عرض للطباعة
السلام عليكم
استشاره فنيه من الاخوه البروتونيين
بأذن الله عايز اشترى عربيه بروتون و محتار بين الجين 2 و النيو واجا
والمشكله انى عايز اجبها خلال 4 ايام بالكتير
مع العلم ان الاتنين اوتوماتبك لانى مش بفضل المانيوال وسمعت ان الاوتوماتيك بتاع الجين 2 الجديد اتحسن
و كمان مش عارف ال جين 2 فاس ليفت هاتنزل امتى
بالنسبه لكل مشاويرى هاتكون سفر
لأ دلوقتي خد الوجا لان الجين الجديدة2 لسه مانزلتش
و الوجا خامتها احسن
اولاً اهلاً بيك يا استاذ احمد في المنتدي معانااقتباس:
المشاركة الأصلية كتبت بواسطة tobler
بالنسبة للنيو واجا فا هي سيارة جميلة جداً و مريحة و من نوعية السيارات السيدان المحترمة و بالنسبة للجين 2 فهي من نوع سيارات الاسبورت و لكن في مقارنة من وجه نظري مهمة الجين 2 بقالها اكثر من 2 في مصر و حصل ليها تطورات من 2006 ال 2008 و خصوصاً في التقفيل و حجم المبيعات و كميات قطع الغيار و اعتقد ان الواجا في قطع الغيار الخاصة بالموتور حتكون واحد زي الجين لانها تحمل نفس الموتور كام برو و نفس الجير و علي فكرة الواجا اتوماتيك 94000 و الجين اوتوماتيك 89900
ثالثاً بالنسبة Facelife شكلها مش حتنزل بس انا سمحعت انهم حينزلوا بفس الموديل بتاع الجين 2 الحالي مع تعديل بسيط في السحب ما بين 2 - 3 RBM مع اني شايف انها و الله مش مشكلة كبيرة للدرجة دي
استاذ مؤمن انا كنت واحد من ال 20 ال كانو عايزيين ال جين 2 facelift بس الحمد لله محصلش نصيب
المهم انا دلوقتى بفكر فى الجين 2 2008 وسمعت انهم حسنو الاوتو حد عندو اى تأكيد بالنسبه للموضوع ده
و انا كان قصدى لما كنت بقول انهم هينزلو facelift كان قصدى مش نفس الاوبشن انا بتكلم على الميديم لاين
باش مهندس احمد انا معايا العربية 2008 اتوماتيك و مشاء الله حاجة جامدة جداً دا غير ان عيوب التقفيل بأت صفر % فلو انت ناوي علي الجين 2 توكل علي اللهاقتباس:
المشاركة الأصلية كتبت بواسطة tobler
مهندس مؤمن شكرا ليك جدا
بأذن الله ان خلاص شبه استقريت على جين 2 الوتوماتيك سبورت باكيدج
اذا كان الاوتو بتاعها ممتاز طيب بالنسبه للفجوه ال كنا بنسمع عنها ايه الاخبار
انا بردك ناوي عليها ان شاء الله
ماتيجو نعمل مجموعه لشراء جين تو 2008 او 2009 من عز العرب عشرين واحد او حاجه اكيد ممكن ننزل فيها مبلغ محترم
و الله يا سيدي الفاضل انا جبت العربية في شهر 6 الي فات بس ممكن تعمل موضوع كدا هنا في المنتدي و اكيد الفرق في السعر حيكون في مصلحتكوا ان شاء الله
و الله يا جماعة الفجوة دي غير موئرة التأثير الرهيب الي انتوا فهمينوا دي و الله عادي يعني مش مشكلة عويصة و علي فكرة في ناس بتعتقد ان الفجوة دي بتخلي العربية ممتحركش و الكلام دا مش مظبوطاقتباس:
المشاركة الأصلية كتبت بواسطة tobler
و لو الإتنين نفس الموتور, يبقى الأوتوماتيك بتاعهم فيه نفس المشكلة بين 2 و 3 Rpm
لأ مهو العيب أعدل في مديلات 2008 يبقي أكيد مش هيبق موجود في النيو واجا
والله ياعم وليد أنا معاك في موضوع نجمع بعض ونروح نشتريها بخصم
بس خلي بالك أنت بتتعامل مه عز العرب يعني يبيع عيل من العيال ولا انه يخصر 100 جنيه
ان شاء الله عيب العزم دا يكون اتعدل في الموديلات الجديده لان معتقدش بروتون تعمل عبيطه وتنزل المحرك اللي سمعته بلغت الافاق في النيو واجا
بصراحه الجين عامله لوثه في دماغي عشان التصميم الثوري وعوامل الامان فيها ممكن اصبر شويه يمكن الموضوع دا يتعدل
كنت سمعت بردو ان الجين تو لو ركب فيها فلتر ياضي وبوجيها سبليت فاير المشكله دي بتقل خالص
انا أعتقد ان الج=ين 2 أفضل من الواجا الجديدة باعتبار ان شركة لوتس هى مصممة الجين 2 وصاحبة الوتور الكامبرو بتاعها بعكس الواجا المصممة منذ وقت طويل دون تدخل لوتس وكانت بموتور ميتسوبيشى وفى الجديدة تم تركيب الموتور الكامبرو فيها بمعنى ان الجين 2 مصممة اساسا للموتور الكامبرو بعكس الواجا الجديدة وهذا مجرد رأى شخصى يحتمل الخطأ والصواب وياريت افادة من المتخصصين وعلى رأسهم الزعيم توت
ا
المقارنه الصح :- عربيه عائليه Vs عربيه شبابيه
شوف متطلباتك ايه من العربيه و حدد على اساسها .......
