IX35 vs XV vs 3008

الساده خبراء المنتدى الكرام
محتاج مساعدتكم فى الاراء فى العربيات الاتيه (1600 cc) لانى راجع ان شاء الله مصر الشهر الجاى (ومحدش يقلى خليك عندك)
1- IX35 الفئه التانيه
2- XV الفئه الاولى او التانيه
3- 3008 الفئه الاولى او التانيه

الميزانيه فى حدود 200 - 220 / عائليه كنبه خلفيه وشنطه واسعه/ عاليه عشان شوراع المحروسه/ توكيل على الاقل جيد / توافر قطع الغيار والصيانه وعربيه من غير مشاكل شائعه/ مبغيرش العربيه بسرعه وانا مش بتاع جرى اوى ولا حركات بس للاستخدامات الاسريه والسفر

رايى الشخصى وممكن تصححولى:
1- IX 35 الفئه التانيه تحقق معادلة السعر والوسع الداخلى ولكن يعيبها غبور وكورى وميفرقش معايا الانتشار طالما قطع الغيار فى التوكيل وربنا يكفينا شر الحوادث (طبعا اخت السبورتاج اللى بقى سعرها مستفز) ومحتاجه بنزين 95 طبعا سيفتى مش بطال.

2- XV يابانى 100%بصراحه الكل بيشكر فى العربيه دى واللى مظلومه عاما فى مصر ويعيبها بالنسبالى هو مساحة الشنطه والخامات البلاستيكيه فى التبلوه والابواب حتى قلة الانتشار دى ميز ه فى اى حد بيأنى عربيه بس مش ميزه فى توفر قطع الغيار ،والتوكيل الناس ابتدت تشكر فيه وبتاخد بنزين 92 وطبعا السيفتى ممتاز. بس اضايقت لما رحت اسال قالولى بالحجز والراجل حسسنى ان الناس عليها طوابير.

3- 3008 طبعا الاوروبى لا يعلى عليه ويكفى انها بتنزل بنفس المواصفات فى الخارج واعتقد HP156 وعائليه وشطنه اختراع وتابلوه وخامات شيك وعاليه بس التوكيل معرفش نظامه ايه وبقالى كتير مش متابع البيجو وجودته والعربيه اعتقد هتحتاج بنزين 95 والسيفتى ممتاز وربنا هو الحارس بس حاسس انها عربيه حريمى شويه او بمعنى اصح مظهرها ناعم زياده عن اللزوم على عكس IX و XV

طبعا فى بعض الاخوه هيقول القشقاى وانا عارف انها الامثل بس مش عارف قافل منها وحاسس انها هاتش باك عاليه شويه.

للعلم تاريخى مع العربيات هو 505 (بتعت الوالد ربنا يديله الصحه) ثم كورولا عيون ثم كورولا 2006 + سبارك ثم فوكسول كورسا ثم فوكسهول استرا استيت حاليا

وسؤال اخر سياسى اقتصادى
هل الواحد فى ظروف البلد دى يجيب عربيه كويسه ويتوكل على الله ولا نمشى جنب الحيط ونشوف حاجه مستعمل نقضى بيها لاحال؟

اسف للاطاله واشكركم على المشاركه

XV
وبعدي 3008
وبعدين ix35
كترتيب من رأي فقط ..

يا ترى ارتفاع ال 3008 عن الارض كام سنتى متر

if you won't change before 5 years...go for the Peugeot (it is the best in everything). if you will change before that go for the Hyundai (best for resale value) and good in all the other aspects.

اقتباس:

---

المشاركة الأصلية كتبت بواسطة s o p h o s

xv
وبعدي 3008
وبعدين ix35
كترتيب من رأي فقط ..

---

طيب التريب بناء على ايه؟

اقتباس:

---

المشاركة الأصلية كتبت بواسطة ahmed.hashem

if you won't change before 5 years...go for the peugeot (it is the best in everything). If you will change before that go for the hyundai (best for resale value) and good in all the other aspects.

