الموضوع: اللانسر Made in Japan , Assembled in japan

في موضوع آخر الأستاذ Rsarabia بينصح صاحب الموضوع بشراء لانسر 93 لأن أحد مميزاتها انها تقفيل ياباني

وعلشان ميبقاش كلامنا خرج عن سؤال صاحب الموضوع حبيت أفتح الموضوع ده للتوضيح للجميع ان اللانسر طول عمرها ياباني صناعة وتجميع :

Rsarabia

دى يا باشا بقا بالذات تقفيل يابانى يعنى احسن من موديلات 95 و 96 و 97 كمان اتكل على الله و اشترى


مصراوي جدا :

يا باشا كل اللانسر ياباني من أول عيون صفية وما قبلها كمان ثم البطة والكريستالة والمكواة والبومة والشارك (فيه موضوع بيوضح صورهم وسنة الموديل لكل اسم من دول )

http://www.nilemotors.net/Nile/showthread.php?t=33127

يمكن حضرتك اعتقدت ان كلمة لانسر مصري مقصود بها تجميع مصر ولانسر خليجي يعني تجميع الخليج

انما المقصود باللانسر المصري انها مصدرة من اليابان بلد المنشأ والتصنيع الى مصر أما الخليجي الى الخليج ثم قام تجار مصريون باستيرادها من دول الخليج والاردن انما كلها صناعة اليابان


Rsarabia

الآخ العزيز مصراوى اكيد كلهم يابانى و كلهم حلوين بس انا كان قصدى ان الموديلات الحديثة تقفيل مصرى و دى تقفيل يابانى و اكيد التقفيل اليابانى بتبقى احسن



مصراوي جدا :

يا باشا تقفيل مصري يعني فيه مصنع في مصر بيستورد اجزاء العربية ويجمعها في المصنع في مصر وفيه اجزاء بتكون مكونات مصرية زي الفرش والتابلوه والزجاج (زي الصني مثلا)

انا يا باشا باشتغل في التوكيل وبأكد لحضرتك ان معندناش مصنع ولا عمر العربية اتجمعت في مصر ، احنا بنستورد العربية بالكامل من اليابان وكذلك دول الخليج

يعني العربية صناعة ياباني وتقفيل ياباني