والله أنا معايا نوبيرا أتوماتيك كورى زى الفل بس هى عايزه صيانه للفتيس وتغير له ست لتر زيت موبيل كل سته أشهر التر 28جنيه تقريبا وأنسها يامعلم
عرض للطباعة
والله أنا معايا نوبيرا أتوماتيك كورى زى الفل بس هى عايزه صيانه للفتيس وتغير له ست لتر زيت موبيل كل سته أشهر التر 28جنيه تقريبا وأنسها يامعلم
انا معايا لانوس99 اتوماتيك والحمدللة زى الفل ومفيش حاجة وكان بيتقلى الكلام دة طبعا قبل مجيبها بس نفضت طبعا ومفيش اكتر من كدة اثبات انها من 99 ماشية زى الفل
ربنا يبارك ليك فيها
بتغير زيت للانوس 99 ولا بتزوده بس
والعداد عامل كام؟
الأتوماتك عامة صيانته بره التوكيل مش حلوة عشان تقريبا محدش بيعرف يفتى فيه فى مصر
انا سوقت الكوري مانوال واتوماتيك
ولاقيت ان الاتوماتك سيء جدا جدا وسحبه بطيء اوي عن المانوال لدرجة اني 125 كانت بتسابقني علي ما العربية تسد في السرعه
والعربية كانت نوبرا 1 2002 معاقين
فعلا الاتوماتك وحش في الكوري
الخوة الاعزاء
بعد هذا الكلام كل اللي عنده سيارة كوري اوتوماتيك بدأ يقلق
رجاااااااااء كل من لديه نصيحة يقدمها عن الطرق الصحيحة لصيانة الفتيس الاوتوماتيك وكيفية المحافظة عليه
مشكورين
hمش كل الكورى ...........أتوماتك الإلنترا حلو.
غير الزيت كله كل 30 أو 40 الف كيلو
تأكد من مستوى الزيت كل فتره
الأستخدام الجيد وقاية من الأعطال
الاتوماتك فى الكورى ممتاز ويكفى اتوماتيك الهيونداتى ريسبونس عالى جدآ وماتشعر انك راكب اتوماتيك
حقيقة
هو بصراحة عمر ما الكورى يضاهى الالمانى
يعنلا مثلا اى عربية اوتوماتيك المانى
اعمل كل يوم فيها ككل يوم مية كيك داون هتلاقى العربية بعد 100 الف كيلو سليمة لكن
اعمل فيها نفس الكلام دة
بعد 40/60
هتلافى الفتيس مدمر
الكلام اللي هقوله مش زياده عن الاخوه اللي قالوه .. بس فعلا انا ليا صاحبي معاه نوبيرا اتوماتيك .. و واحد تاني ليجانزاا اتوماتيك .. الاتنين بيعيطوا بس بتاع النوبيرا اكتر الصراااحه .. و ده راجع برضه لاستخدام الكيك داون كتير .. وده غصب عنه بسبب طريقه السواقه داخل القاهرة .. تستلزم كيك داون ومسدسات كمااان ..
شكررااا
هو من التجبره مش كل الكوري
بس الدايو عموما الفتيس وحش وعن تجربه لليجانزا 99 ونوبيرا 2005
الهيونداي القديم زي الاكسيل التوماتيك طلعت عين صحبي وغيرلها الفتيس لحد مقلبها مانوال
الاكسنت القديم بدره نفس النظام
الكيا القديم زي السيفيا
الهيونداي الجديد الصراحه جميل ماشاء الله زي اللنترا وكمان السيراتو حلوه
الياباني بقه انا كان معايا لانسر 99 اتوماتيك وكنت ببهدلها كيكات وكنت بوصل الrpm ل 6000 في 9 سنين معملتش اي حاجه غير تغيير الزيت والفلتر كل 40 الف وعمري ما عملت اي صيانه تانيه للفتيس وبعتها لابن خالتي وزي الفل وبيجيب بها 160 وباعها لواحد صحبي كمان وماشيه ماشاء الله زي الفل وطبعا الموديل ده معروف مش محتاج كلام
طيب اية رأيكم بقى اسكودا اوكتافيا 99 اتوماتيك وارد المانيا
بقالها اهو داخلة فى 7 شهور وبتزل صحبى وكل مايصلح الفتيس يجرالة حاجة وهو اصلا مش بيقرص على الاوتوماتيك اساسا بالنسبالة الاوتوماتيك دى سواقة دلع
عندة جولف 2004 بردو وارد المانيا مانيوال هيا دى بتاعت الشد والحرق والقرص
فهمين قصدى يعنى هو جايبها عشان مشى انتخة وراحة بس
وعلى فكرة الاوكتافيا مبعوتة زيرو واعلى فقة يعنى اول يد
عشان محدش يقول هتكون معاقين وياعالم المالك الاول كان بيعاملها ازاى والاجانب بيقرصوا ديما
بس حاسس بردو ان عمرو الالمانى واليبانى اطول شوية يعنى لو هنقول الكورى 100000 يبقى هما 150000
