إن شاء الله مسافر ... أبيعها ولا أرفعها ؟؟؟

السلام عليكم
إن شاء الله في مفاوضات في مشروع سفر للعمل بالخارج في دولة عربية ... والعقد بإذن الله حيكون عمل 11 شهر وأجازة شهر في مصر قابل للتجديد. بس كام سنة بالظبط مش عارف.
زي ما البعض يعرف ... أنا إشتريت عربيتي الياريس (مو 2008 مانيوال نص كماليات) في شهر مارس والعربية عاملة حوالي 8000 كم إلى الأن والحمد لله.

بسم الله ما شاء الله مرتاح معاها والحمد لله.

السؤال دلوقتي أبيعها بدل الركنة والرفع وخلافة ولا أخليها وأهو أستخدمها في الأجازات وبعد ما أقرر أستقر إن شاء الله حتكون موجودة وتسد معايا ؟؟؟؟ مع العلم إني شاري العربية تقسيط على 5 سنوات وسعرها بعد إنتهاء مدة التقسيط إن شاء الله حيقف عليا بحوالي 115 ألف جنية.

أفيدوني أفادكم الله.

محتاج فلوسها بيعها ..
مش محتاج فلوسها اوي ..خليها ..
-----------
اذا بعتها ..حاجة من اتنين ..
* واحد يشتريها منك كاش .. و ده حيدفعلك تمنها كأنها كسر زيرو .. يعني حينزل من تمنها حوالي 8 او 9 الاف جنيه .. و حتروح تفك الحظر من البنك .. و حيدفعوك شوية فلوس وفوايد لفسخ العقد المبكر .. و حتخسر كتير .. حيبقي بالضبط كأنك كنت واخد قرض و بتسدده علي 5 سنوات ..
* او واحد يدفعلك اللي انت دفعته للبنك ( المقدم و المصاريف الادارية و مصاريف تسجيل السيارة .. الخ .. الخ ) .. و يكمل هو سداد الاقساط عن طريق تنازل رسمي يتم داخل البنك .. و برضه البنك بياخد عليه رسوم .. و ساعات بيطلب من الشاري الجديد انه يجيب ضامن ..
*ممكن نفس الشخص ( لكن يفضل انه يكون معرفة مقربة ) يدفعلك اللي دفعته .. و يكون بينك و بينه عقد بيع سيارة بالتقسيط ..ينص فيه علي ثمن السيارة اجمالا و المبلغ المتبقي ف يالقسط و انه سيقوم بسداده .. و بتعمل له توكيل علشان يقدر يجدد الرخصة سنويا .. و يقوم هو بسداد القسط شهريا لحسابك في البنك ..و يعطيك صورة من ايصال الايداع ..او يديلك القسط في ايدك او لاحد افراد الاسرة ..
و يكون كاتب ايصالات امانة نصف سنوية بعدد الاقساط .. و يعطي له ايصال عند اتمام سداد 6 اقساط .. و هكذا ...
و بالتوفيق

شكر يا أخ حسن
بس انا سألت ي البنك على المبلغ المتبقى وهو مش كتير والحمد لله مقارنة بسعر إعادة البيع للعربية .... فبحسبة بسيطة ممكن إن شاء الله أبيع وأحط المبلغ بالظبط حسداد كامل للعربية .... بس حبقى خسرت حوالي 10 الاف جنية ودول ركبت بيهم 5 شهور.... لكن لا يمكن المبلغ المتبقي في حالة السداد المبكر هو نس المبلغ بعد سداد 5 سنوات تقسيط.

وفي إنتظار أراء باقي الأخوة

بالتوفيق إن شاء الله يا أحمد ،،،ربنا يكرمك هاتوحشنا ،،،،بس عايز أقولك حاجة : وده رأيي الشخصي : ماتبيعش غير لما تتأكد إنك مسافر فعلا وكمان تسافر وتجرب الشغل بره وتستقر في الشغل وتقرر إنك تكمل ،،،في الحالة دي ابقى بيع أو وكل حد للبيع ،،،إنما نفترض لأي ظروف سافرت والشغل أو الجو ماعجبكش أو نويت تقعد سنة واحدة ،،يبقى خسارة إنك تبيع وتخسر دلوقتي ،،،على كل حال ربنا يقدملك الخير ،،وابقى طمنا عليك

عندى رأى إن كان عندك مكان كويس أمين ترفعها فيه يبقى توكل على الله و روح لآى نجار يعملك أربع حمير خشب كويسين و هات غطا كويس و ارفع العربيه فك الكاوتش و حطه نايم على الآرض مش واقف غالبا البطاريه حاتبوظ فأحسن حل ليها بيعها.أما لو مش فى مكان كويس تطمن على العربيه فيه و أنت مسافر يبقى بيعها و حط الفلوس فى البنك و لما تيجى فى الاجازه القادمه بالسلامه ربك يسويها من عنده. و ترجع بألف سلامه.

