مجلة عربيتي تسرق المهندس خالد (سبعاوي)

**OlaOsman** · 09-08-2008 03:41 PM

المشاركة الأصلية كتبت بواسطة sab3aawy

لكن الأظرف من كدة احد الأعضاء على المنتدى دخل وعلق على موضوعى بتاع مقارنة بين اللانوس والفيرنا اللى انا كنت كاتبه على كونتاكت ونقلته هنا، بأنى كان لازم اكتب عليه منقول تحريا للأمانة لأنه قراه على موقع تانى(يعلم الله اذا كان كونتاكت وللا موقع آخر لأن الموضوع نقله ناس كتير جدا)

ساعتها فعلا كان هيجيلى شلل رعاش لما لقيت ان ليس الأمر فقط ان اناس بتسرق بدون اشارة الى المصدر، لأ دا فيه ناس تانية بتقرا المسروق الأول وبعدين تيجى تقول لصاحب الموضوع الأصلى "ابقى اكتب منقول علشان تبقى حلو"

حصلت معايا مرة.. مش فاكرة موضوع ايه كنت كاتباه من زمان و اتنشط.. دخل حد يقول لي الموضوع ده منقول نقل مسطرة من منتدى تاني قريته هناك و المفروض انه من الأمانة انك تذكري اسم المنقول منه.. طبعا ساعتها زيك كان هايجيلي شلل رعاش بس قلت له، اوكيه هاتلي لينك الموضوع اللي انت بتتكلم عنه و أتحداك لو طلع تاريخ قبل تاريخ موضوعي ده.. بس طبعا هو طلع كان قراه هنا من زمان وناسي

**fady.bekatcho** · 09-08-2008 05:13 PM

بتحصل كتير حكاية النقل دى

ويبقى فعلا الفيصل فيها تاريخ الموضوع

وياريت بجد حكاية المجلة دى لو اتعملت هتبقى تحفة

واكيد هتساعد فى تطور المنتدى

**aliabutaleb** · 09-08-2008 10:55 PM

ما علينا من كل ده يا جماعة
السؤال دلوقتي
هانسكت على السرقة دي؟

مش قديماً قالوا ما ضاع حق وراءه مطالب
ليه يا سبعاوي متبعتش لرئيس تحرير المجلة دي؟

**OlaOsman** · 09-08-2008 10:57 PM

المشاركة الأصلية كتبت بواسطة alijandroo

ما علينا من كل ده يا جماعة
السؤال دلوقتي
هانسكت على السرقة دي؟

مش قديماً قالوا ما ضاع حق وراءه مطالب
ليه يا سبعاوي متبعتش لرئيس تحرير المجلة دي؟

ماهو زي ما سبعاوي بيقول يا علي.. الموضوع ده منقول من منقول من منقول و السلسلة طويلة.. فهايبعت لمين و لا مين

**Chicco** · 09-08-2008 11:24 PM

المشاركة الأصلية كتبت بواسطة Nile_Storm

ايه ده دكتور شيكو بشخصه جاي قريب
ايه ده ايه ده تنووووووووووووور
ده احنا نيجي نخطفك من المطار :)

اما بالنسبه للموضوع
فدي هي ضريبه النجاح
و ياريت الاسراع في تصميم المجله
او علي الاقل الاستاذ سبعاوي يجمع مقالاته بس في كتاب او حتي يسجلها حفظا لحقوقه

الله يخليك يا دكترة ...مش محتاجة خطف يا باشا ...أنا حاسلم نفسي

حكاية حماية الملكية الفكرية ديه لسه بدري علينا فيها ....الله يكون في عون المبدعين .....على فكرة موضوعك بتاع سيارات الطبقة الكادحة بالاشتراك مع فريق الأحلام ممكن قوي يتسرق كمان

**aif** · 10-08-2008 12:47 PM

المشاركة الأصلية كتبت بواسطة Nile_Storm

ايه ده دكتور شيكو بشخصه جاي قريب
ايه ده ايه ده تنووووووووووووور
ده احنا نيجي نخطفك من المطار :)

عدم اللامؤاخده يا محمد ......اللي عاوز شيكو في الاجازة ..... يبيقى ييجي ياخدوه من عندي ..... بتصريح كتابي مسبق ... ولمدة لا تتجاوز 3 ساعات ويرجعه تاني ...
لسة كان في زميل نشر شعر فكاهي ساخر الاسبوع اللي فات ... كان وصل الي الميل بتاعه ..... وبرضه طلع من تأليف بيرم المنتدي .... سبعاوي ....

**ahmed1981** · 15-08-2008 08:15 AM

لا حول ولا قوة إلا بالله
ربنا يجعله في ميزان حسناته

**korashy** · 23-01-2009 04:44 PM

يا جماعة معاكم محمود قرشي , محرر في مجلة عربيتي و أنا قرأت المقالة فعلا , و سمعت أمبارح بس عن حكابة المقالة دي بجد من أحد المشرفين الكبار في منتدى عالم السيارات في موقع .... , و أنا لست المسئول و لكني أعتذر نيابة عن المجلة , و لو فيه أي حاجة تاني لازم تبلغوني على طول يا جماعة , عشان أكيد بأمر الله الحكاية دي مش ها تبسط إدارة المجلة .