يا جماعة اخيرا قررنا نتطور و نجيب ريسيفر HD
السؤال ، ايه احسن الماركات (و بكام ) ، و نشترى منين ، و هل فى تعديلات هتتعمل فى التوصيلات اللى عندنا حاليا ( الطبق ، LNB ) ؟؟
:help1:
عرض للطباعة
يا جماعة اخيرا قررنا نتطور و نجيب ريسيفر HD
السؤال ، ايه احسن الماركات (و بكام ) ، و نشترى منين ، و هل فى تعديلات هتتعمل فى التوصيلات اللى عندنا حاليا ( الطبق ، LNB ) ؟؟
:help1:
بس يا استاذي افضل رسيفر هو الدريم بوكس hd وده من1500الي2500ج
خليك في العادى رسيفر ستار سات واي فاي550ج
او رسيفر جوكر500ج بس نصيحه اوعي تجيبو
او ر سيفر ستار1 hd5000 ده كويس وفي المعقول جدا470ج
ومتخليش الفنى يلعب بيك LNBمتغيرهاش والرسيفر بيجي بوصلهhd
ولو في اي حاجه انا تحت امرك
فية نوع نضيف اسمة سكاي بيبدا من 1000 ..
ايوه موضوع في الجون ..،
اولا هل الصوره حتفرق برسيفر hd عن رسيفر عادي مع القنوات اللي مش hd؟؟؟
ثانيا ايه الفرق بين الرسيفرات hd ؟؟؟ يعني بيفرقه في ايه علشان ابقي فاهم وانا بشتري
ويعني ايه شارينج ده و هل في حجات بتفك القنوات المشفره و show time و هل باشتراك
من الاخر عايز رسيفر جامد و مش مهم السعر و يكون فيه كل حاجه و يكون صورته حتفرق عن الرسيفر العادي مع القنوات العاديه اللي مش hd
خللي بالك ان الصوره بتتوقف علي ال resolution بتاعه التلفزيون بتاعك بالاضافه الي الريسيفر
- من الخصائص المهمه غير ال hd انه يكون فيه USB و ده عن طريقه تقدر تسجل اللي انت عايزه من التلفزيون علي فلاشه و تتفرج عليه في اي وقت و كمان يبقي فيه فتحه إنترنت او حاليا بقت wireless فيقدر يشوف الوايرلس راوتر بتاعك عن طريق الواي فاي و بكده يدخل علي الانترنت علشان تقدر تستفيد من ال sharing إذا كان جاي معاه سيرفر مجاني و أيضاً لتحديث السوفتوير الخاص. بالريسيفر
- الشيرنج ده معناه انك تدخل بالريسيفر علي الانترنت و عن طريقها بيدخل علي سيرفر بيفك شفره باقه قنوات هي الجزيره الرياضيه و ال ART و كتير من الاجهزه بيبقي جاي معاه سيرفر مجاني هيقولك فاتح القنوات دي ٦ اشهر او سنه و احيانا سنتين بس طبعا لازم يبقي متوصل بالإنترنت علشان يشتغل وإلا ما يبقاش ليه لزمه و بالنسبه للشوتايم دي شفرتها معقده فما تعملش حسابك عليها
- حاول و انت بتشتري تجيب ماركه ليها توكيل و من الماركات المعروفه ال هيوماكس و الترومان و الستارسات و ال pans at و Qmax و ال Astra
اتاكد الاول ان اى ريسيفر hd لانى جبت رسيفر من فترة مش hd بس فيه مخرج hdmi
متشكر يا باشا علي التوضيح و الله ينور عليك... انت كده بدات افهم !!!! فين بقي الناس اللي حتظغرط هاهاها
انا التلفزيون عندي hd فكده من كلامك الصوره حتبقي احسن مع القنوات العاديه بالرسيفر ال hd ذي قنوات المسلسلات و الافلام مثلا
كمان مين من الماركات اللي انت كتبهم افضلهم و اسرعهم و في wirless for sharing و اجيبه منين و اعمل حسابي علي كام؟؟
و هل بعد الشرينج السنه مايخلص بيبقي في اشتراك سنوي و بكام؟؟؟
اسف علي الاسله الكتير وشكرا يا باشا مره تانيه
العفو يا فندم . انا عن نفسي جربت truman premier plus و كمان 9090 options truman و دول مواصفاتهم كويسه و ليهم وكيل و رقم مختصر و لو حصل للجهاز اي حاجه بتوديه ليهم و حتي كمان ممكن تبقي تظبط الاشتراك معاهم لما الاشتراك المجاني يخلص و في محلات صيانه دش كتير ممكن تشترك معاها و بيبقي عندها سيرفرات باشتراك و تقدر تشترك في اللي انت عايزه و السعر هيبقي حسب الباقات اللي هتطلبها . بالنسبه لرينج السعر اعتقد خد معاك مثلا ٨٠٠ جنيه او أزيد شويه احتياطي علشان الاسعار بتغلي و اشتري من مكان مضمون زي كارفور إذا كان متوافر عنده او لو رحت العتبه هتلاقي توكيل ترومان هناك اصلا و في محلات ما بتبيعش غيره و دي ممكن تفاصل معاهم. بالمناسبه لو جبت اي ماركه من الحاجات اللي تسأل عليها برضه هو الجهاز فيه كامه فعلا و لا مجهز لكامه فقط علشان ده من المقالب المشهورة انه يطلع مجهز فقط بكامه و الكامه دي هي اللي بيركب فيها كروت الاشتراك لو حبيت تشترك مثلا في الجزيره او الشوتايم او الاوربيت عادي عن طريق cne مش عن طريق الشيرنج و الانترنت
يعني في الاخر تدور علي الحاجات دي
Hd
USB
Wifi
مجهز بكامه (إذا كان عندك نيه الاشتراك في قنوات عادي)
في موقع كويس بتاع وكيل لكذا ماركه بس مش ترومان ممكن تكلمه و تستفسر عن الاسعار و الامكانيات منه بتاعه الأنواع اللي عنده و اعتقد انه الوكيل بتاعها و الموقع اهو
http://dalyexport.com/
باشا انا بقالي 3 سنين بجيب كل سنة رسيفر hd و نصيحة ليك لو انتا عايزو عشان القنوات العادية فا مش هاتحس بي اي فرق لكن في القنوات ال hd هاتحس بفرق جامدددددددد خصوصا الجزيرة تحس انك بتتفرج علي ماتش تاني خالص و خلي بالك مش كل التليفزيونات اللي فيها فتحة hd بتبقي hd لان في تليفزيونات بيبقي قيها الفتحة بس مابتعرضش hd بيبقي مكتوب عليها hd ready