+11111111
عرض للطباعة
ما يمكن حضرتك لما غيرت زيت الفتيس , غيرته بنوع اللزوجه بتاعته خفيفه يعنى فيه ناس بتقول حط لزوجه 140 و يكون من esso أو وطنيه
فا ممكن تكون حضرتك حطيت لزوجه أقل من 140 فعشان كده الموضوع تدهور
و بعدين ما الناس بتروح التوكيل عشان المشكله ديه , يا اما بيقولولهم هى العربيه كده و مفيش فايده أو بيعالجوا الموضوع بمسكنات و الموضوع بيرجع تانى , يبقى ايه لزمتها الوكيل ما دام مفيش امل فيه , و يظهر ان كل هدفه انه يخرجنا من الضمان عشان اللى فل ضمان واقف عليه بخساره
أشكرك أشكرك أشكرك مليون أشكرك
و لكن
قبل البى واى دى انا كان معايا فيات سيينا 1400 سىى سى تقفيل مصرى
مش عايز اقولك عل فتيس
ملبن , ملبن ملبن
كان سهل خاااااااااااااااااااااااا اااااااااااالص
انا كنت بسابق نفسى انى انقل من غيار للتانى فى جزء من الثانيه
و مغيرتش زيت الفتيس إلا لما جابت طقم دبرياج كله و ده بعد 136 الف كيلو
صلى على رسول الله
جابت دبرياج بعد 136 الف كيلو , و البى واى دى حتجيب دبرياج بعد اد ايه ؟؟؟؟
أكيد مش حتعض كل ده , لو قعدت كل ده دى تبقى معجزه
مساء الخير يا استاذ احمد
عايز اقول لحضرتك انت بتحكى قصة عربيتى ( انت بتسوقها من ورايا )
انا كنت محبط جدا من العربية بسبب الفتيس و لما رحت التوكيل اشتكى حسسونى انى الوحيد اللى بشتكى من الموضوع دة مع انى سألت كذا صاحب عربية و كلهم معادا واحد ان فى تقل فى الغيار الاول و التانى - ومش عايز اقولك مسكن التوكيل اشتغل - ورجعت ريما لعادتها القديمة
بس عايز اقولك سمعت ان النقل هيبقى اسهل شوية لحد 5000 كم
انا دلوقتى 3400 تقريبا و فعلا النقل اتحسن شوية فعلا
انا فكرت فعلا قلت اغير زيت الفتيس بس قلت بعد 5000 كم علشان يكون نزل كل رايش التليين و يكون الزيت الجديد على نظافة
بس استاذ حسام شتتنا بتغير الى 140 و التوكيل بغير ب 90
بالنسبة لزيت الماتور اناشء اللة هغيرة برة التوكيل ب زيت فالفولين 5000 كم بسعر 130 جنية
و دة رأى استاذ حسام بردة - هو شكر فى الزيت دة
دلوقتى ناس بتقول على الاضافات اللى بتتحط على الزيت بتعلى كفائتة و بتهدى صوت الماتور
فأرجو اى حد جرب اى اضافة يقول
و هسأل استاذ هانى علشان هو حط اضافات من فترة و عايزين نعرف وصلت معاة لفين
ربنا يصبرك و يصبرنا
شوف يا باشا , الفيات فيها عالى و واطى , يعنى ماينفعش نقارن السيينا مثلا بالجراند بونتو و لا بال فيات 500
السيينا ديه كانت تقفيل مصرى و كان فيها العبر , على الأقل البى واى دى بتمشى , يعنى الفتيس خشن بس بتمشى ,, انما السيينا ديه مكانتش بتمشى هههههههههههه
قصدى يعنى ان السيينا كانت أعطالها كتير و ده بسبب نظام التبريد فيها و مشكلة السخونيه و الحراره و مشكلة سير الكاتينه ... الخ و مع ذلك أشهد لها ان فتيسها كان ناعم جدا و كنت فعلا بنقل الغيارات فى جزء من الثانيه و ده كان مهم جدا فل تسارع لأن مفيش طاقه مهدره , و ده كان بيعوض ضعف موتورها ال 1400 سى سى
شوف النهارده الخميس أهو , شوف انا عملت ايه ؟؟؟
طقت فى دماغى و نزلت شارع دمشق و بسأل عن الإضافات و الزيوت
و أخيرا فعلا اشتريت المنتج الامريكى اللى هو APRO الذى يضاف على الفتيس , جبته ب 18 جنيه من محل اسمه "المدينه" على نفس صف السجان و قدام بنزينة التعاون , بس مش عارف أحطه بكره الجمعه و لا استنى شويه لحد صيانة ال5000 و لا على ال 3000 كم كده ازود و لا ايه , مش عااااارف.
و رحت كمان جبت برافين أويل لحماية التابلوه و لمعانه و ده عرفته من الرابط ده
http://www.nilemotors.net/Nile/345578-a.html
يلا اهو كله بثوابه ههههههههههه
على فكره ,, م/ حسام كان دايخ على ال APRO ده و مكنش عارف يجيبو منين ,, أدينى سبقتك و جبته و عرفتك مكانه كمان
الراجل اللى بيبيعه عنده منه كراتين , يعنى متقلقش خالص
و كمان سألت الراجل عن أفضل الزيوت ,, ففعلا اكدلى انه فالفولين ,, مع انه مابيبعوش و مش عنده و عنده ماركات تانيه لكن للأمانه هو قالى ان فالفولين ده أحسن زيت
و لكم التحيه
لسه برده مستنى د/ المناهرى يخش يدينا رأيه ,, لأنه مجرب و دارس
يا عم خد مني ومتسمعش عني (ولو أني شايف أن السمع كفاية ههههههه) .. أنا صندوق أسرار وأبحاث د. المناهري .. وزي ما قولت ليك .. أعتبر الموضوع منتهي .
تجربة زيت ليكوي مولي مع السيارة غير جيدة ولا تقارن مع فالفولين او كاسترول او شيل
كلام في الجول
اللهم صلى على النبى...
هاقولها بالبلدى
ياحسام ياجن ...يامقطع كتاللوجات الدنيا....مدمن كتالوجات ياخوانا..