ايه المطب الغبي ده

**pointer** · 08-08-2008 03:34 PM

ايه المطب الغبي ده
الفكره انك تبين موقع المطبات و الحفر و العوائق المميته اللي معموله عموله لحساب المستشفيات
يعني لو العربيه سريعه الله يرحمه مش معموله علي شان تبطئ السيارات
المطب الاول عند جامعه الازهر مدينه نصر شارع يوسف عباس عالي جدا لدرجه ان اي عربيه فيها اتنين بتحك فيه
الهدف تنبيه الاخوه الاعضاء من المطب بدلا من ان يلبسوه وكفانا الله شر الحوادث
وده تحذير كمان من ذكاء الناس اللي بتخدم
يعني بلاعه مفتوحه واحد ذكي يحط امامها حجر بتاع الرصيف علي شان العربيات ما تقعش في الحفره ذكاء صح , ودي موجوده من شهر عند سوق السيارات في اتجه عباس العقاد احذر مش من البلاعه بس من فتات الطوب اللي متكسر من عربيات الناس اللي ربنا نجاهم من البلاعه ولبسوا في الحجر اقول ايه بس

**pointer** · 08-08-2008 03:52 PM

افتكرت كمان المطب اللي عند الجامع اللي في اول زهراء مدينه نصر في اتجاه التجمع الخامس عالي اوي ويحمل بصمات الاف السيارات هو والمنطقه اللي بعده

**Ahmad Allawy** · 08-08-2008 06:32 PM

استني بقي..
انا من اكتر الناس اللي اتأذت بالمطبات.. و الحفر و البلاعات.. :) :) :)
الطريق اللي متجه من مدينة نصر.. للمقطم.. و طريق القطامية .. و العين السخنة..
اللي هو الشارع اللي فيه مستشفي مبارك بتاعت الشرطة..
من اول المكان اللي فيه محطة التعاون بتاعت الشرطة دي.. و انت طالع ناحية المقطم..
امشي علي اليمين خالص.. و اوعي تمشي ف النص ولا حتي الشمال..
خاف علي نفسك انت شخصيا.. مش هاقولك عربيتك..
تقريبا في حوالي 25 بلاعة.. ف النص و علي الشمال..
يعني لو حاولت تتفادي اللي ف النص هتقع ف اللي ع الشمال و العكس..
و البلاعات دي كلها مميتة..
الاطار الحديد نفسه بتاع البلاعة.. بارز جدا عن مستوي الاسفلت..
دو حوالين اطار البلاعة الحديد ده.. في حفرة.. مستواها منخفض جدا عن مستوي الاسفلت خواليها..
وفغي كمان بلاعات غاطسة ف الارض عمق لا يقل عن 20 سم.. و قطرها كبير جدا
و المصيبة بقي ان الطريق ده بيمشي فيه عربيات نقل كتير شايلة طوب و زلط و تكسير و زباله.. و بتلبس البتوع دول..
و النتيجة ايه..؟؟ النص و الشمال عبارة عن تراب و طوب مكسر.. و زلط.. و زبالة.. و في وسطها مش هتشوف كمية البلاعات دي..

المهم بعد البلاعات دي ما بتخلص الحمد لله..
و الواحد بياخد راحته شوية ف الجري بقي و بيطلع ع الشمال او النص..
في فخ تاني بعديها بشوية كده.. منطقة هابطة او خفرة الله اعلم بقي ف النص بالظبط..
و عريضة جدا.. يعني ممكن ببساطة تاخدها بالعجلتين.. و بمعني اصح ال4 عجلات..

هنقول ايه..؟؟ حسبنا الله و نعم الوكيل.. و ربنا يسترها معانا جميعا..

**mohamed2002** · 08-08-2008 06:39 PM

امبارح خدت حفرة مش مطب :) بس جامدة اوي حسيت ان في فانوس او حاجة وقعت هبدت مع اني كنت راكب الادا !
المكان : بين الدخيلة والمكس (قبل امارات مصر وانت جاي من العجمي ورايح المنشية )

**AboELsoud** · 08-08-2008 08:35 PM

فكره جميله جدا
في مطب غبي قوي في الشارع بتاعنا اول ما تخش الطيران من صلاح سالم الشارع اللي فيه المترو يمين (شارع خضر التوني)في مطب كبير لدرجه ان ممكن تقف عليه عربيتين لو خدته براحه جميل لو خدته سريع مش بعيد تلاقي عربيتك طايره من كبره
بس كده

**HeMa_LanCeR** · 08-08-2008 08:52 PM

يا جدعان لو عايزين فعلا تحذرو البشر من المطبات
في حل اسهل انك تقول انهي منطقه سليمه من غير مطب لأن المطبات كتيره جدا والحفر أكتر لكن المناطق الكويسه قليله فا ممكن الواحد يقدر يحصرها لكن المطبات لأ طبعا عددها لا يحصي

**dynamic_alpha** · 08-08-2008 09:11 PM

الطريق اللي ورا الاكاديمية البحرية ... و انت طالع من شيراتون و مكمل على الاوتوستراد
طريق عبارة عن مطلع و منزل ... فيه حوالي 9 مطبات و حفر في النص و على اليمين
امشي على طول على الشمال لأن في الاخر فيه حفرة فعلا ممكن تدمرلك العفشة من كتر ما هي غير مستوية

**SHNORY** · 08-08-2008 09:30 PM

فيه مطب معمول بحرفه جميله وخدعه شيطانيه معقده
وانت نازل من الطريق الدولي في اسكندريه علي وسط البلد
فيه عواميد نور كتير علي الصفين كل عامود رامي شعاع ابيض جميل قدامه
فيه بقي مطب مش جميييييييييييييل خالص لونه ابيض بنفس درجه النور بتاع العواميد برضه يعني من الاخر مش حتشوفه غير بعد ما تقع فيه اخدته علي سرعتي وانا معايا 4 غيري في العربيه والحمد لله ربنا ستر

**pointer** · 09-08-2008 12:40 AM

المشاركة الأصلية كتبت بواسطة m_a_aboelsoud

فكره جميله جدا
في مطب غبي قوي في الشارع بتاعنا اول ما تخش الطيران من صلاح سالم الشارع اللي فيه المترو يمين (شارع خضر التوني)في مطب كبير لدرجه ان ممكن تقف عليه عربيتين لو خدته براحه جميل لو خدته سريع مش بعيد تلاقي عربيتك طايره من كبره
بس كده

انت فين بقي انا ساكن ادام المطب ده وعلي فكره ده احسن مطب ممكن يتاخد علي 60 لو العربيه عندك كويسه بس ما بيحكش و مبيطيرش شكمنات وخلافه

الموضوع: ايه المطب الغبي ده

LinkBack

أدوات الموضوع

عرض

ايه المطب الغبي ده - انشر الموضوع فى :

-

-

-

-

المواضيع المتشابهه

السائق الغبي موجود في كل مكان في العالم ...!!!

القرية الذكية في المكان الغبي

من شر حاسد إذا حسد، ولا أنا الغبي!!!

أعمل ايه في بتاع الكاوتش الغبي

صوت تزيق مع المطب لو اخذت المطب براحة

الكلمات الدلالية لهذا الموضوع

المفضلات

المفضلات

ضوابط المشاركة