الاتنين فيهم عوامل امان
الاتنين نفس الموتور
الاتنين نفس السعر
يبقى الاختيار ليك فى النهايه
انا اعتقد الاتنين حلوين جدااا كدة دلوقتى ...ودة اذواق يعنى الى عاوز عربية بشنطة مش هاتشباك تبقى واجا2 وهتبقى برضة بالكامبرو هى طبعا التسارع هايكون اقل بسبب ايرودينمكيت الجين 2 مع الهواء لكن الفرق بسيط حسب بروتون مابتقول طبعا بودى الوجا كمان اثقل. لكن الى اعرفة ان لوتس ادخلت من اول فى صناعة الواجا كانت بروتون لسة مشتريها و لذلك برضة الثبات هايل لكن الحاجة الوحيدة هى كانت ماتور المتسوبيشى لان كان بيتم تجارب الكامبرو وصناعتة بين بروتون ولوتس
طبعا تتطور هايل من عز بية انة اخيرا نزلها وربنا يهدية علينا شوية
:g:
سبحان الذى سخر لنا هذا وماكنا لة مقرنين وانا الى ربنا لمنقلبون
الاخ الفاضل
انا امبارح كنت فى التوكيل و اتفرجت على النيو واجا
بصراحة انا صدمت تماما و ماعرفش الاخوة الافاضل اللى بيردوا عليك و بيقولك ان خامات الواجا احسن من الجين 2 على اى اساس
من وجهة نظرى ان الاثنين صالونهم فقير و تعبان جدا جدا و العربيات دى على قد فلوسها فعلا و مايدفعش فيها اكتر من كده
نيجى للواجا بقى : انا ماكنتش مصدق بجد ان الصالون وحش كده و التقفيل بتاعه ضايع و الكارثة لما فتحت الموتور و اتفرجت عليه كانت النتيجة ان اى حاجة بلاستيك جوه شكلها صعب جدا و معمولة من اسؤ الخامات اللى ممكن تتخيلها
بصراحة انا كنت فاكر ان الواجا اكيد هاتبقى نازلة احسن من كده بس بصراحة هى صدمة كبيرة بالنسبة ليا
ده رايى الشخصى فقط و تقييمى الشخصى و الحمد لله خبرتى موش هينة و لا بسيطة و لا بافتى بدون ماتفرج بس نصيحتى الواجا موش مستوى الصالون اللى المفروض يبقى موجود فى عربية عائلية
معنى كده ان الجين2 أفضل من الواجا
و يمكن دا يكون فقط وجه نظر و مش لازم الشي الي يعجبك يعجب بقيه الناس و الاستاذ احمد صيام معجبهوش خامات العربية يمكن انا او اي حد من تاني لو شاف العربية يبقي ليه راي اخر لان اختلاف الراي لايفسد للود قضية بس مش اكتر
على فكرة الواجا القديمة احلى بكتير جدا و كانت نازلة بفرش جلد و ابنوس فى التابلوه و حلوة جدا و كنت رايح اشتريها فى ديسمبر 2007 بس للاسف خلصت و قالولى استنى 2008
انا من رايى ان تجهيز الصالون القديم للواجا افخم و احسن بمراحل من الجديدة
وطبعا دى وجهات نظر فى الاخر
يا جماعة والله انا محتاج استشارة لانى محتارة بين عربيتين الواجا والكيا سيراتو
فا ياريت حد يفدنى فى السعر والامكانيات من الاخر كدا الاحسن يعنى ولكم جزيل الشكر
الواجا جميله جدا و ليها طابع خاص بالاضافه لـ:-
- فيها كماليات و عوامل امان مش متوافره فى اى عربيه فى فئتها السعريه .
