مشكلة فى حساس بوبات المنفول vgis

بسم الله الرحمن الرحيم
السلام عليكم ورحمة الله وبركاته

ازيكم ياشاب عاملين اية كل سنة وانتم طيبين بناسبة الذكرى السادسة للمنتدى
كان عندى حساس بوابات المنفول مش شغال

http://nileup.com/up/uploads/nilemotors_13650645602.jpg

وطبعا بوابات المنفول مش بتفتح
هنا عملت حاجة وصصلت خرطوم الفاكيوم اللى المفروض يكون راكب فى الحساس
وصلتة فى الكباية السوداء اللى مشعارف اسمها اية

http://nileup.com/up/uploads/nilemotors_13650645601.jpg

وكدة اصبحت البوابات مفتوحة على طول حتى والعربية مبطلة ولما اجى اشيل خرطوم
الفاكيوم منها اللعربية مبطلة بتقفل ولما العربية تدور ترجع تفتح تانى
هل هنا فى مشكلة ولا اكبر دماغى

ولكم جزيل الشكر

متابع

كده العربيه حتاكل بنزين جامد

كدة الVGIS مش شغال

الطبيعى بتاعة انة بيبقى مقفول و عند 4000 RPM بيفتح

MMamdouh

اقتباس:

---

المشاركة الأصلية كتبت بواسطة khalid_adel

كده العربيه حتاكل بنزين جامد

---

انا عندى الرشاشات تعبانة وحساس شكمان مفصول
ويعتبر العربية هية اللى راكبانى فى استهلاك بنزمها

اقتباس:

---

المشاركة الأصلية كتبت بواسطة mmamdouh

كدة الvgis مش شغال

الطبيعى بتاعة انة بيبقى مقفول و عند 4000 rpm بيفتح

mmamdouh

---

بس الاول يابشمهندس مجرد العربية كانت بدور البوابات تفتح فورا
ولما كنت ازود للمكنة لغاية ماتفصل كانت برضو تفضل فاتحة
هل دة عيب حساس ولا كنترول

لو عندك افوميتر--- شوف الفيشه بتاعه صمام الهوا-الى حضرتك مصورة فيها 12 فولت ولا زيرو فولت
لو لقيت 12 فولت --زود بنزين جامد من البوابه لو بقت زيرو فولت- واول ما تقلل الببنزين ترجع 12 فولت--يبقه كدة الكنترول والضفيرة تمام- واشترى الصمام دة استيراد وغيرة-
-لو فضلت 12 فولت موجودين يبقه فيه مشكله فى الكنترول
عموما الوضع الطبيعى لبوابهvgis انها تكون مغلقه ---ممر هواء طويل على عدد لفات اقل من 4000 لفه-للمحافظه على عزم السيارة
وعند عدد لفات الماتور اعلى من 4000 لفه- بوابه مفتوحه--ممر هوائى قصير لرفع الهورس بور للمحرك
وممكن تفصلها اصلا --تشيل خرطوم الفاكيوم من بلفvgis---بس صوت الماتور هيعلى شويه فقط-وما فيش تاثير لزيادة الاستهلاك

يعنى كدة هحط الافوميتر فى الفيشة اللى داخلة على الحساس ده صح ؟
وانشاء الله هدور علية عند اى حد من اصحابى وجرب