الموضوع: ايهما افضل لزيت الفتيس ليكوى و لا فالفولين

المشاركة الأصلية كتبت بواسطة bassem.naguib

.. بل ويجب أن يتعدى النقاش بينا للنقاش مع التوكيل لحل هذه المشكلة جذرياً ومخاطبة الشركة الأم لإرسال فنيين لمشاهدة المشكلة على الطبيعة .

جميل أوى الكلام ده يا أستاذ باسم ,, و الله نورت المحكمه

حضرتك منسق الصينى كله و هناك بينك و بين ممثلين التوكيل هنا فل منتدى "قنوات إتصال دائم"

و أعتقد هما بيخشوا و يقروا كلامنا و زى ما هما شايفين "مشكله عامه" , ماشوفتش عضو إلا و عنده المشكله ديه . سواء عربيه لسه زيرو أو ماشيه كتير ,, سواء فل ضمان أو خرجت بره الضمان ,,

و محدش كلف نفسه يكتب و يرد علينا "أنا حقا أعترض"

و كمان " أنا حقا أعترض"

أنا بشكر لممثلين الوكيل صمتهم ,, لأنهم بيأكدولى كل يوم أنى على حق

و هل تفتكر الناس ماراحتش تشتكى فى الصيانات الدوريه عن العيب ده ؟ ! و عملولهم ايه ؟ !

هاتلى واااااااااااااااااحد بس ,, أنا عايز واحد يوحد ربنا ,, يقولى انه حل المشكله فل وكيل

و لو طلع الواحد ده ,, أنا حشهد للوكيل بالكفاءه

و ده تحدى على فكره

عبد من عباد الله يتحدى توكيل بحاله ,, بكل مهندسيه و عماله و صنايعته و ميكانيكيته و علماءه و مديريه

هاه ,, عايز ايه تانى إستفذاذ أكتر من كده

يا ريتهم يستفذوا

و يا ريت يقولوا المشكله ديه سببها الحقيقى ايه ,, مش سر من الاسرار العسكريه يعنى

انا بزعق و بقول "ايه السبب"

و بتكلم هادىء و بقول "ايه الحل"

أقولك على كلمه فى سرك ,, عارف لو الضمان على عربيتى خلص و رحتلهم و قلتلهم حلوهالى ,, ممكن ,, انا بقول ممكن مش أكيد ,, يقولولى "تعالى يا حبيبنا يا روح الروح ,, حنحللك أبوها ,, مش برده خرجت بره الضمان و حتدفع ,, اه كده ماشى ما دام حتدفع " لأن الضمان بيبقى شوكه فى ظور الوكيل دائما

تحياتى لك