و كانوا عايزين الحكومات بتاعتهم ترفع الرسوم على دخول العربيات الأسيوية للسوق الأوروبى عشان يفقدوا السيارات الكورية الميزة الوحيدة اللى تخلى المستهلك الأوروبى يفضلها على انتاج بلده

**2CODE** · 03-04-2013 12:35 AM

المشاركة الأصلية كتبت بواسطة hamaka

مع احترامى لرأى حضرتك بس العربيات الكورى لا ترتقى أبداً لمجرد المقارنة مع العربيات الأوروبية ، بس أنا طبعاً متفق معاك تماماً فى ان العربيات الكورى مطلوبة فى مصر أكتر لعدة اعتبارات أهمها عقلية المستهلك المصرى اللى طبعاً مرتبطة بتجار قطع الغيار و قدرة الميكانيكية المحدودة على التعامل مع السيارات الأوروبية لأنها الأعلى تكنولوجياً ، أنا عايز أقولك ان أسعار الكورى بالشكل دا هنا بس ، أنا كنت لسة قارى مقال فى أخبار السيارات من أسبوعين تقريباً كان بيتكلم عن أد ايه صناع السيارات الأوروبية بيعانوا بسبب السيارات الهيونداى بالذات بسبب رخص ثمنها الملحوظ بالنسبة للسيارات الأوروبية و اقبال الأوروبيين عليها عشان ركوبة رخيصة مع معدلات أمان حلوة بس على حساب التكنولوجيا و عمر الموتور ، و كانوا عايزين الحكومات بتاعتهم ترفع الرسوم على دخول العربيات الأسيوية للسوق الأوروبى عشان يفقدوا السيارات الكورية الميزة الوحيدة اللى تخلى المستهلك الأوروبى يفضلها على انتاج بلده

لأ بقى اسمحلي يا فندم دا بيسموه قصر ديل

هو انت هتعوز ايه تاني عربية كماليات ووسائل امان وسعر كويس واعادة بيع ممتاز وثبات على الارض ممتاز جداً على سعرها فعلشان كده العربية ممتازه من كل ناحية اللي بيقول غير كده ده بيكون نايم ان شاء الله