هل الكوبلن ممكن يسبب هذا الصوت

لدى سيارة مازدا 323 ومن فترة ملاحظ صوت يشبة صوت الونة او الحكة فى جزء يدور ويظهر بوضوح عندما تكون السيارة سريعة
الميكانيكى بعد الكشف قال ان الكوبلن الداخلى ( الكوبلن الداخلى يقصد به الجزء الداخلى من الكوبلن الذى يكون متصل بالفتيس ) هو الذى يسبب هذا الصوت وليس بلى عجل ( علماً اى الاحظ طقطقة بسيطة احياناً عند الملفات على سرعة بطيئة )
كنت عاوز اعرف هل هذا التشخيص صحيح وهل الكوبلن يكون جزئيين داخلى وخارجى وهل يفضل ان اغير الجزئيين عشان صوت الطقطقة الموجود وممكن اعرف التكلفة هاتكون قد اية .

الكوبلن الداخلي مستقل تماما عن الخارجي, مش جزئين متصلين, يعني الكوبلن الداخلي بيبقى في اول الأكس من ناحية الفتيس و الخارجي بيبقى في اخر الأكس من ناحية العجل

الكوبلن الداخلي لما يبوظ يسبب طقة و العربية طالعه او مع المطبات غالبا
لكن الكوبلن الخارجي يسبب طقة مع الملفات

و الكوبلن الداخلي بيعيش كتير قوى عن الكوبلن الخارجي, و نادرا ما يتغير, ممكن مرة او اتنين في عمر العربية كلة, و غالبا بيكون أغلى في السعر كمان

لكن بتغير التالف فيهم و مافيش علاقة بين تغيير الداخلي و الخارجي

لكن لابد تغيير الزوج الخارجي سويا و الداخليين ايضا سويا
يعني ماتغيرش واحد بس, إلا لو بتغير واحد تالف بس و بكوبلن إستيراد
و دة لا يفضل

انا بصراحه مش مقتنع ان الونة او صوت الحكة دة من الكوبلن الداخلي شوف ميكانيكي تاني يكون مضمون و خلية يشوف بلي العجل او كرونة الفتيس

الونة لو من الكوبلن الداخلي تبقى من الصليبة مش من الكوبلن
يعني مش هتغير كوبلن هتغير صليبة كوبلن داخلي (ده لو الصوت أكيد من الكوبلن)

الونة عادة تكون صوت بلى او تروس، انت كدة محتاج تفك الفتيس وتفحص اجزاء التخفيض النهائى (كورونا، بلى كورونا، صليبة، كوبلن داخلى)

انا متشكر لكم جميعاً على الرد والمساعدة
وكنت ارجو ان اعرف لو هى صليبة كوبلن تمنها كام والمصنعية ايضاً
ولو مش الصليبة وهحتاج افك الفتيس ليكشف على الكرونة او البلى او الكوبلن الداخلى اية اللى ممكن يتغيير والحاجات ده تمنها فى حدود كام وممكن المصنعية تكون فى حدود كام .
عشان لما اروح لميكانيكى ابقى عارف حدود التكلفة وعلى دراية بالموضوع لانى لسه جديد فى التعامل مع الميكانيكية .

والف الف شكر