الموضوع: وما زال ال .... مستمر !!

لو اذوك عن عمد و لقيت مخالفات معملتهاش تبقى فضيحتهم اكبر و بجلاجل اكتر. . . طالما انت صوتك ممكن يوصل متخافش منهم. . . انا مش بسخنك و فكرت اقولك منتج الفيلم و شيل التفاصيل الخاصة بيك. . . بس حسيت ان ده هيقلل من قيمته و حذف التفاصيل هيقلل من الرسالة المطلوب توصيلها و الدليل ان صاحب الفيديو خاف على نفسه و منع عرض تفاصيله

المشاركة الأصلية كتبت بواسطة moustafa_ertu

السلام عليكم ورحمة الله وبركاته

تحيه طيبه وبعد ...

قابلت اليوم السيد اللواء/ حسن البرديسى
رئيس الادارة العامه لمرور الجيزة

واتكلمت معاه وحكيته الموضوع كله وقالى فى الاول للاسف فى ناس كتير بتشتكى بس منعرفش نعمل حاجه عشان مش بنعرف مصداقيه الموضوع فاجئته انا بقه وفرجته على الفيديو وقالى انت كمان مصور قالته حضرتك مفيش مصداقيه اكتر من كدخ ولا هتقولى التصوير مش دليل طالما مش معايا اذن نيابه ضحك وقالى خلاص وعد منى شخصيا كل اللى فى الفيديو هينالوا جزائهم قولتلوا افهم من كده انى هلبس مخالفات ؟؟ (( على اساس انى فى الفيديو )) وبصراحه الراجل مرح الى اقصى حد قالى لا ماتقلقش قولتله حضرتك انا بحترمك جدا وعمرى ما طلبت من حضرتك خدمه الا وبتكون على حق.
حضرتك الموضوع ده هيخلص امتى ؟؟ قالى على اول الشهر
قلتله انا باخد كلام حضرتك ثقه بس لو جه 1/5/2013 والموضوع محصلش فيه حاجه الفيديو ده هينشر اولا: على التنليفزيون المصرى القناة الثايه فى برنامج يسعد صباحك
والنسخه التايه على كل مواقع التواصل الاجتماعى قالى حقك وانا اكيد مش هسكت على الفوضى مهما كانت الاسباب.
ونصحنى انى معرضش الفيديو عشان محدش يشوفه والبس مخالفات او حد يعمل اى حاجه وبصراحه والدى برده قالى نفس الكلام فهل اعرضه ؟؟ ولا امنتج الفيديو واشفر وشى انا واخويا والعربية ولا ايه ؟؟

وشكرا

الراجل كبرلك ووعدك .... اكبرله واصبر عليه عشان ينفذ وعده ... لو موفاش بوعده يبقي مفيش عليك لوم في اي تصرف تعمله.

خالص تحياتي لايجابيتك.