تقرير تغيير عفشة الماروتى
السلام عليكم
العفشة عندى فى الماروتى كان جابت اخرها
يعنى الطنابير كانت متاكلة و عاملة شفه و بتاكل تيل الفرامل اول باول
كاوتش الميزان كان متاكل و بيخللى العربية تعوم
علبة الدركسيون كان بايشة و بتعمل احلى مزيكا فى المطبات
المساعدين الامامى كان ضربه زيت
تم شراء الاتى
--------------------------
- طنابير امامية 230
- تيل فرامل امامى ماليزى 75
- كاوتش ميزان 50
- علبة دركسيون + البيض الداخلى + البيض الخارجى 450
- طقم مساعدين امامى هندى 600
- بلى عجل امامى 125
- طقم اويل سيل عجل امامى 50
- علبة شحم 20
و تم تغيير الاجزاء دى كلها و كانت المصنعية 170 جنيه
و طبعا ركبت بلى العجل الامامى فى الطنابير عند الخراط علشان بيعملها بمكبس مش عن طريق شاكوش و ذلك للحفاظ على البلى و الخراط اخد 25 جنيه
و الحمد لله