اعتقد ان جمال هذه السياره كما هي دون تعديل
عرض للطباعة
المهم محدش رد على سؤالي اذا ربنا كرم حد من الاعضاء الكرام بسياره مثل هذه تركب رقم كااااام يا ترى لونك المفضل ايه.........!
بسم الله ما شاء الله ربنا يوعدنا انا من عشاق تويوتا
فى اى رقم تقريبى للسعر
عربية جامدة اخر حاجة شكل ومواصفات وموضوع وتسلم يا كبير على الموضوع الرائع
وسؤال واعذرنى على الجهل دى غير الياريس وله امتداد الياريس :) التطور بتاعها يعنى
لا يا جماعة
دي اكبر من الياريس
دي في حجم الجولف و ال 308 و الفوكاس و المفروض منافس ليهم
العربية دى كورولا هاتش باك.
شفتها النهاردة هنا في مدينه نصر
و العربية كبيره فعلا
للسادة الافاضل اللي كانو بيسئلو علي السعر اتفضلو :
كشف تويوتا إيجيبت عن أحدث سياراتها فى السوق المصري لعام 2013 السيارة تويوتا أوريس 2013، وتتميز السيارة الجديدة بأنها تجمع بين الرفاهية والمتعة والأداء القوى الذي يعتمد على أحدث تكنولوجيا صناعة السيارات في العالم الصناعة اليابانية.
وتحتوى السيارة تويوتا أوريس 2013 على محرك رباعي الاسطوانات بسعة 1600 وبقوة 131 حصان، وتتواجد فى السوق المصري بثلاث فئات وبأسعار مختلفة، فتأتى الفئة الأولى الأوتوماتيك ب 164,900 جنيه، وتأتى الفئة الثانية الفول أوبشن ب 181,900 جنيه، والفئة الثالثة (high line) تأتى ب211,900 جنيه.
اما مواصفات الأمان والرفاهية فى السيارة تويوتا أوريس 2013 فهي عديدة، حيث تتمتع بنظام الفرامل مانع الانغلاق مع توزيع الكتروني للفرامل، فضلاً عن تزويدها بوسائد هوائية للسائق والراكب الأمامي، كما تحتوى على عجلة قيادة “Multi-Function” ومفاتيح تحكم في صوت الكاسيت والهاتف، بالإضافة إلى مفتاح مشفر مانع للسرقة، وخاصية غلق مركزي للأبواب، إلى جانب راديوCD و USBو سماعات، ومن الداخل تحتوى السيارة أوريس 2013 على مقاعد تتسم بالرحابة والفخامة مصنوعة من الجلد الطبيعي وحساسات مطر وسقف بانورامي يشعرك بالإنطلاق أثناء القيادة، بالإضافة الى كاميرا خلفية.
عايز اعرف رايكو ايه في الكلام ده