---

حضرتك معندكش فكره عن قطع غيارها وتوكيلها (3008)

اقتباس:

---

المشاركة الأصلية كتبت بواسطة kfma1

يا ترى ارتفاع ال 3008 عن الارض كام سنتى متر

---

بصراحه دورت معرفتش بس مش هتقل عن 16 سم

طيب ليه حضرتك ما فكرتش في ال 5008 بدل ال 3008 ?
عامه انا افضل الترتيب ده

١- بيجو 3008 او 5008
٢- هيونداى ix35
٣- سوبارو xv

اللي انا قلقان منه بصراحه من البيجو موضوع البنزين فيستحسن تتأكد هي بتمشي ب ٩٢ و لا ٩٥ (اعتقد انها بتمشي ب ٩٥) علشان لتر البنزين ال ٩٥ و العياذ بالله ب ٥.٨٥

أنا في نفس وضعك بقالي فترة

ال XV عربية جميلة لكن شنطتها لا تصلح اطلاقا إنها تكون عربية عائلية , أنا حاولت احبها لكن معرفتش و الموضوع ده كان احدي الأسباب

ال ix35 حلوة , لكني متخوف من عفشتها إنها تكون ناشفة زي السبورتاج , غير إن الموتور ال GDI النسب ليه 95

ال 3008 علي حسب كلام الوكيل إنهم عدلوا ال ECU عشان العربية تقبل 92 , العربية شكلها وهمي من جوه , و موتور قوي و عفشة حسب ماسمعت إنها نأعمة , لكن كنت حاسس إن التقفيل مش قد كده , علي سبيل المثال المقبض اللي في تابلوه كان بيتهز و بيزيق , و كان الزرار المسئول عن نزول ظهر الكنبة الخلفية مش شغال مع إنها عربية جديده بكيسها في التوكيل.

في ظل الثلاثة دول رأيي ال ix 35 , اوسعهم ضمان 5 سنين , أحسنهم في سعر اعادة البيع , ومتوقع لها انتشار اكبر

القاشقي جميلة برده لو عرفت تجيبها بسعرها الأصلي 185

اقتباس:

---

المشاركة الأصلية كتبت بواسطة land_cruiser

طيب ليه حضرتك ما فكرتش في ال 5008 بدل ال 3008 ?
عامه انا افضل الترتيب ده

١- بيجو 3008 او 5008
٢- هيونداى ix35
٣- سوبارو xv

اللي انا قلقان منه بصراحه من البيجو موضوع البنزين فيستحسن تتأكد هي بتمشي ب ٩٢ و لا ٩٥ (اعتقد انها بتمشي ب ٩٥) علشان لتر البنزين ال ٩٥ و العياذ بالله ب ٥.٨٥

---

اعتقد 5008 هتكون اكبر من احتياجاتى وانا عايز العربيه تجمع بين الوسع والشبابيه بردو واعتقد 5008 عائليه بحته و 7 سيترز
بالنسبه للبنزبن هو اكيد 95 بس من قرائاتى عرفت ان فى 508 و 3008 سينسور فى الماتور او شى من هذا القبيل بيظبط الماتور على 92 (مش عارف اوصف اوى) بس برود محتاج اتأكد من النقطه دى اكتر وياريت لو حد يأكدلى ىالمعلومه دى
بس بردو حضرتك مذكرت اسباب الترتيب

اقتباس:

---

المشاركة الأصلية كتبت بواسطة mezox

أنا في نفس وضعك بقالي فترة

ال xv عربية جميلة لكن شنطتها لا تصلح اطلاقا إنها تكون عربية عائلية , أنا حاولت احبها لكن معرفتش و الموضوع ده كان احدي الأسباب

ال ix35 حلوة , لكني متخوف من عفشتها إنها تكون ناشفة زي السبورتاج , غير إن الموتور ال gdi النسب ليه 95

ال 3008 علي حسب كلام الوكيل إنهم عدلوا ال ecu عشان العربية تقبل 92 , العربية شكلها وهمي من جوه , و موتور قوي و عفشة حسب ماسمعت إنها نأعمة , لكن كنت حاسس إن التقفيل مش قد كده , علي سبيل المثال المقبض اللي في تابلوه كان بيتهز و بيزيق , و كان الزرار المسئول عن نزول ظهر الكنبة الخلفية مش شغال مع إنها عربية جديده بكيسها في التوكيل.