- صالون مريح جدا و عملى جدا جدا .
- ثبات ممتاز و اسلوب قياده مختلف عن باقى السيارات فى نفس الفئه .
- ثمن فى مقابل القيمه اكثر من ممتاز .
اهم عيوبها ارتفاع مصاريف الصيانه و اسعار قطع الغيار فى التوكيل ." ممكن تطلع على موضوع اسعار و صيانات الواجا لو حابب تعرف اكتر عن الموضوع ده "
السيراتو مقدرش احكم عليها لانى مسوقتهاش .
لكن بالارقام :-
- موتورها رائع و متطور جدا " 121 حصان VVTI " و من احسن المواتير ال1600 المتوافره حاليا فى مصر .
- توافر السيراتو بناقل حركه ستيبترونك .
- ضمان 100.000 كيلو يعتبر ممتاز بالمقارنه بباقى السيارات من نفس الفئه السعريه
- توكيل جيد جدا و تعدد مراكز الخدمه .
* عيوبها . مقدرش احكم عليها لانى مجربتهاش بس بالنسبالى انا مش بحب تصميم السيراتو .. و حتى مش بحب تصميم الداخلى للصالون , بس طبعا ديه مسأله ازواق .
و اكيد اصدقائنا فى قسم كيا يقدرو يفيدوك اكتر فى مميزات و عيوب السيراتو .
مشكور اوى على وصفك وعلى حيادك ما بين العربيتيناقتباس:
المشاركة الأصلية كتبت بواسطة MohabSaeed
العفو لا شكر على واجب , ربنا يوفقك ل الخير فى اختيارك .
السلام عليكم
انا ليا استفسار بخصوص عفشه الوجا
انا سمعت انها بتبوظ بسرعه وان مشكله الواجا فى العفشه والتقفيل
فبرجاء الافاده لانى بقارن بينها وبين الانسر والوبترا وايهم ترشحونه لى وايهم اكثر امانا
والف شكر لكم مقدما
ملعش ممكن توضح يعني ايه بتبوظ بسرعة...؟؟؟؟؟اقتباس:
المشاركة الأصلية كتبت بواسطة zee
انا حسيت من كلامك اننا بنتكلم على خلاط..:C_laugh[1]:
!! انا سمعت اشاعات كتيراقتباس:
المشاركة الأصلية كتبت بواسطة zee
بس موضوع العفشه ده جديد !!
بالتأكيد مع الاستعمال الطبيعى العفشه مش حتبوظ ولا حاجه , حتمشى بالعربيه فى شوارع متدغدغه و عباره عن مدقات و حتاخد بلعات و مطبات بسرعه عاليه يبقى اكيد العفشه حتبوظ بسرعه زيها زى اى عربيه ماشيه فى الشارع
الشيروكى و عربيات ال4*4 برده بيبوظو و بيجيبو زوايا و مساعدين و مقصات
احنا بنتكلم على اله فيها اجزاء ميكانيكيه و اجزاء متحركه و ليها عمر افتراضى .
الف شكر لك ياخى على اهتمامك وردكاقتباس:
المشاركة الأصلية كتبت بواسطة MohabSaeed
لقد دفعتنى بشده لاعاده التفكير فى الشراء
اقتباس:
المشاركة الأصلية كتبت بواسطة rafysamy
لا تعليق على استهزائك
استاذ ذى خد الموضوع بصدر رحب الراجل مش قصده حاجه يستهزأ لا سمح الله .اقتباس:
المشاركة الأصلية كتبت بواسطة zee
و شوف ردى بالتفصيل فى الموضوع الى انتا كاتبه .
و ان شاء الله نشوفك فى عريبه واجا فى القريب العاجل و تنضم للبروتوناويه .
تحياتى ليك
لا لا لا انت زعلتاقتباس:
المشاركة الأصلية كتبت بواسطة zee
انا مكنش قصدي... انا كنت بهزر...
حقك عليا يا سيدي متزعلش :S_thum1[1]::k10:
اصحاب...؟
مفيش اخبار عن الواجا 2009
حد حجز / اشترى / جرب ...؟
اي معلومات