بس لو مصر تبيع ممكن اشتريها منك بـ 30000 كفاية و انت تكمل اقساط العربية (أصل انا باحب الصيد بس في الميه العكره)


نيجي للجد

اقتباس:

---

المشاركة الأصلية كتبت بواسطة أبو عبدالرحمن

بالتوفيق إن شاء الله يا أحمد ،،،ربنا يكرمك هاتوحشنا ،،،،بس عايز أقولك حاجة : وده رأيي الشخصي : ماتبيعش غير لما تتأكد إنك مسافر فعلا وكمان تسافر وتجرب الشغل بره وتستقر في الشغل وتقرر إنك تكمل ،،،في الحالة دي ابقى بيع أو وكل حد للبيع ،،،إنما نفترض لأي ظروف سافرت والشغل أو الجو ماعجبكش أو نويت تقعد سنة واحدة ،،يبقى خسارة إنك تبيع وتخسر دلوقتي ،،،على كل حال ربنا يقدملك الخير ،،وابقى طمنا عليك

---

نعم الرأي بصراحة

رأيي الشخصي ،،

و عن تجربة مع اخواتي الاتنين مسافرين بره ،،

اول ما تعرف ان الحال تمام و ناوس تستقر هناك ،،

بيعها ،،،

تضييع للاجازة في تنزيل العربية و شراء بطارية جديدة ( اخويا بيحصله كده كل سنة ) ، و تغيير سيور وكشف و مش عارف ايه غير هم هاشيلها فين و مين يبص عليها

و الأهم ركنة فلوس مالهاش لازمه استفيد بيها في اي حاجة تانية تكون بتزيد

و كل اجازة اجرلك اي عربية خلص بيها احوالك

و احسبها هتلاقي انك لو هتبيعها بعد خمس سنين ان شاء الله مثلا بدلا من انك تخسر عشرتلاف جنية هتخسر ثلاثين او اكثر عشان شهر كل سنة

كما قال الأخوه
أنتظر حتى تسافر وتستقر فى العمل وبعد كده بيع

راي قولتهولك على الخاص
لو نويت تسافر جد
بعها فورا
ركنة موديل بينزل
ركنة فلوس حرام
ارمي الفلوس في اي شقة ترجع تلاقيها اضعاف
تركنها في عربية تنزل كل سنة كام الف انت اولى بيهم

اقتباس:

---

المشاركة الأصلية كتبت بواسطة karim_monir

راي قولتهولك على الخاص
لو نويت تسافر جد
بعها فورا
ركنة موديل بينزل
ركنة فلوس حرام
ارمي الفلوس في اي شقة ترجع تلاقيها اضعاف
تركنها في عربية تنزل كل سنة كام الف انت اولى بيهم

---

+1000000000000000000000000000000000000000000000000 00

تروح و تيجي بالسلامه يا احمد باشا
حتوحشنا و الله.
انا من رايي انك تخليها و حتنفعك في الاجازات بدل ما تنزل تأجر او تستلف عربيه
و متهيالي انت عندك جراج ف الموضوع بالنسبالك سهل.
علي الاقل خالص سنه لحد ما تستقر هناك .

اقتباس:

---

ارمي الفلوس في اي شقة ترجع تلاقيها اضعاف

---

اؤيد الاستثمار بشدة

اقتباس:

---

المشاركة الأصلية كتبت بواسطة farafiroooo

اؤيد الاستثمار بشدة

---

اانا كمان من رائ انك تستفيد بثمن العربيه فى اى حاجه قيمتها بتزيد هتركن عربيه محدش يضمن اى خبطه وهى مركونه خساره ليك

والفلوس اللى كنت هتصرفها لو رفعتها بثمن البطاريه الجديده والسيور والكشف على العربيه والزيت وخلافه ابقى ااااااااااااااااجر بيهم عربيه تقضيك فتره الاجازاه
انت شكلك مسافر ليبيا خلاص :devil2::gnorsi::gnorsi:

بيعها عند أول أجازة ... ليه .
1. ممكن الوضع ميعجبكش هناك لا قدر الله .
2. معلش يابوحميد أنا بصراحة مش عارف انت متجوز ولا لأ .. لكن لو كنت متجوز فطبيعي مش هتاخد المدام معاك في البداية .. سيبلها العربية الكام شهر الأولانيين على ما تحصلك .. لو مش متجوز .. انسى هذه النقطة .
3. لو شايل هم القسط اللي هيندفع متقلقش مش هتحس بيه هناك وعن تجربة من أصدقاء مقربين .
4. المبلغ اللي هتخسره مش هين لأن الحسبة اللي حسبتها شاملة خسارة البنك فقط ، طيب فين خسارة إعادة البيع كمان .
5 العربية هتصعب عليك لما تبيعها ، لكن لما تنزل في أول أجازة هتكون جبت غيرها هناك ، وأول أجازة دي بتبقى أجازة تظبيط الأوضاع الجديدة ، يعني بتصفي حاجات قائمة ، وبتبدأ حاجات جديدة ، وهتحتاج العربية في الأول ، وهتبيعها في آخر الأجازة وانت حاسب حساب كل شيء كويس .
6. فرق السنة في عربية موديل 2008 ، وياريس يعني موديل مطلوب متقلقش منه نهائي الحالة هنا هي اللي بتتكلم ، والحالة زيرو .. يعني السنة مش هاتفرق معاك كتير .
7. مشكلة الرفع مش غلبة أوي يعني .. هي كلها يوم رفع ، ويوم تنزيل .. وخلصت الشغلانة .