في ظل الثلاثة دول رأيي ال ix 35 , اوسعهم ضمان 5 سنين , أحسنهم في سعر اعادة البيع , ومتوقع لها انتشار اكبر

القاشقي جميلة برده لو عرفت تجيبها بسعرها الأصلي 185

---

متفق معاك تماما فى موضوع شنطة السوبارو والهيونداى اللى سعرها هى كمان عمال ييزيد بس مشفوتش موضوع التقفيل فى 3008 وممكن يكون مثلا اللى حضرتك شوفتها بتاعت التست درايف؟
بالنسبه للقشقاى انا مقفول منها بصراحه وبردو وسعها مش عائلى وخاصة الكنبه الخلفيه والشنطه وحاسس انها هاتش بس عاليه شويه عن الارض

اقتباس:

---

المشاركة الأصلية كتبت بواسطة Mohyeldin1974

متفق معاك تماما فى موضوع شنطة السوبارو والهيونداى اللى سعرها هى كمان عمال ييزيد بس مشفوتش موضوع التقفيل فى 3008 وممكن يكون مثلا اللى حضرتك شوفتها بتاعت التست درايف؟
بالنسبه للقشقاى انا مقفول منها بصراحه وبردو وسعها مش عائلى وخاصة الكنبه الخلفيه والشنطه وحاسس انها هاتش بس عاليه شويه عن الارض

---

لا هي عربية في العرض عادية ماكنتش test drive '

Peugeot 3008 review - CarBuyer - YouTube

شوف الدقيقة ال 2:10 في الفديو ده , مشكلة برضة متعلقة بجودة التقفيل

القاشقاي مش ضيقة للدرجة , و الكنبة كويسة بس يعيبها وجود ال transmision tunnel في وسط ارضية الكنبة فبيخلي الجالس في منتصف الكنبة مش مستريح , الشنطة تقريبا في نفس حجم ال 3008 و اصغر من ال ix35

اقتباس:

---

المشاركة الأصلية كتبت بواسطة Mezox

لا هي عربية في العرض عادية ماكنتش test drive '

Peugeot 3008 review - CarBuyer - YouTube

شوف الدقيقة ال 2:10 في الفديو ده , مشكلة برضة متعلقة بجودة التقفيل

القاشقاي مش ضيقة للدرجة , و الكنبة كويسة بس يعيبها وجود ال transmision tunnel في وسط ارضية الكنبة فبيخلي الجالس في منتصف الكنبة مش مستريح , الشنطة تقريبا في نفس حجم ال 3008 و اصغر من ال ix35

---

بالضبط كده انا بفضل يكون الارضيه بقدر الامكان فلات بس اختلف مع حضرتك فى موضوع الشنطه ومعتقدش ان فى مقارنه بس للاسف معنديش ارقام ، اعتقد شنطة 3008 هى الاكبر فى فئتها والافضل فى utilization
بالنسبه لل IX35 بردو الكونسول الامامى مقبول ولكنه تقفيله والكواليتى بتاعته مش جامد اوى ، انا مسكت بكر التكييف وكانوا شبه مبوشين فى ايدى طبيعى لانه كله بلاستيك
طبعا كتر البلاستيك فى العربيه واحتكاكه ببعضه بيعمل صوت مستفز غير زمان لما كان التابلوه والابواب جلد وليها درجه عاليه على امتصاص الحركه والفروق الناتجه عن اختلاف درجة الحراراه

انا فى رأيى الشخصى 3008 افضل واحدة فيهم ، بصراحة عربية جميلة جدا ماشاء الله و مش ناقصها حاجة

بس انا اللى اعرفه ان ix35 تشيكى مش كورى

شنطة القاشقاي اصغر من شنطة ال 3008 بحوالي 90 لتر عندك حق , و ال ix 35 اكبر , لكن ال 3008 وال qashqai الشنطة box shaped اكثر مما يزيد من عمليتها

القاشقاي فعلا family hatchback عالية عن الأرض , لكن في المقابل بتاخد handling و استجابة فرامل و استهلاك بنزين افضل من ال SUVs وال MPVs , أنا سمعت من ملاك ال سبورتاج استهلاك بنزين عالي جدا يصل ل 14 لتر كل 100 كم

اقتباس:

---

المشاركة الأصلية كتبت بواسطة Mezox

شنطة القاشقاي اصغر من شنطة ال 3008 بحوالي 90 لتر عندك حق , و ال ix 35 اكبر , لكن ال 3008 وال qashqai الشنطة box shaped اكثر مما يزيد من عمليتها

