المشاركة الأصلية كتبت بواسطة طارق _عبد السلام
المسمار بينزل فى الفانتاز لكن الايه فايف مابينزل بها
على العموم انا قلت بينزل فى الفانتازيا لان فيه مشاركه بتسئل انه مايعرفوش
على فكره مش المسمار دلوقت ولا جهاز الانذار ولا حتى قاطع البنزين او الكهرباء
المشكله الان والكل عنده نفس الشعور
انك لما بتخرج بالعربيه وبترجع وانت راكبها ده بقى انجاز لوحده لان كل واحد متوقع انه يتثبت فى اى وقت وفى اى مكان
ده حتى الجراج مابقى امان والله واحد معرفه عربيته اتسرقت دفع 25 الف وجابها
وبعدها قال لنا هاخد جراج خاص وبعد شهر تقريبا نفس اللى سرقوا العربيه من تحت البيت راحوا له عند الجراج وانتظروه لحد مانزل وفتح وهو بيسخن وينظف العربيه لقى البلطجيه داخلين عليه بالاسلحه الاليه واخدوها لتانى مره ومعاها الموبيل وكل الفلوس الموجوده معاه
ده احنا فى ايام ربنا وحده الاعلم بيها بقينا عايشين فى مستنقع بلطجه