الموضوع: اخطب ولي لا افيدوني افادكم الله؟؟

انا لسه عندي 22 سنه وان شاء الرحمن في اخر شهر 5 هيكون 23 سنه
وانا مسافر قريب في شغل في السعوديه والحمد لله عقدي هنا وكل حاجه متظبطه وناقصني السعودي ينزل يخلصلي ورقي في السفاره ويخدني في معاه وهو ماشي في ايده
ولدي عرض عليه موضوع الخطوبه
والاختيارات يا ارفض يا اقبل
طيب لو رفضت "هنزل كمان سنه عشان اخطب دور بقئ علي الجيل الجديد الي طالع وطبعا كلنا عرفين الجيل الي طالع مش مخلي وراه حاجه معملهاش"
طيب لو وافقت
في اكتر من عروسه
تتقدم في المقدمه
واحده بحبها من الثانوي بس للاسف مش عارف اوصل ليها او اكلمها لانها شبه محدش يعرف عنها حاجه غير انها محترمه جدا وملتزمه جدا "بس سامع انها اتخطبت ودي العقبه الوحيده"
التانيه
ودي من ترشيح الحاج والحاجه
واحده في رابعه صيدله بنت ناس معرفه وناس محترمه جدا بس المشكله ان انهم عيشين في البلد بس البنت الصراحه حلوه وشيك جدا ومحترمه جدا جدا جدا
التالته
دي لسه بفكر فيها
واحد في كلية هندسه بنت واحده صحبت ولدتي هي كويسه محترمه وخجوله جدا بس معرفش ايه نظمها
الرابع
واحد بتكلمني علي الفيس ومن تاني مره بتقولي انا معجبه بشخيصتك وبيك وشوية واخدت رقم موبيل وكل ما انفض ليها تتصل وتبعت مسجات لحد لما زهقت وبتقولي انا ولصت معايا لدرجة اني بعشقك دا كله في اسبوع "هههههههههههههههههههههههه� �ههههه" مش عارف حاسس انها كدابه كدب الابل
ما علينا اعمل ايه
بس مرشح للرفض بشده
لان الي كنت عايزها تقريبا كدا مش هينفع ارتبط بيها لانها اخدت نصبها فا انا استني لحد لما اقعد سنه واتنين
وعلي الاقل اكون عرفتي شغلي هناك هيوفرلي دخل ايه وكام وهقدر انظم حياتي
مع ان هنا عندي شقتين في بيت ولدي متشطبين ماقصهم الفرش وبتلفون من الحاج الصبح تتفرش كلها لاننا كنا شغلين في تجارة الخشب
المهم يعني اعمل ايه؟؟

المشاركة الأصلية كتبت بواسطة S O P H O S

راي تتوكل علي الله في الي تعرفه اكتر
ومن كلامك رقم 2 هتكون خطوة ايجابية ان شاء الله يكفي كلمة جدا جدا جدا دي
والي بتعكس مدي راحتك اخطب ومدام هتستقر ترجع بعد فترة صغيرة تكمل
بس اهم شئ تكون حاطط فحسابك انك مش هتقعد كتير هنا والمفروض انك تدرس الانسانة عن طريقة المعاملة اكتر
دي الي هيعرفك انت فطريق صح ولا مش مرتاح يمكن دي العقبة الوحيدة اعتقد
استخير ربنا وهترتاح اكتر ان شاء الله ..

المشكله ان مسافر خلال اسبوعين تلاته بالكتير مش مده

المشاركة الأصلية كتبت بواسطة cameeron

يا سلام عليك يا سوفوس باشا كلام مظبوط جدا انا كمان رايي نمرة 2 تكسب و اخطب و اتكل على الله بعد الاستخارة

حاضر والف شكر لاهتمام حضرتك

المشاركة الأصلية كتبت بواسطة AlGazar2

خد ترشيح الحاج و الحاجة و مبرووووووك مقدما

و نصيحة ما تاخدش مهندسه :) بعد الى بيشوفوه فى هندسه كله هيطلع عليك فى الاخر

ههههههههههههههههههههههههه ه ليه كدا بس انا معاك انهم بيتنفخو بجد واحلي بنات عندنا في الجامعه كانت صيدله وعلوم

المشاركة الأصلية كتبت بواسطة dede_dodo88

في رأيي أنك لسة صغير على الخطوة دي..
الحالة الوحيدة اللي ممكن تخليك تفكر في الجواز في السن ده أنك تكون بالفعل عارف واحدة من زمان و الأمور بينكم واصلة لمرحلة أن الجوازة دي هتتم sooner or later,, لكن معتقدش أن دي حالتك دلوقتي..
أنت بتقول أنك لسة هتسافر شغل برا.. فخطوة زي دي أكيد هتغير كتير في شخصيتك و أحتياجاتك و مفهومك عن الجواز فبالتالي هتغير بشكل كبير نظرتك و أنت بتدور عن شريكة حياتك..

للاسف مليش تجارب اساسا مع بنات عشان اقولك ان في واحده هي كانت واحد واتجوزت ويا ريتها كانت تعرف اني بحبها

المشاركة الأصلية كتبت بواسطة Ghosts

+111111 ....
أتجوز بسرعة .. تندم ببطء ....
و كل ما تكبر أكتر كل ما طريقة تفكيرك بيتغير ....
و اللى بتعجبك النهاردة وأنت فى العشرينات مش هتعجبك وأنت فى التلاتينات ....
أسئلنى أنا .. الأنسان كل يوم بيتغير فمفيش أى داعى للأستعجال و خصوصآ فى الموضوع اللطيف دة ....

ما انا مش هستني لحد التلاتينات انا اخري خالص 27 سنه 26 سنه واتجوز

المشاركة الأصلية كتبت بواسطة shaddadfalcon1

لو امورك الماديه مستقره وحاسس انك قد المسؤوله وعايز تعمل بيت واسره مش مجرد جواز عشان جواز وخلاص ولا عشان شهوه يبقي توكل علي الله ومن توكل علي الله فهو حسبه ومتسمعش كلام اللي يقول استني لما تكبر والكلام ده كله\


احلي سن للجواز من 24 او 25 الي 27 وبعد كده بعتبره متاخر وصدقني لما تسمتع مع زوجتك وولادك وانت صغير احسن لما تكبر

انا عن نفسي متجوز وانا عندي 22 سنه يعني وانا قدك كده ودلوقتي عندي طفلين

انا الحمد لله الامور الماديه كويس بس المشكله ان لسه مسافر علي شغل يعني معرفش الظروف ايه وهتمشي ازاي وانا بره
انما هنا في مصر الحمد لله كل حاجه جهزه وتمام والحاج يتمني النهارده قبل بكره