القاشقاي فعلا family hatchback عالية عن الأرض , لكن في المقابل بتاخد handling و استجابة فرامل و استهلاك بنزين افضل من ال SUVs وال MPVs , أنا سمعت من ملاك ال سبورتاج استهلاك بنزين عالي جدا يصل ل 14 لتر كل 100 كم

---

بس معقول ادفع فيها 205 الف
استهلاك البنزين ممكن يكون تحت السيطره بحكم ان استخدام العربيه الكبيره محدود المشكله هتكون فى نوعية البنزين واعتقد ان من الاوليات دلوقتى ان العربيه تمشى ب 92
وانا فى رايى وجود عربيه تانيه city car فى البيت اصبح ضروره وليه تجربه ممتازه فى الموضوع ده
والله انا فى حيره شديده ومش عارف اعمل ايه وابتديت ازهق مش معقول الواحد يطلع عينه فى الغربه والتعب وفى الاخر ميركبش على مزاجه بسبب السوق والتجار ، انا عمال انزل بالسقف شويه شويه لما خلاص هركب تك تك

ما أنا قلتلك لو عرفت تجيبها ب 185 يبقي تمام قوي

أنا رأيي مابين الثلاثة دول تجيب ال ix35 , ضمان 5 سينين و اعتمادية واعادة بيع الافضل في الفئة دي

أنا طلعان عيني زيك والله , و زهقت من وضع السوق هنا اللي كل يوم بسعر جديد

اقتباس:

---

المشاركة الأصلية كتبت بواسطة mezox

ما أنا قلتلك لو عرفت تجيبها ب 185 يبقي تمام قوي

أنا رأيي مابين الثلاثة دول تجيب ال ix35 , ضمان 5 سينين و اعتمادية واعادة بيع الافضل في الفئة دي

أنا طلعان عيني زيك والله , و زهقت من وضع السوق هنا اللي كل يوم بسعر جديد

---

اشكرك على اهتمامك والرد كل ذوق والله
ربنا يهديك ويهدينى للقرار الصحيح شكلى كده هبتدى انشن تانى على الهيونداى
معندكش فكره غبور اتعدل ولا سمعته زى ماهيه

معنديش فكرة الصراحة , لكن في الحالتين غبور يكسب لان وجيه اباظة توكيل بيجو سمعته سيئة جدا , و طبعا subaru مش محتاجه تعليق علي التوكيل

اقتباس:

---

المشاركة الأصلية كتبت بواسطة Mezox

معنديش فكرة الصراحة , لكن في الحالتين غبور يكسب لان وجيه اباظة توكيل بيجو سمعته سيئة جدا , و طبعا subaru مش محتاجه تعليق علي التوكيل

---

:biggrin2::biggrin2::biggrin2::

هات بيجو 3008

ده احسن عربية بيجو عملتها فى حياتها

اروع انتريور ممكن تشوفها فى الفئة ده تحس فيها بالفخامة والاناقة والوسع

شنطة مصممة بذكاء

جودة عالية ، ممكن تكون الكنبة الخلفية للركاب متوسطة الحجم ولكن تعتبر جيدة المساحة

توكل على الله ومش هتندم باذن الله

للأسف في البلد دي , خليك في ix35
موديل جديد
عوامل أمان كويسة
شكل كويس
توفر قطع غيار في كل حتة
اعادة بيع كويسة

رأيي المتواضع إن فيها كل اللي إنت طالبه
بس الحق بقى قبل ماتغلى

لو عجبك ال 3008 , ممكن تبص على c4 picasso
هي أختها الاتنين نفس ال platform

أنا محبش أقول لحد يبص على موديل محدد
أو الكلام اللي زي ده بصراحة :)

بس ال c4 بـ 185 و 195
ال 3008 بـ 200 و 220

إنت اولي بالفرق

خد بالك إن ال 3008 شكلها قرب يتغير لانها نازلة من 2008
يعني كلها سنة وهينزل شكل جديد
وفيه صور متسربة ليها نزلت


و ال c4 شكلها الجديد نزل خلاص

http://www.blogcdn.com/www.autoblog....iiK8cpl3vC.jpg

اقتباس:

---

المشاركة الأصلية كتبت بواسطة محمد عز

هات بيجو 3008

ده احسن عربية بيجو عملتها فى حياتها

اروع انتريور ممكن تشوفها فى الفئة ده تحس فيها بالفخامة والاناقة والوسع

شنطة مصممة بذكاء

جودة عالية ، ممكن تكون الكنبة الخلفية للركاب متوسطة الحجم ولكن تعتبر جيدة المساحة

توكل على الله ومش هتندم باذن الله

---

اشكر حضراتك على المشاركه
حضرتك عندك فكره عن اسعار قطع الغيار والتوكيل

اقتباس:

---

المشاركة الأصلية كتبت بواسطة ahmed-adel

للأسف في البلد دي , خليك في ix35
موديل جديد
عوامل أمان كويسة
شكل كويس
توفر قطع غيار في كل حتة
اعادة بيع كويسة

رأيي المتواضع إن فيها كل اللي إنت طالبه
بس الحق بقى قبل ماتغلى

لو عجبك ال 3008 , ممكن تبص على c4 picasso
هي أختها الاتنين نفس ال platform

أنا محبش أقول لحد يبص على موديل محدد
أو الكلام اللي زي ده بصراحة :)

بس ال c4 بـ 185 و 195
ال 3008 بـ 200 و 220

إنت اولي بالفرق

خد بالك إن ال 3008 شكلها قرب يتغير لانها نازلة من 2008
يعني كلها سنة وهينزل شكل جديد
وفيه صور متسربة ليها نزلت


و ال c4 شكلها الجديد نزل خلاص

http://www.blogcdn.com/www.autoblog....iik8cpl3vc.jpg

---

انا ميال فعلا ix35 بس قلقان من موضوع البنزبن 95 وان كانت 3008 و xv لسه فى دماغى
معاك جق فى موضوع c4 بس اعتقد قدامنا شويه لما الشكل الجديد يظهر فى مصر وخاصة انها معلهاش اقبال اوى وانا معنديش فكره عن توكيل ستروين فى مصر.

انا السؤال الاهم بالنسبالى هو هل فى ظل الظروف اللى بتمر بيها البلد وربنا يخرجنا منها على خير الواحد يدفع الفلوس دى فى عربيه جديده هتتحك وتتخبط وممكن لا قدر الله تتسرق ولا الواحد يقضيها باى عربيه فى حدود 100 الف وخلاص والاغرب ان بسم الله ماشاالله ملاحظ ان الناس بتتدفع وبتشترى جديد وبالاسعار المبالغ فيها دى.

رايكم ايه ننبسط واللى مكتوب هنشوفه ولا نشغل عقلنا ونحسبها بالورقه والقلم

اقتباس:

---

المشاركة الأصلية كتبت بواسطة Mohyeldin1974

انا ميال فعلا ix35 بس قلقان من موضوع البنزبن 95 وان كانت 3008 و xv لسه فى دماغى

---

مظنش إن ملاك ال sportage بيفولوا 95
وهيا هتمشي عادي 92 لأن ال maps بتاع مواتير الكوري مبتبقاش progressive

ال CR مش كل حاجة , مواتير hyundai التربو الجديدة
منزلينها تشتغل على 92

اقتباس:

---

المشاركة الأصلية كتبت بواسطة Mohyeldin1974

معاك جق فى موضوع c4 بس اعتقد قدامنا شويه لما الشكل الجديد يظهر فى مصر وخاصة انها معلهاش اقبال اوى وانا معنديش فكره عن توكيل ستروين فى مصر.

---

الموديل نازل اوروبا في آخر السنة
يعني على أول السنة الجديدة هيبقى عندنا

خلاص الشركات كلها دلوقتي بتسابق في تنزيل الموديلات الجديدة
احنا ال DS4 نازلة مصر قبل اوروبا , تخيل ؟

أما بنسبة للتوكيل , هو فيه اللي حضرتك طالبه
موفر قطع الغيار و مفيش مشاكل في الصيانات

بس هو مشكلته إنه ملوش فروع كتير
2 في القاهرة و واحد في اسكندرية

اقتباس:

---

المشاركة الأصلية كتبت بواسطة Mohyeldin1974

انا السؤال الاهم بالنسبالى هو هل فى ظل الظروف اللى بتمر بيها البلد وربنا يخرجنا منها على خير الواحد يدفع الفلوس دى فى عربيه جديده هتتحك وتتخبط وممكن لا قدر الله تتسرق ولا الواحد يقضيها باى عربيه فى حدود 100 الف وخلاص والاغرب ان بسم الله ماشاالله ملاحظ ان الناس بتتدفع وبتشترى جديد وبالاسعار المبالغ فيها دى.