والرق على طريقة الاستعمال ومراعية العربية والاهتمام بيها
yes the problems was in the earlier models from korea, now korean cars are well developed and produce the highest technology and quality with affordable prices,,,
One of my friends have an old kia pride sedan automatic, and he bought it from the market, the car is over 168000Km and the automatic gear box is fine till now, even with the bad use,,,,
بصراحة انا ليا واحد صاحبي معاه نوبيرا 2 مغير ليها الفتيس مرتين وقرفان جدا من الفتيس وواحد تاني كانت الفتيس مبينقلش
yes the nubera have a lot of automatic transmission problems, but for a sure informations leganza have not any problem with its automatic transmission, also elantra and old and new cerato are so good, not any problems in transmission and lot of these cars with my friends making more than 90000km anf only 2 cars more than 130000km , but sure the german or japanees transmissions will have longe life, but don't forget the price
انا معايا جوليت 2 كامله والفتيس الحمد لله تمام بس السحب فعلا بطئ جدا في بدايه الانطلاق ودى مش عاملالي مشاكل انا مش داخل سباق
ليا واحد صاحبي معاه نوبيرا 2 الفتيس برده زى الفل
اهم حاجه المعامله والاستخدام الصح
صون العربيه تصونك
ياريت اللي يقول المشاكل يذكرها عن تجربه ميقولش صاحبي ياريت يقول انا معايا ويقول مشكلته ايه وحلها ازاى علشان الكل يستفيد يا احلى اعضاء
صديق ليا معاه نوبيره اوتوماتيك ومضايقاه جدا
الاوتوماتيك يبقى يابانى والمانى
خالى كان عنده نوبيرا أتوماتيك و مكملتش 10 ألاف كيلو و الفتيس باظ و غيره فى التوكيل لأن العربية كانت لسة فى الضمان و خالى ده راجل كبير و لا لى فى الشد و لا الكيك دون و للأسف النوبيرا هى اللى سوءت سمعة الفتيس الأتوماتيك الكورى لأنها كانت أكتر عربية فيها مشاكل فى الفتيس
اللهم صل على محمد وعلى آله وصحبه أجمعين
شكرا يا شباب على المعلومات المفيدة
بس يا ريت حد يقولي رأيه في الالنترا 2010 اتوماتيك
الاوتوماتيك الكوري الجديد اعتقد مفيهوش مشاكل زي زمان
لكن الاوتوماتيك الياباني زي الميتسوبيشي والتويوتا معتقدش حد يختلف على اعتماديته وقلة اعطاله
لو في مشكلة مع حد فعربيات حديثه ياريت يقولنا
و الماتريكس ايه اخباره مع الأوتو؟
فيه مشاكل بعد ال 100000؟:Ka_che1[1]:
الاتوماتيك في الكوري سئ
الوتوماتيك في الكوري بكون ممتاز وهي السياره جديده بس بعدين بضعف
لاتوماتيك الكوري لسه قدامه كمان شويه علشان يبقي في مستوي الياباني.
خالي كان معاه كورولا 2004 و عامله 140 الف كيلو ما فكرش في يوم انه يغير زيت الفتيس و العربيه كانت ما شاء الله ماشيه و لا بتقول لاء.
ما اعتقدش ان فيه فتيس كوري يستحمل حاجه زي دي.
الاخ hazem_khidr
مستحييييييييييييييييييييي ييييييييييييييييييييييييي يل الكلام الى انت بتقولو زيت الفتيس الاوتوماتيك لو متغيرش على 80 الف ده بالكتير اوووووووووووووووووووووووو ووى الطبيعى 60 الف
هيبوظ الجير بوكس كلو وده فعلا الى حصل مع عربيه اخويا كورولا 2002 اوتوماتك
الرجاء تحرى دقه المعلومه قبل كتابتها
كلام زى الفلاقتباس:
اهم حاجه المعامله والاستخدام الصح
صون العربيه تصونك
ياريت اللي يقول المشاكل يذكرها عن تجربه ميقولش صاحبي ياريت يقول انا معايا ويقول مشكلته ايه وحلها ازاى علشان الكل يستفيد يا احلى اعضاء
وهو ده كلام الناس العاقلين