عرض للطباعة
الموضوع التالي
مواصفات السيارة المصرية (ساخر )
هو من بنات أفكار زميلنا الفاضل سبعاوي
و قام محرر المجلة بنشره بدون أي تلميح لصاحبه الأصلي
و لا حتى بذكر النقل
المقالة منشورة في العدد 116 بتاريخ 6-8-2008 في الصفحة 19
مش مفروض يبقى لينا مجلة بقى ؟!! بدل مجهود الأعضاء الأفاضل و مقالاتهم الذهبية اللي بتتسرق مننا و منهم كل يوم لأن دي مش أول مرة
لازم سبعاوي يرفع عليهم قضية :thumbsup:
انا قريت المقاله دى فعلا فى عدد يوم الاربعاء
ياولاد تيييييييييييت سرقتوا حتى الافكار
فعلا فكرة المجلة دى كويسة بس محتاجة دراسة كويسة و تفرغ و حاتجييب دخل كويس من الاعلانات،انا عن نفسى تحت امركم فى المساهمة بالمجهود
فيه فعلا دراسة بتتم من فترة عن إصدار مجلة ، وسيتم الإعلان عنها بعد الانتهاء من تفاصيلها بإذن الله...
لكن المرة دى سبعاوى لازم يشتكى الصحفى وإن شاء الله يتحكم له بتعويض لا يقل عن أربعين جنيه :alien:
اقتباس:
المشاركة الأصلية كتبت بواسطة Dr Ahmed
أربعين جنيه مرة واحدة طب قول 25 ولا حتى 30 جنيه :wacky:
محنا هنطالب بأربعين علشان لو كان محامى الصحفى شاطر وخفّض المبلغ يبقى يوصله ل 25 أو 30 :photo:اقتباس:
المشاركة الأصلية كتبت بواسطة ahmed_su
فعلا يا دكترة مش أول مرة .....عايزين الأدارة تشد حلها شوية في موضوع المجلة ديه :rolleyes: .....الكلام عنها متهيألي داخل على سنه دلوقتياقتباس:
المشاركة الأصلية كتبت بواسطة Ahmed Samy
و ياريت جنب النجم الكبير سبعاوي باشا ...الأستاذة منال البسطويسي تشارك :p
ههههه انت بتقول فيها
قريب هاتشوف منال بتعمل تغطيات واسعة للمنتدى :)
أنا والله نفسي قوي في موضوع المجلة ده و خصوصا ان عندنا امكانيات كويسة و مواضيع قوية و شباب نشيط
بس تعرف يا دكتوري .........
انا بجد لازم أشوفك لما تنزل أجازة :grouphug:
الله يخليك يا أخي الحبيب .....قريب قوي إن شاء الله :flowers:
والعبد لله بصفة عملي في مجال الكتابة والتحرير والترجمة أضع تحت تصرف الإدارة كل خبراتي (باعتبار إني موسوعة).. وده طبعا من تواضع العلماء :biggrin24:اقتباس:
المشاركة الأصلية كتبت بواسطة Dr Ahmed
و انا كمان نفسي اشوفك يا دكتور لما تنزل اجازة ،،اقتباس:
المشاركة الأصلية كتبت بواسطة Ahmed Samy
شوف بقه هتفتح باب حجز المقابلة امتي ،،
بس يا رب الفيزيتا متكونشي عالية ،،،
الله يخليك يا باشمهندساقتباس:
المشاركة الأصلية كتبت بواسطة Ahmed Anwer
الفيزيتا أدفعت يا باشا ...مودة و احترام و ذوق و أخلاق عالية ...ربنا يكرمك يا أخي الفاضل :wub:
ايه ده دكتور شيكو بشخصه جاي قريب
ايه ده ايه ده تنووووووووووووور
ده احنا نيجي نخطفك من المطار :)
اما بالنسبه للموضوع
فدي هي ضريبه النجاح
و ياريت الاسراع في تصميم المجله
او علي الاقل الاستاذ سبعاوي يجمع مقالاته بس في كتاب او حتي يسجلها حفظا لحقوقه
ازاي الناس دي بتستحل حاجة زي دي بالسهولة دي؟ :confused:
المقال ده أنا قريته في مجلة السيارات بتاعة الأهرام من حوالي 5 أو 6 شهور _ _ _ هو ده فعلا بتاع سبعاوي?
