الموضوع: استفسار مهم

السلام عليكم،يا أحلى منتدى ،انا كنت مسافر لمدة 8 شهور ورافع العربيه طول الفتره دى(جين 2 2012)هى تقريبا ماشيه 300 كيلو يعنى من التوكيل على البيت وسافرت ،كنت عاوز اسأل حضراتكم ايه اللى المفروض يتعمل لما انزل الاسبوع الجاى ان شاء الله،هل اغير الزيت والفلتر ،اغسل العفشه بالجاز ،يعنى اى افاده الله يستركم اخوكم ابيض يا ورد فى العربيات،مع ملاحظة ان السياره اتوماتيك وان اخويا كان بيدورها مرتين اسبوعيا وهى واقفه عشان البطاريه.ولكم جزيل الشكر مقدما

1- غير زيت وفلتر
2- اكشف علي ماء الردياتير وباقي الزيوت
3- اغسل العربيه في المحطه غسيل عادي
4- اضبط الهواء في العجل
وربنا يباركلك فيها