ايه المطب الغبي ده

**pointer** · 16-08-2008 03:31 AM

المشاركة الأصلية كتبت بواسطة m_a_aboelsoud

يعني ينفع انت تقولي :
(انت فين بقى؟)

و لما اقولك :
(عند سونستا و انت ؟)
تقولي
(كفايه كدا بقى )
على العموم براحتك

لا ماينفعش طبعا انا جاوبتك ان انا بشوف سونستا والمطب يعني في الحته دي كمان بس اعفيني من اني اقول لك عماره كذا والدور كذا و التليفون كذا ممكن سياتك تكلمني علي الرسائل الخاصه ونتقابل وتحت امرك بس ما اقدرش اقابل المنتدي كله صحيح كلهم حبيبي ونفسي اقابلهم بس برضوا اسمح لي بشيئ من الخصوصيه
صح
وممكن نتقابل كلنا باذن الله تعالي في المقابله الجايه ياريت اكون عرفت اوصل لك وجهه نظري بس والخاص تحت امرك ويشرفني اني اتعرف عليك

**mrghost** · 16-08-2008 07:24 PM

ياجماعه وانت رايح طريق السويس من شارع الثوره بعد دار الاشاره خليك فى الشمال وماتمشيش فى اليمين لان الطريق مليان حفر مميته
ولو انت جاى على الدائرى من ناحيه المعادى وانت رايح على مدينة السلام بعد ماتعدى من فوق طريق السويس هدى قوى علشان الطريق بيضسق مره واحده وممكن تنزل فى الفاصل اللى بين الطريق (نزلت فى الرمال مرتين وتالت مره جيت افاديه كنت هاقلب عربيتى وعربيه نصف نقل ماشيه جانبى )

**AboELsoud** · 17-08-2008 02:00 PM

ماشي يا باشا معلش انا فهمت غلط
و لو عايز اي حاجه اؤمر بس

**samehafez** · 17-08-2008 03:28 PM

طب و بذكر مدينة نصر ........ البلاعات اللي في الشارع اللي ورا جنينة ... تلاقي غطي البلاعة متجه لاعلى جاهز لشق شاسية اي عربية مش عالية ويا سلام لو دخلت فيه بكاوتش العربية .............
انا بفكر اعمل مشروع ... جامد .. هاخود الجي بي اس و افكس عند كل المطبات و الحفر و البلاعات و انزل الاحداثيات دي عشان الناس تبقي عارفه اماكنهم ...
و مين عارف مش ممكن تضرب معايا و ابيع و اكسب وبعد كده اعمل او خريطه لمطبات و حفر مصر وابقي اغني من بيل جيتس .... ( و ادي فايدة كبيرة للمطبات )

**MohabSaeed** · 17-08-2008 04:15 PM

فى فوهه كبيره على كوبرى قصر النيل " اتجاه الاوبرا و الدقى " بعد اسد قصر النيل بحوالى 30 متر فى النص بالظبط ..... لازم تاخد شمالك على الاخر خالص علاشان تفاديها ..... انا حاسس ان الكوبرى ده فى خطر و حيقع قريب ... لان مافيش ادنى صيانه ليه .. و الغريب انهم سامحين للاوتوبيسات انهم يمشو عليه !!! .

كوبرى 6 اكتوبر " بالكامل " لا يصلح لسير السيارات ... خصوصا الحزئيه الى بتمتد من التحرير الى غمره " اتجاه مدينه نصر " الفواصل بجد مدمره لعفشه اى عربيه .. وديه ملهاش حل انك تمشى شمال ولا يمين ... لان الكوبرى كله متدمر .. كأنه اتعرض ل قصف جوى . صلاح سالم احتمال يكون بديل احسن للكوبرى المتدمر ده .

**pointer** · 22-08-2008 02:02 AM

فيه مكان خدت بالي منه وهو خطر يجب الحظر منه وانا حطيت صوره للمكان وهو في اخر الشارع بتاع مسجد السلام والشارع اللي بيودي علي محور القطاميه
لما تكون داخل الشارع بتبقي منتبه للشارع اللي انت داخله لا تدخل في الرصيف تالقي عربيه اخري نفس الكلام ومتجهين في نفس الاتجه لو داخل بسرعه هاتلبس ومش هاتلحق تفرمل والعربيه هاتتزحلق ناحيه العربيه الاخري اكتر