قشقاى و لا ix35 , و لا subaru xv

**kfma1** · 02-04-2013 06:36 PM

حاجة تحيير

عاوز سيارة عالية علشان المطبات و قوية بنزين 92 و بها مثبت سرعة

قشقاى و لا ix35 , و لا subaru xv

**said.d.y** · 03-04-2013 05:40 AM

انا كنت فى نفس حيرتك من ثلاث شهور تقريباً، بس المقارنة كانت بين القشقاى والاسبورتاج والix35،ورأى الشخصى بعد المقارنة والنت وسؤال الناس الجربوا العربيات والذى منة،،،،،،،،،
أولاً: استبعد السوبارو تماما، ودى موش لعيب العربية ولاكن لعيب سوقها فى مصر، ممكن تكون احسن واحدة فيهم، لاكن زى ما المثل بيقول (حسن السوق ولا حسن البضاعة)،موش منتشرة وقطع غيار وصيانة محدودة عند التوكيل دى غير موضوع اعادة البيع لو فكرت تبيعها فى يوم، تخسر كتييييييييييييييييييييييي ييييييييييير.
ثانياً: مقارنتى للثلاث عربيات لو اديت لكل واحدة درجة وصلتنى للاتى:
- القشقاى (رأى الشخصى) اقل واحدة من حيث الشكل الخارجى و الداخلى(الصالون)، واقل واحدة من حيث قوة الموتور والهورس باور،،،،،.
- الix35 والاسبورتاج متقاربين لاكن الاix35افضل من حيث:
1- كماليات اعلى (فى نفس الفئة).
2- السعر اقل (10000جم).
3- الحجز 20 الف جم والاستلام خلال شهر ونصف.(الاسبوتاج 40 الف والاستلام خلال 7 شهور).
4- انا كنت حاجز العربيتن وخلال فترة الحجز(شهرين) الاسبورتاج زادت 25 الف جم، والIX35سعرها ثابت.
وفى الاخر استخرت ربنا واستقريت على الIX35، واستلمتها فعلاً من 4 ايام،واعتقد الاختيار موفق والحمد للة، وعلى فكرة فيها مثبت سرعة(الفئة الثانية وطبعاً الهاى لاين).
اعتقد لو سعرها لسة زى ما هو وظروف استلامها تبقى الix35فضل خصوصا، لو انت مستبعد القشقاى.

**Mohyeldin1974** · 05-04-2013 01:33 AM

متابع

**said.d.y** · 05-04-2013 08:48 AM

المشاركة الأصلية كتبت بواسطة kfma1

ليه رأيك فى الix35 العفشة الموتور ياترى 92 و لا 95 بنزين اى فئة اشتريت؟

انا اشتريت الفئة الثانية ب205 الف جم وهى بنزين 92، بالنسبة للعفشة والموتور حاسس انهم ممتازين،فى حدود المسافة المشيتها بالعربية حتى الان(60كم فقط).
بس بشكل عام العربية فخمة جداً وعالية واجمد من الاسبورتاج لما وقفنهم جنب بعض.
رأى شخصى بحت، وربنا يوفقك للخير، وانا تحت امرك فى اى استفسار؟