رايكم ايه ننبسط واللى مكتوب هنشوفه ولا نشغل عقلنا ونحسبها بالورقه والقلم

---

والله الحاجات دي نصيب :)

بس زي ما حضرتك قلت الناس بتركب و تشتري مع إن الاسعار بتزيد

اقتباس:

---

المشاركة الأصلية كتبت بواسطة ahmed-adel

مظنش إن ملاك ال sportage بيفولوا 95
وهيا هتمشي عادي 92 لأن ال maps بتاع مواتير الكوري مبتبقاش progressive

ال CR مش كل حاجة , مواتير hyundai التربو الجديدة
منزلينها تشتغل على 92



الموديل نازل اوروبا في آخر السنة
يعني على أول السنة الجديدة هيبقى عندنا

خلاص الشركات كلها دلوقتي بتسابق في تنزيل الموديلات الجديدة
احنا ال DS4 نازلة مصر قبل اوروبا , تخيل ؟

أما بنسبة للتوكيل , هو فيه اللي حضرتك طالبه
موفر قطع الغيار و مفيش مشاكل في الصيانات

بس هو مشكلته إنه ملوش فروع كتير
2 في القاهرة و واحد في اسكندرية



والله الحاجات دي نصيب :)

بس زي ما حضرتك قلت الناس بتركب و تشتري مع إن الاسعار بتزيد

---

اذا حضرتك متأكد من موضوع البنزين ده يقى هيفرق معايا كتير بس المهم ميبقاش كلام توكيل عشان يبيع وخلاص
معلش مفهمتش progressive المقصود بيها ايه
بالنسبه للستروين اعتقد هو خيار مستبعد الى حد ما

اقتباس:

---

المشاركة الأصلية كتبت بواسطة Mohyeldin1974

اذا حضرتك متأكد من موضوع البنزين ده يقى هيفرق معايا كتير بس المهم ميبقاش كلام توكيل عشان يبيع وخلاص
معلش مفهمتش progressive المقصود بيها ايه
بالنسبه للستروين اعتقد هو خيار مستبعد الى حد ما

---

بص حضرتك :)

ببساطة كده ومن غير تعقيد

ال timing advance في العربية الأوروبي بيبقى progressive عشان يستفيد على اد ما يقدر من البنزين اللي إنت حاطتهوله
بيعدل في توقيت ال spark/ignition على حسب نوع البنزين

عشان كده الأوروبي بيفرق معاه نوع البنزين قوي
لأن ال timing advance بيتعدل عليه

و كل الأوروبي ال recommended بتاعه 95
حتى لو ينفع يشتغل بـ 91


أما الكوري ال map بتبقى متوجهة إنها تأخر ال timing advance
عشان تشتغل بـبنزين ال octane number بتاعه قليل

كل طريقة من دول ليها ميزة ولها عيب
يا ريت تكون الفكرة وضحت لحضرتك :)

اقتباس:

---

المشاركة الأصلية كتبت بواسطة Mohyeldin1974

بالنسبه للستروين اعتقد هو خيار مستبعد الى حد ما

---

حضرتك فهمتني غلط :)

أنا مش بقولك هات دي أو دي
ده مجرد اقتراح :)

و معلومة بس بوضحها لحضرتك إن الشركات في مصر عموما
مبقتش بتنزل الموديلات متأخر زي زمان

اقتباس:

---

المشاركة الأصلية كتبت بواسطة ahmed-adel

بص حضرتك :)

ببساطة كده ومن غير تعقيد

ال timing advance في العربية الأوروبي بيبقى progressive عشان يستفيد على اد ما يقدر من البنزين اللي إنت حاطتهوله
بيعدل في توقيت ال spark/ignition على حسب نوع البنزين

عشان كده الأوروبي بيفرق معاه نوع البنزين قوي
لأن ال timing advance بيتعدل عليه

و كل الأوروبي ال recommended بتاعه 95
حتى لو ينفع يشتغل بـ 91


أما الكوري ال map بتبقى متوجهة إنها تأخر ال timing advance
عشان تشتغل بـبنزين ال octane number بتاعه قليل

