كشاف طوارئ

**dedi** · 04-04-2013 12:08 AM

المشاركة الأصلية كتبت بواسطة egyzizo

فيه برضه فكرة تانية ظريفة وهى (لمبة الشحن) ودى عبارة عن لمبة الاضاءة فيها بنظام الليدات وبتبقى قلاووظ أو مسمار وبتتركب فى دواية اللمبة كهربائية العادية وتتوصل بالكهرباء ، ولما الكهرباء تقطع بتنور اوتوماتيك وتستمر 5 ساعات ، ولما الكهرباء تيجى بتشحن تانى اوتوماتيك ، ممكن وضع لمبة منها فى كل حجرة فتبقى حاجة ظريفة وثابتة وتنور الشقة اوتوماتيك عند قطع الكهرباء ، أنا جبت واحدة أجربها من مول على الزراعى اسمه العابد وكان تمنها 26 جنيه ، ودى صور لأشكال مختلفة منها :

فكرة لمبات الشحن اعتقد انها موش عملية و احد قريبى اشترى 3 وموش بينوروا اكتر من نصف ساعة

**Land_Cruiser** · 04-04-2013 12:41 AM

المشاركة الأصلية كتبت بواسطة egyzizo

فى محلات الأدوات الكهربائية الكبيرة
والانرجيزر ممكن تلاقيه برضه فى ماكرو أو كارفور.

كارفور مفيهوش يا باشا غير ماركه صيني كان فيها نوع ب ٢٠٩ و دي فيها لمبتين فلورسنت و موديل تاني ب ليدات ب ٢٢٩ و الراجل قاللي عليه ضمان سنه. كانوا جايبين كميه كبره و لاحظت ان كان في اكتر من تاجر بيملأ التروللي اللي معاه بيهم

**Egyzizo** · 04-04-2013 10:02 AM

انرجيزر أنا لسه شايفه فى مول العابد ، على الطريق الزراعى (بين طوخ وبنها) ، وهناك برضه فيه أنواع صينى ، ولمبة الشحن موجودة.

**Abo Yasso** · 04-04-2013 01:18 PM

عندى الامير النيون 2لمبه 60 سم
اكتر من سنتين وما شاء الله زى الفل
كنت جايبها من التوحيد والنور

**Egyzizo** · 04-04-2013 02:00 PM

المشاركة الأصلية كتبت بواسطة dedi

فكرة لمبات الشحن اعتقد انها موش عملية و احد قريبى اشترى 3 وموش بينوروا اكتر من نصف ساعة

هى مكتوب عليها 4 ساعات ..
على أى حال أنا لسه شاريها وهاجربها.

**A_H_M_A_D** · 04-04-2013 04:36 PM

المشاركة الأصلية كتبت بواسطة Land_Cruiser

كارفور مفيهوش يا باشا غير ماركه صيني كان فيها نوع ب ٢٠٩ و دي فيها لمبتين فلورسنت و موديل تاني ب ليدات ب ٢٢٩ و الراجل قاللي عليه ضمان سنه. كانوا جايبين كميه كبره و لاحظت ان كان في اكتر من تاجر بيملأ التروللي اللي معاه بيهم

الاسعار دي كتير قوي على ماركات صيني , عموما التوحيد و النور فيه انواع صيني برضه وعندهم نوع اسمه more ده ب 140 جنيه و عليه ضمان سنه برضه

**Ahmed_Adham** · 05-04-2013 12:53 AM

جبت من سنه واحد ليدات اسمه "جراند" وفيه أربع صفوف ليدات منهم نص صف فصل يادوب بعد شهر ولا اتنين ولأني كنت محتاج واحد كمان جبت المره دي انرجيزر لمبتين نيون وكان سعره 280 جنيه وبعد زياده الدولار جبته لأبويا ب 320 من سبينيس. عيبه انه وزنه تقيل شويه بس عشمي انه يكون عمره طويل خصوصا البطاريه.

**hossam_elwani** · 05-04-2013 01:12 AM

المشاركة الأصلية كتبت بواسطة land_cruiser

كارفور مفيهوش يا باشا غير ماركه صيني كان فيها نوع ب ٢٠٩ و دي فيها لمبتين فلورسنت و موديل تاني ب ليدات ب ٢٢٩ و الراجل قاللي عليه ضمان سنه. كانوا جايبين كميه كبره و لاحظت ان كان في اكتر من تاجر بيملأ التروللي اللي معاه بيهم

تجاره مزدهره جداا اليومين دول للاسف

**chicobon** · 05-04-2013 01:34 AM

سبحان الله انا بصراحة بفكر اجيب لمبة جاز من بريموس الي في العتبه بس مش عارف هل هلاقي جاز ولا ممكن بي السبيرتو حاجة تقرف رجعو البلد للسنين ورا

**Egyzizo** · 05-04-2013 03:43 AM

طيب تصدق انى بافكر جدياً فعلاً فى لمبات الجاز دى ..
اضائتها رومانسية ومش مكلفة ومتعلقة على الحيطة فى مكان ثابت ، و5 لتر جاز يكفوك الصيف كله، والأهم من ده كله هيبقى تجديد .. تخيل شقتك كلها فى عز العتمة منورة بالمشاعل .. تفتكر على طول جو العصور الوسطى والدهاليز وقعقعة السيوف .. حاجة واووووو

حاجة تقرف رجعو البلد للسنين ورا

على فكرة ، مهم جداً من أجل الصحة النفسية وتفادى الضغط والسكر ، ان الواحد لما يقع فى مشكلة لا يد له فيها ، انه يحاول يبرمج نفسه انه يستمتع بالمشكلة ذات نفسيها اذا امكن ..

فكر فى جو العصور الوسطى وانت تدعي لى.

الموضوع: كشاف طوارئ

LinkBack

أدوات الموضوع

عرض

-

-

-

-

-

المواضيع المتشابهه

عايز اشترى كشاف طوارئ

حد عندة كشاف بلمبات led ؟ اللى زى كشاف الطوارئ الفلوروسنت؟

نظام مكابح طوارئ من «بوش» لتعزيز سلامة المشاة

رقم طوارئ الطرق

الكلمات الدلالية لهذا الموضوع

المفضلات

المفضلات

ضوابط المشاركة