الموضوع: مشكلة فى الحرارة لسيفيك Vti 2009

بص يا برنس ركز معايا اوي كده ركز كويس وسيب الموبيل ركز:
1- ممكن يكون غطاء الريداتير بايظ وبيسرب بخار المياه والمياه بتقل علشان كده العربيه بتسخن
2- ممكن يكون غطاء القربه برضه
3- ممكن تكون المياه الخضراء اصلا وحشه لو كنت غيرتها بالنوعيه الي موجوده في السوق الي اسمها speedo السعودي دي يبقى الافضل انك تروح لواحد بتاع ريداتيرات ينضفلك دوره المياه كولها ويسيخ الريداتير المياه دي معايا بعد سنه بظبط عملت زي حاجه كده زي سيليكون بظبط قفل مواسير الريداتير كولها مره واحده والله وانا على الطريق رايح القاهره وانا بجري وكله تمام وانا مروح في نفس اليوم عملت كده العربيه سخنت مره واحده جامد وجابت معايا بعيد عنكم يارب جوان وش سلندر خلي بالك من الموضوع ده انت او اي حد يقرا الكلام ده مش هاتخسر حاجه لما تنضف الريداتير وتجيب مياه نضيفه يبقى بتحافظ على الموتور من الحراره وهاتخسر كام 150 جنيه بكتيره اعتبرهم ضاعو منك عمرك ماضيعت فلوس يعني
على فكره 150 جنيه متضمنه ثمن المياه النضيفه موبيل او توتال من اي بنزينه نضيفه هاتلاقيها ب 70 او 80 جنيه تقريبا
4- في حاجه كمان لما تعمل ده كله ومافيش تحسن خلي الميكانيكي يشوف السيرموستات الميكانيكي ده عباره عن بوابه كده عند مخرج المياه من الموتور للريداتير دي فائدتها انها بتكون مقفوله الصبح والعربيه بردانه علشان تفضل حابسه المياه جو الموتور وتسخن الموتور بسرعه اول لما الموتور يسخن تفتح وتمشي المياه عادي خالص للريداتير البوابه دي ممكن تكون مش بتفتح كويس للاخر علشان كده انسياب المياه جو العربيه مش بيكون كويس وبتسخن بسرعه
5- لو عملت الخطوه رقم 4 يبقى بالمره بقى وانت عند الميكانيكي خليه يفك طلمبه المياه يشوف اليش بتاعها سلميه والبليه بتاعها خشنه ولا سليميه والاويل سيل بيسرب مياه ولا سليم

ارجو ان اكون قد افدتك واسف على الهزار لو كان زياده شويه

غالبا بسبب انك غيرت الريداتير فالسربنتينه بتسخن اسرع من القديمه او بمعنى اصح بتوصل لدرجة الحراره المطلوبه اسرع وده مش عيب على فكره طالما ان درجة الحراره ما بعد التسخين زي ما هيا
يبقى دورة التبريد تمام
ولو الموضوع بسبب الزيت هيكون انك تكون غيرت نوعية الزيت فاللزوجه اختلفت
المهم انك تتطمن مفيش خطوره على الموتور طالما الحراره ما بتعديش النص في كل الاحوال

المشاركة الأصلية كتبت بواسطة hamada_amg

ايوه بقى رجاله الهوندا

بص ياباشا انا غيرت الريداتير بس من غير السربنتينه و الكلام ده من شهر 10 اللى فات يعني من 6 شهور تقريبا و نفس الزيت اللى بستخدمه هو هو لكن انا شاكك مش عارف ليه فى اخر جركن ده و بقاله كمان 4000 كيلو شغال بس مقاسه حتى الان كويس

و ده اللى مطمنى ان الحراره و لله الحمد مش بتعلى عن النص و كمان الميه تمام فى الاربه

هاغير الزيت و اجرب مجرد بس اطمئنان اصل اخوك طاير على الطريق على طول فعشان كده بقلق من اى حاجه بسيطه و الله المستعان

بس قولى ياباشا لو غيرت الزيت و فضلت نفس القصه كده اعمل ايه ؟ امشف تاني على دورة التبريد كلها ؟

انت بتحط زيت ايه؟

بس كمان عايز اقول لك ان العربيه بتسخن اسرع عشان الجو بقى يميل للحراره و ده حاصل معايا