كل طريقة من دول ليها ميزة ولها عيب
يا ريت تكون الفكرة وضحت لحضرتك :)




حضرتك فهمتني غلط :)

أنا مش بقولك هات دي أو دي
ده مجرد اقتراح :)

و معلومة بس بوضحها لحضرتك إن الشركات في مصر عموما
مبقتش بتنزل الموديلات متأخر زي زمان

---

اشكرك على التوضيح
يعنى اللى انا فاهمه كده ان العربيات الاوروبى فيها زى سينسور بيعدل حركة البستم على حسب نوع البنزين!
اذا انا فهمت مضبوط يبقى السؤال timing advance تعديله بتدخل بشرى ولا كمبيوتر العربيه هو اللى بيعمله حسب نوع البنزين (معلش خبرتى قليله فى الموضوع ده)

اقتباس:

---

المشاركة الأصلية كتبت بواسطة Mohyeldin1974

يعنى اللى انا فاهمه كده ان العربيات الاوروبى فيها زى سينسور بيعدل حركة البستم على حسب نوع البنزين!

---

عارف حضرتك :)

مش زمان في العربيات القديمة كانوا بيلعبوا في الكهربا و يأخروا الشرارة
عشان تمشي ببنزين أقل

أهو ده اللي بيحصل في العربيات الجديدة بس بالكمبيوتر

اقتباس:

---

المشاركة الأصلية كتبت بواسطة Mohyeldin1974

اذا انا فهمت مضبوط يبقى السؤال timing advance تعديله بتدخل بشرى ولا كمبيوتر العربيه هو اللى بيعمله حسب نوع البنزين (معلش خبرتى قليله فى الموضوع ده)

---

ال timing advance ده ال ECU بتاعت العربية هي اللي بتغيره
حضرتك ملكش دعوة بيه خالص

وبيبقى فيه knock sensor عشان ميخليش العربية تسقف

المسألة مش CR و خلاص , فيه عوامل تانية داخلة في الحسبة

الموتور ال TGDI بتاع ال veloster ال 201 حصان
شغال بـ 92

حتى ال reviews كلها بره كانوا مستغربين
إزاي تربو و مصممينها على 91 !!!!!!!!

بالمنطق كده :)
صعب قوي ال GDI العادي ينزلوه 95

حضرتك فاهمني ؟

بس برده بص على كتالوج العربية وشوف كاتبين إيه
لأن ده الفيصل في الموضوع

اقتباس:

---

المشاركة الأصلية كتبت بواسطة ahmed-adel

الموتور ال tgdi بتاع ال veloster ال 201 حصان
شغال بـ 92

حتى ال reviews كلها بره كانوا مستغربين
إزاي تربو و مصممينها على 91 !!!!!!!!

بالمنطق كده :)
صعب قوي ال gdi العادي ينزلوه 95

حضرتك فاهمني ؟

بس برده بص على كتالوج العربية وشوف كاتبين إيه
لأن ده الفيصل في الموضوع

---

اشكرك جزيل الشكر

اقتباس:

---

المشاركة الأصلية كتبت بواسطة mohyeldin1974

اشكرك جزيل الشكر

---

العفو :)

يا ريت أكون ساعدتك بس

اقتباس:

---

المشاركة الأصلية كتبت بواسطة ahmed-adel

العفو :)

يا ريت أكون ساعدتك بس

---

اشكر كتر خيرك
انهارده رحت شوفت IX عند ديلر هنا والعربيه مساحتها كويسه من جوه بس كل التابلوه بلاستيك (كذلك باقى العربيات) بس للاسف كانت 2000cc ديزل وكنت عايز اجرب 1600 بنزين بس معندهمش
هروح بردو اشوف ال3008 و XV وعموما السوبارو هنا نادره ومبيركبوش غير الامبريزا
بس عقلى بيزقزق لسه:untitled:

انا كنت فى حيرتك دى من 3 شهور وكنت محدد الاستيل فى الSUV، والمقارنة انحصرت بين القشقاى والاسبورتاج وبعد الفرجة والمقارنة والنت واللذى منة، استقريت على اسبورتاج وحجزتها شهر ديسمبر2012 فعلاً، بس زادت فى يناير 20 الف جم ، وقفلت منها ، وفى الوقت دى شفت الIX35 -1600فى معرض فورميلا2013، وفى نفس اليوم حجزتها وغيرت الدفة ولغيت حجز الاسبوتاج لان كان استلامها بعد 7 شهور وسعرها خلال اول شهرين حجز زاد 25 الف جم، و IX كانت ارخص 5000جم واستلامها بعد شهر ونص وكماليات الفئة الثانية اعلى من نفس الفئة فى الاسبورتاج، وشكل جديد وغير منتشر وحجمها اكبر، والحمد لله استلامتها من اسبوع وان شايف انها افضل من الاسبورتاج، و اعتقد انها هيكون ليها اكبر حصة من فئة suv
ومن ناحية اخرى وبعيد عن الكفاءة والجودة، هى الانسب لمصر وبلاش البيجو والسوبارو على الرغم من انهم ممكن يكونوا افضل ، حسن السوق ولا حسن البضاعة.
وفى النهاية العربيات دى مسألة راحة نفسية، استخر ربنا وان شاء الله هيهديك للافضل!

اقتباس:

---

المشاركة الأصلية كتبت بواسطة tiggosaid

انا كنت فى حيرتك دى من 3 شهور وكنت محدد الاستيل فى الsuv، والمقارنة انحصرت بين القشقاى والاسبورتاج وبعد الفرجة والمقارنة والنت واللذى منة، استقريت على اسبورتاج وحجزتها شهر ديسمبر2012 فعلاً، بس زادت فى يناير 20 الف جم ، وقفلت منها ، وفى الوقت دى شفت الix35 -1600فى معرض فورميلا2013، وفى نفس اليوم حجزتها وغيرت الدفة ولغيت حجز الاسبوتاج لان كان استلامها بعد 7 شهور وسعرها خلال اول شهرين حجز زاد 25 الف جم، و ix كانت ارخص 5000جم واستلامها بعد شهر ونص وكماليات الفئة الثانية اعلى من نفس الفئة فى الاسبورتاج، وشكل جديد وغير منتشر وحجمها اكبر، والحمد لله استلامتها من اسبوع وان شايف انها افضل من الاسبورتاج، و اعتقد انها هيكون ليها اكبر حصة من فئة suv
ومن ناحية اخرى وبعيد عن الكفاءة والجودة، هى الانسب لمصر وبلاش البيجو والسوبارو على الرغم من انهم ممكن يكونوا افضل ، حسن السوق ولا حسن البضاعة.
وفى النهاية العربيات دى مسألة راحة نفسية، استخر ربنا وان شاء الله هيهديك للافضل!

---

يا باشا انت فين دانا مستنى تقريرك على نار طبعا مش عايزك تعمل دبل ورك وترد على استفساراتى هنا بما انك هتعمل تقرير يبقى استنى احسن ولا ايه
ربنا يباركك فيها ويكفيك شرها

اقتباس:

---

المشاركة الأصلية كتبت بواسطة Mohyeldin1974

يا باشا انت فين دانا مستنى تقريرك على نار طبعا مش عايزك تعمل دبل ورك وترد على استفساراتى هنا بما انك هتعمل تقرير يبقى استنى احسن ولا ايه
ربنا يباركك فيها ويكفيك شرها

---

يا لورد التقرير معمول ومستنيك من الاسبوع الفات، ودى الرابط بتاعة
http://www.nilemotors.net/Nile/345973-ix35-1600-a.html

التقرير دى مختصر مع الصور عن مواصفات العربية، وان شاء الله هيكون فى تقييم للعربية قريب

اقتباس:

---

المشاركة الأصلية كتبت بواسطة tiggosaid

يا لورد التقرير معمول ومستنيك من الاسبوع الفات، ودى الرابط بتاعة
http://www.nilemotors.net/nile/345973-ix35-1600-a.html

التقرير دى مختصر مع الصور عن مواصفات العربية، وان شاء الله هيكون فى تقييم للعربية قريب

---

وانا تفوتنى بردو
لا طبعا دخلت على التقرير "المبدئى" وعلقت من زمان بس انا مستنى التقرير اللى فيه البهاريز والانطباع بعد الاستخدام

يا ترى سعر ال 3008 ارتفع زى الباقى و لا لسه زى ما هوه