ربنا يوفقك .. وهتوحشنا يا ريس .
تقبل خالص مودتي

السلام عليكم ورحمة الله وبركاته

اخى وصديقى العزيز عليك بالاستخارة ثم توكل الى ما يهديك الله اليه.
اذا سالت فسال الله واذا استعنت فاستعن بالله

ابو عبد الرحمن

إية يا أخي .... عاش من شافك وسمع صوتك .... هو المولود الجديد أخدك من الناس والصيد والعربيات ولا إية؟ ربنا يبارك يارب.
والله يا حسن رأيك سليم بس لازم أظبط أموري مع البن الأول لان العربية قسط

Aboalm

الله يسلمك يا أخي
ومان الجراج موجود إن شاء الله بس إيجارة حيكون كتير .... بس متأكد من موضوع إن البطارية حتبوظ لو ركنتها وفضيت ميتها؟؟؟

Islam – galal

ياعم تعالى شيل من غير فلوس 

Ahmed Anwer

وااله رأي حضرتك بيدور في دماغي بردة بس المشلة في إني أسيبها هو البنك وشروطة لاني مقسط بضمان شركتي الحالية

Bishoo 33

شكرا يا أخي على النصيحة والمشاركة

Karim_Monir

ما انا عاوز ابيع يا شقيق بس بردة الناس كلامها صح ... إفرض سافرت وما عجبنيش الحال؟؟؟ حرجع مصر وأبدأ من تحت الصر ومن غير عربية ؟!

Hazim – Khidr

إزيك ياحزوم وأنتم مان حتوحشوني والله بس أتمنى يكون ية إنترنت في البلد إللي رايحها وما تكنش من بلاد تركب الجمال 

Frafirooooooooooo

وانا أؤيد الأستثمار أشد منك بس فين الفلوس ؟ العربية قسط يا باشا ولما أبيعها حسد بتمنها البنك

دموع الثلج

يادموع تمنها مش بتاعي لانها قسط
وبالنسبة لموضوع ليبيا ... مين قال إني رايح ليبيا؟ هو ما فيش حاجة بتستخبى في البلد دي ولا إحنا بنتعامل مع جهاز مخابرات في المنتدى يا جماعة

د. أحمد سمير

دكتورنا الغالي ... كيف الحال؟
متجوز وأعول والحمد لله
شوف حضرتك المدام مالهاش في السواقة
والله رأي حضرتك جميل وسلس بس انا متخوف من رفع العربية لان الأخوة خوفوني منه لاني ممكن أرجع كل سنة أشتري عجل وسيور وزيوت وبطارية وحوسة كمان سمعت إن المواتير بتبوظ من الركنة ؟؟؟
القسط بإذن الله مقدور علية بس في مشكلة إن البن مديني ايدة قليلة علشان تحويل المرتب وضمان الشركة إللي أنا شغال فيها دلوقتي ... مش عارف إذا قلتلهم مسافر حيعملوا معايا إية؟؟؟ لو حيسيبولي نفس الفايدة ونفس النظام يبقى حسيبها سنة إن شاء الله بس لو حيعلوا الفيدة يبقى حضطر أبيع وأمري لله

Amongy

ليس لي والله غير الله أسألة وأستخيرة ثم إستشارة الأخوة أمثالكم من لديهم الخبرة وكمان "ما خاب من أستشار"

ربنا يوفقك و ييسرلك حالك
سواء بره و لا جوه
رأيى الشخصى و عن تجربة اصدقاء مثل حالتك بالضبط بقالهم 5 سنين
11 شهر و 1 شهر

بيع و وقت النزول تأجير عربيه لمدة شهر الموديل اللى انت عايزيه
انا عارف انها فلوس ضايعة زى الايجار الجديد بس برضه كحسبة اجماليه و فى ظروفنا دى اكسب لك
و الاهم من ده كله من وجهة نظرى اريح لك و لبالك طول فترة السفر
---------
على فكرة نفسى اطلع معاك من وادى الدوم قبل السفر اذا شاء المولى عز وجل

انت وعدتنى قبل كده

يَسٌر الله لك حالك

يا دكتور محمد طه
يشرفني معرتك وصحبتك وإن شاء المولى عز وجل يكون لنا طلعة مع بعض قبل السفر بس ربنا ييسر الحال.