الموضوع: الحمد لله غيرت الكاوتش

بسم الله الرحمن الرحيم

بعد رحلة بحث وعزاب كبيرة تم بحمد الله تغيير الكاوتش للنوبيرا ونبتدى الحكاية ونقول
بدات ادور فالنت على اية الانواع واية الماركات و انهى اهدى كاوتش وملوش صوت وحلو مع الفرامل
انا ليا واحد صحبى هو مدير بريجستون طنطا قالى يابنى تعالى ومالكش دعوة طيب يا عم خالد انتم غاليين والحكاية والرواية والكاشات والمحتجات قالى بس البريدجستون من افضل المركات وهيديك الى انت عاوزة وفنفس الوقت معمر
قلت اخلية لاخر اختيار جميل
بدات رحلة البحث هنا فطنطا يعتبر لفيت على اغلبية بتوع البيع من عطوان و ابو ستيت وخورشد وشاهين
كل واحد يديك ماركة
بس من كتر اللف كان تاريبا الكل متقارب على ال gt ماعدا واحد بس وهو خورشد الى فمحمد فريد [mark=#ff0000]وعلى فكرة دى معلومة هو الوحيد الى عاندة الكومهو الكورى ناقشة الاكستا للناس الى بتدور عليها بس [/mark]بيبعها بكام بقى ب 450 للفردة للمقاس بتاعى الى هو 14-185/65 يعنى اغلى 80 جنية عن ثمنها الحقيقى
كان بتاع الكاوتش الى بصلح عندة قالى على نوع اسمة اسبكترا محدش من الى بيبيع شكرلى فية بس على فكرة لما صورتة طلع نفس النقشه بتاعت البريدجستون تورينزا الى ركبتة
اخيرا توكلت على الله وركبت من عند صاحبى الاستاذ خالد الى من هنا وفكل مكان بشكرة بجد على الى عملة معايا ركبت 4 فرد بريدجستون اندونيسى 14-185-65 نقشة التورينزا ونيتروجين وترصيص وزوايا وخرجت بجد فرقو معايا جدا حسيت العربية بقت سايلنت خالص على فكرة الكاوتش الى كان راكب عندى قبل كدة هو نانكينج ورقة شجر بس المقاس كان 14-195/60
ودى بعض الاسعار بعد اللف للمقاس 14-185/65
gt اندونيسى 385
maxxis تايلندى 370
لاسا تركى 370
بريدجستون يابانى 600
بريدجستون اندونيسى او تايلندى 480
كمهو كورى اكستا 450 من عند خورشد الى فمحمد فريد
وعلى فكرة دى اقل الاسعا وكلها من عند عطوان الى على السريع وكان ارخص واحد هو وابو ستيت الى بعدة على السريع بردة
حبيت افيد الى مشتت زيى وبيلف ومش عارف يعمل اية
وانتظرو الطلعة الجاية ان شاء الله بتاعت تعديل الفرامل الخلفية بس هحتاج منكم مساعدات ان شاء الله و بقول لو حد حابب يعدل نتكلم مع بعض ونشوف هنعمل اية وننزل مع بعض حتى وبالمرة نستفيد من الناس الى عدلت ونتعلم منهم علشان مينضحكش علينا
واخيرا انا تحت امر اى حد فاى استفسار
بشكر المنتدى الى بجد فدنى وبعتذر عن قلة مشاركاتى

مجهود منك كبير مبروك يا معلم
انا لسة مركب من شهر نانو كنج ١٤-١٩٥-٦٠
كانو ب ٣٨٠ بالتركيب والترصيص بس هو نانو كنج ده فيه رسمة شجرة انا عندي ملقتش غير النقشة العادية

الله يبارك فيكم وعقبال الجميع ان شاء الله انا كنت شارى العربية بالمقاس الى هو 14-195-60 وكان ورقة شجر وماركتة نانكينج بس بجد نقشة ورقة الشجر دى سيئة جدا بالنسبالى فالرمل بتغرز بسهولة وعلى الطريق السريع دوشة

مبروك
والبيرد ب 600 ده كويس فعلا

Mabrook

مبروك ياباشا فعلاًَ بريدجستون لا يعلي عليه
بس ايه الفرق بين اليابانى والاندونيسي والتايلندى؟؟

الف مبروك و ان شاء الله تنبسط من اداؤه و الهدوء و تلاحظ تحسن في أداء الفرامل

[QUOTE=wardet;3874910953]مبروك ياباشا فعلاًَ بريدجستون لا يعلي عليه
بس ايه الفرق بين اليابانى والاندونيسي والتايلندى؟؟[/QUO


التايلندى والاندونيسى نفس السعر اليابانى اغلى بفرق حوالى 100 جنية وبنفس الوقت اختلاف نقشات من يابانى لاى حاجة تانية

[QUOTE=kimoo2002;3874913804]

المشاركة الأصلية كتبت بواسطة wardet

مبروك ياباشا فعلاًَ بريدجستون لا يعلي عليه
بس ايه الفرق بين اليابانى والاندونيسي والتايلندى؟؟[/QUO


التايلندى والاندونيسى نفس السعر اليابانى اغلى بفرق حوالى 100 جنية وبنفس الوقت اختلاف نقشات من يابانى لاى حاجة تانية

انا قصدى ايه الفرق فى الجودة