الدولار يسجل 9 جنية - وزعلانين من ارتفاع اسعار السيارات !!!!!!!!!!!!

**2CODE** · 04-04-2013 04:25 PM

ارتفع الدولار الأمريكى، لمستوى غير مسبوق، ليصل فى تعاملات السوق السوداء، اليوم الخميس، إلى 9 جنيهات، مقابل 685 قرشًا فى التعاملات الرسمية للبنوك.

وقال مسئول مصرفى رفيع المستوى، فى تصريحات خاصة لـ"اليوم السابع"، إن محاصرة السوق السوداء هدف للبنك المركزى، خلال الفترة الحالية، مؤكدًا أن ظهور تلك السوق يرجع إلى تراجع المعروض الدولارى فى الأسواق المحلية والبنوك المكونة لنسيج الجهاز المصرفى المصرى، وهو ما ساهم فى ارتفاع العملة الأمريكية بالسوق الموازية – السوق السوداء - بأكثر من 30% عن السعر الرسمى المعلن بالبنوك.

باقي الخبر
http://www.youm7.com//News.asp?NewsID=1005798

وزعلانين ان اسعار السيارات ارتفعت ؟ انت شايف الدولار عندك بكام ؟ والوكلاء بيعملوا ايه علشان يجيبوا الدولار ده يستوردوا بيه العربيات وقطع الغيار !!!!!
الوكيل بيشتري الدولار سوق سودا بـ9 جنية ولسه هيطلع لنفسه مكسب وهيدفع جمارك

طبيعي تلاقي العربية ارتفعت 5 الاف جنية بالميت

لاحول ولاقوه الا بالله

**aliabdo** · 04-04-2013 04:32 PM

العربيات زادت 15 الف و انت طالع و التوكيل مش بيشترى من السوق السودا ابدا التوكيل بيشترى من البنك عشان لو اشترى من السوق السودا حيتخرب بيته

**S O P H O S** · 04-04-2013 04:49 PM

9 جنيه !ّّ ّ ّّ !
مفيش كلام يتقال ..

**midnightman_74** · 04-04-2013 05:02 PM

لو ربنا يكرمنى واشوفة هعمل زى اللى الراجل عملة فى الفديو دة يمكن يفوق من الغيبوبة الى هو فيها

‫حصريا...مقطع ضرب بوش بالحذاء من صحفي عراقي‬&lrm; - YouTube

**محمد طايع** · 04-04-2013 05:30 PM

لا حول ولا قوة الا بالله
حاجه تحزن

**aboomar22** · 04-04-2013 05:43 PM

انا مش عارف جابو منين ال9 جنيه دى الدولار اليوم سوق سوداء 7.90 وامس كان وصل من 8 الى 8.10 والنهارده نزل شوية عن امبارح

**al_manara** · 04-04-2013 07:02 PM

اشاعات
واحنا بنغير في الشغل اقل من كدة . لسة ماوصلش للرقم دة

الوطن | الدولار يسجل 785 قرشا بالسوق السوداء للمرة الأولى

**Land_Cruiser** · 04-04-2013 07:04 PM

اخره ٨ جنيه علي فكره وما يزيدش عن كده بأي حال من الاحوال

**midnightman_74** · 04-04-2013 07:06 PM

المشاركة الأصلية كتبت بواسطة aboomar22

انا مش عارف جابو منين ال9 جنيه دى الدولار اليوم سوق سوداء 7.90 وامس كان وصل من 8 الى 8.10 والنهارده نزل شوية عن امبارح

طب ما هو 8 كتير جداً يوصل من 6 الى 8 فى ٦ شهور !!!!!!
يعنى الجنية يفقد 30 % من قيمته دى كارثة !!!!!

**مواطن مصرى** · 04-04-2013 07:07 PM

- الدولار فى السوق السوداء (شركات صرافه فى وسط البلد) النهارده 7.90 الى 8 ج ... جابوا تسعه جنيه منين ؟!

- كل شركات السيارات (المصانع و المستوردين) بتجيب دولارات من البنوك علشان استيراد السيارات و قطع الغيار بيكون عن طريق حاجه اسمها اعتماد استيراد من البنك و تحويل القيمة للشركه اللى هاتستورد منها .. مفيش مستورد بياخد شنطه فيها مليون دولار و يسافر بره يجيب عربيات و ييجى بيها ..

- ارتفاع اسعار العربيات فى مصر اقل ما يقال عنه انه استهبال .. الدولار كان بـ 6.50 ارتفع الى 7.10 (6.85 + 2.5% رسوم البنك + 0.10 على المبالغ الاكبر من 10 الاف دولار ) يعنى الزياده 60 قرش .. يعنى حوالى 10% بس .. لو هيزودوا السعر 10% يبقى معاهم حق (بالرغم من ان الزياده هاتكون على سعر العربيه الاصلى الوارده بيه فى الميناء قبل حساب الجمارك و الضرائب و رسم النولون لان كل ده بالجنيه المصرى و اسعاره لم تزيد) لكن الواقع بيقول ان اسعار العربيات زادت اكثر من 15% ده غير لعبه الاوفربرايس اللى بيعملها اصحاب التوكيلات و الموزعين مع المعارض

الموضوع: الدولار يسجل 9 جنية - وزعلانين من ارتفاع اسعار السيارات !!!!!!!!!!!!

LinkBack

أدوات الموضوع

عرض

-

-

-

-

-

المواضيع المتشابهه

هل اسعار العقارات زادت مع ارتفاع سعر الدولار

تاثير ارتفاع الدولار على اسعار السيارات - موضوع للنقاش؟؟

تاثير ارتفاع الدولار على اسعار السيارات - موضوع للنقاش؟؟

هل ارتفاع سعر الدولار هيأثر علي اسعار السيارات وقطع الغيار

ارتفاع جنوني في اسعار السيارات بسبب ارتفاع الدولار الجمركي

الكلمات الدلالية لهذا الموضوع

المفضلات

المفضلات

ضوابط المشاركة