السلام عليكم ورحمة الله وبركاتة
انا نفسى اعرف تجميع العربيه وحش ليه ؟
يعنى التجميع من 0 لحد 80 ممتاز وبيجى بسهوله مش صعب
يعنى لو حرقت على التالت هجيب الى 80 بسهوله
ولو حرقت على التانى هجيب 60 بسهوله
بس انا بمشى الاول 20
التانى 40
التالت 60
الرابع لحد 100
الخامس مفتوح
انا اعلى حاجه جيبتها بالعربيه 120 وكانت جايه بطلوع الروح
انا مش فاهم فى ايه ؟
من 80 لحد 100 او 120 بيجو بطلوع الروح طبعآ العربيه عايزه ترصيص علشان بتدبدب معايا من اول 80 وبترجرج وكل حاجه حلوه بس هل ده ليه علاقه بالتجميع ؟
ايه العوامل اللى تخلي التجميع اسرع لانى بتخنق من التجميع البطئ وخصوصآ لما اكون على طريق متفوح واسود فى اسود وببقى عايز اخلص منه بسرعه
اوقات بكون راجع من شقتى وبأخدها دولى او صحراوى فالطريق ما ينفعش معاه سرعات متوسطه وببقى عايز اخلص عايز اعرف التجميع وحش ليه وازاى نحل المشكلة دى
انا مغير فلاتر وبوجيهات 3 شمعه وبحط بنزين 90 وظبط هواء العجل قبل ما اروح مشوار زى ده وفى الغالب بيبقى مظبوط