ع فكره انا قريته فى اخبار السيارات اللى بتنزلها جريده الاهرام كل جمعه من كذا شهر
الموضوع ده اتسرق من زمان أوى من حوالى سنة، وكنا ساعتها عملنا موضوع عليه انا حطيت فيه رابط لأول مرة نشرت الموضع سنة 2003 على ما اذكر، وبالتالى قصة السرقة لا جدال فيها، بس هى الفكرة ان الصحفى اللى سرقه سرقه من منقول من منقول من منقول من منقول...الخ
لكن الأظرف من كدة احد الأعضاء على المنتدى دخل وعلق على موضوعى بتاع مقارنة بين اللانوس والفيرنا اللى انا كنت كاتبه على كونتاكت ونقلته هنا، بأنى كان لازم اكتب عليه منقول تحريا للأمانة لأنه قراه على موقع تانى(يعلم الله اذا كان كونتاكت وللا موقع آخر لأن الموضوع نقله ناس كتير جدا)
ساعتها فعلا كان هيجيلى شلل رعاش لما لقيت ان ليس الأمر فقط ان اناس بتسرق بدون اشارة الى المصدر، لأ دا فيه ناس تانية بتقرا المسروق الأول وبعدين تيجى تقول لصاحب الموضوع الأصلى "ابقى اكتب منقول علشان تبقى حلو"
يعنى باختصار هى مجموعة واحدة من المواضيع بتتنقل بين المجلات شوية هنا و شوية هناك بالدور + شوية تحابيش وصور وأخبار بايتة ولقاءات هايفة
ما المجلات سهلة قوى أهه يا إخواننا أمال بيقولوا عايزة شغل وتعب ليه؟
هتبقي عاوزه شغل و تعب لو كانت تحمل اسم نايل موتورزاقتباس:
المشاركة الأصلية كتبت بواسطة Dr Ahmed
بجد حلم و ربنا يقدرنا نحققه
حصلت معايا مرة.. مش فاكرة موضوع ايه كنت كاتباه من زمان و اتنشط.. دخل حد يقول لي الموضوع ده منقول نقل مسطرة من منتدى تاني قريته هناك و المفروض انه من الأمانة انك تذكري اسم المنقول منه.. طبعا ساعتها زيك كان هايجيلي شلل رعاش بس قلت له، اوكيه هاتلي لينك الموضوع اللي انت بتتكلم عنه و أتحداك لو طلع تاريخ قبل تاريخ موضوعي ده.. بس طبعا هو طلع كان قراه هنا من زمان وناسي :biggrin24:اقتباس:
المشاركة الأصلية كتبت بواسطة sab3aawy
بتحصل كتير حكاية النقل دى
ويبقى فعلا الفيصل فيها تاريخ الموضوع
وياريت بجد حكاية المجلة دى لو اتعملت هتبقى تحفة
واكيد هتساعد فى تطور المنتدى
ما علينا من كل ده يا جماعة
السؤال دلوقتي
هانسكت على السرقة دي؟
مش قديماً قالوا ما ضاع حق وراءه مطالب
ليه يا سبعاوي متبعتش لرئيس تحرير المجلة دي؟
ماهو زي ما سبعاوي بيقول يا علي.. الموضوع ده منقول من منقول من منقول و السلسلة طويلة.. فهايبعت لمين و لا مين :confused:اقتباس:
المشاركة الأصلية كتبت بواسطة alijandroo
الله يخليك يا دكترة ...مش محتاجة خطف يا باشا ...أنا حاسلم نفسي :biggrin24:اقتباس:
المشاركة الأصلية كتبت بواسطة Nile_Storm
حكاية حماية الملكية الفكرية ديه لسه بدري علينا فيها ....الله يكون في عون المبدعين .....على فكرة موضوعك بتاع سيارات الطبقة الكادحة بالاشتراك مع فريق الأحلام ممكن قوي يتسرق كمان :devil2:
عدم اللامؤاخده يا محمد ......اللي عاوز شيكو في الاجازة ..... يبيقى ييجي ياخدوه من عندي ..... بتصريح كتابي مسبق ... ولمدة لا تتجاوز 3 ساعات ويرجعه تاني ...اقتباس:
المشاركة الأصلية كتبت بواسطة Nile_Storm
لسة كان في زميل نشر شعر فكاهي ساخر الاسبوع اللي فات ... كان وصل الي الميل بتاعه ..... وبرضه طلع من تأليف بيرم المنتدي .... سبعاوي ....
ربنا يديم المعروف يا توأمي الجميل :)اقتباس:
المشاركة الأصلية كتبت بواسطة aif
لا حول ولا قوة إلا بالله
ربنا يجعله في ميزان حسناته
يا جماعة معاكم محمود قرشي , محرر في مجلة عربيتي و أنا قرأت المقالة فعلا , و سمعت أمبارح بس عن حكابة المقالة دي بجد من أحد المشرفين الكبار في منتدى عالم السيارات في موقع .... , و أنا لست المسئول و لكني أعتذر نيابة عن المجلة , و لو فيه أي حاجة تاني لازم تبلغوني على طول يا جماعة , عشان أكيد بأمر الله الحكاية دي مش ها تبسط إدارة المجلة .
بارك الله فيك يا أستاذ محمود
يا ريت بس لو تيعت على الخاص للمهندس خالد ( Sab3awy ) وتقوله الكلام ده عشان هو بقاله فترة دخوله قليل على المنتدى.
يا جماعة في خاصية في المنتديات بحيث أنه لا يصلح انك تاخد Copy أو نسخة من أي موضوع و بالنسبة للصور يوضع شعار المنتدي عليها و لو أني في مواضيع بحب أحفظها عندي لأغراض شخصية فقط أو لإعجابي بها و كذلك بالنسبة للصور لكن طالما بدأ البعض في سرقة مجهودنا فالحفاظ علي حقوقنا أهم و أبدي.
لا لا لا
الموضوع ده ميتسكتش عليه ابدا
بقي هي دي مصر بلد الغش والتدليس والسرقة والنصب
وهي دي اخلاق الصحفيين ؟؟
استغفر الله العظيم
كلام كويس جداًاقتباس:
المشاركة الأصلية كتبت بواسطة korashy
ولكن الأولى هو نشر المجلة لاعتذار وتوضيح في نفس المكان اللي اتنشرت فيه المقالة