تركيب الطارة المالتي فنكشن والكروز كنترول للتيجو

**firstknight_eg** · 07-04-2013 11:11 PM

النهاردة جربت الكروز كنترول علي الطريق لمدة 20 كيلو والطريق كان فيه مطالع ومنازل، ثبت السرعة علي 100 كيلو وسيبت العربية تزود لفات الموتور في المطالع وتقلل في المنازل، بصراحة وجود مثبت سرعة علي الطرق الطويلة حاجة ممتعة جدا وخصوصا اني من هواة السفر.

الكروز كنترول فيه مميزات تانية انه في امكانية تحديد نوعية السواقة عشان استهلاك البنزين، يعني فيه سواقة اقتصادية بيتحكم في البوابة عشان يقلل استهلاك البنزين، وفيه مود السرعة، وكمان فيه محدد للسرعة لو عاوز العربية ما تعديش سرعة معينة مهما دوست علي البنزين

**hemaa_82** · 11-04-2013 10:01 AM

الام برة بتنزل ملتي فنكشن انما في مصر تيجو متشالة الطارة

**abo_salah** · 11-04-2013 01:52 PM

السلام عليكم
معلش كنت عايز اسال حضرتك عن سعر الطاره المالتي ؟؟ انا معايا تيجو 2010 وكنت عايز اجيب الطاره المالتي ..
عايز اعرف سعرها كام بالكامل لحد ماتوصل مصر ... ؟ وتركب عند مين ؟؟ دخلت الموقع اللي حضرتك كاتبه بس مش فاهم فيه اي حاجه ولا عارف اوصل لاي حاجه ...
فاياريت لو حضرتك بس تكتب معلومات اكتر بخصوص الموضوع ده ...
اسف عالاطاله ..

**firstknight_eg** · 15-04-2013 01:27 AM

المشاركة الأصلية كتبت بواسطة abo_salah

السلام عليكم
معلش كنت عايز اسال حضرتك عن سعر الطاره المالتي ؟؟ انا معايا تيجو 2010 وكنت عايز اجيب الطاره المالتي ..
عايز اعرف سعرها كام بالكامل لحد ماتوصل مصر ... ؟ وتركب عند مين ؟؟ دخلت الموقع اللي حضرتك كاتبه بس مش فاهم فيه اي حاجه ولا عارف اوصل لاي حاجه ...
فاياريت لو حضرتك بس تكتب معلومات اكتر بخصوص الموضوع ده ...
اسف عالاطاله ..

الطارة المالتي فنكشن نازلة في التيجو الجديدة، أكيد هتلاقيها بتتباع عند ابو الفتوح، بس خد بالك هتحتاج تغير السلك اللي واصل للايرباج عشان اللي نازل في الموديل القديم مش هتلاقي فيه فيش للزراير، تركيب الطارة ما ياخودش عشر دقايق، ظبط الزراير هو اللي هياخد وقت

**smart man** · 04-10-2013 12:37 PM

طيب لو سمحت الفيش بتاع الزراير بتركب فين او بتركب على اي كاسيت؟

**Ahmed_m7md_A5** · 05-10-2013 08:27 PM

الف مبروك
كفاحك ملهم الصراحة

**firstknight_eg** · 17-10-2013 05:22 PM

المشاركة الأصلية كتبت بواسطة smart man

طيب لو سمحت الفيش بتاع الزراير بتركب فين او بتركب على اي كاسيت؟

الفيش اللي راكبة تحت الايرباج 3 طرف ... لو عاوز تغيير لمالتي فنكشن هتحتاج 7 طرف وديه تمنها بتاع 250 جنيه... انا راكبة عندي علي دي في دي Motevo وبتركب علي الكاسيت الشيري العادي