ايه البتاع ده ؟

**aldesha989** · 04-04-2013 10:34 PM

السلام عليكم ورحمة الله وبركاتة

فى حاجه شاغله مخى بقالها كتير وبنسى اسئل حد عليها

عندى جنب ماتور المساحات بتاع صغير كده متعلق فى صدر العربيه وطالع منه اربع خمس خراطيم اتنين داخلين على العمه بتاعت الكربراتير والباقى مش عارف رايحين فين وكمان داخل فيه فيشتين كهرباء للاسف انا مش عارف هو بتاع ايه وما عرفتش اصوره للاسف لان كل التليفون بتاعتى اللى بكاميرا والحمد لله باظت :d
وماشى بتليفون صينى لحد ما ربنا يكرم ان شاء الله

فا لو حد يقدر يقولى ايه الجهاز ده ووظيفته ايه وازاى اتاكد انه شغال ولا لا يبقى جزاكم الله كل خير وجعله فى ميزان حسناتكم بأمر الله

**AlGazar2** · 04-04-2013 10:44 PM

لو الخراطيم دى رفيعه و العربيه انجكشن يبقى دى حاجة ليها علاقه بالفاكيوم بتاع العربية
ايه هيه بالظبط استنى اجابه الخبراء فى الموضوع ده

**aldesha989** · 04-04-2013 10:48 PM

المشاركة الأصلية كتبت بواسطة algazar2

لو الخراطيم دى رفيعه و العربيه انجكشن يبقى دى حاجة ليها علاقه بالفاكيوم بتاع العربية
ايه هيه بالظبط استنى اجابه الخبراء فى الموضوع ده

لا العربيه كربراتير بس الكهربائى قبل كده كان بيقولى الفاكيوم لازم يفتح علشان التكيف لما يشتغل الماكينه تعلى وما تبطلش وانا كان عندى مشكلة دى ولما بشغل التكيف العربيه بترعش وكل حاجه بتتهز

بس ياريت لو هو ده حد يأكدلى ويقولى بيشتغل ازاى او ازاى يتصلح لو هو بايظ

وهل هيحسن الدواره لو اشتغل ؟

**AlGazar2** · 04-04-2013 11:01 PM

هو الفاكيوم فى النوبيرا عندى بفتح بوابات هوا تانيه جوه المنافولد و التكييف نفسه شغال بالفاكيوم عشان اغير مخارج الهوا

لكن ملوش علاقه بتعليه العربيه او توطيه ليها لانه شفط هوا مش ضغط

**aldesha989** · 04-04-2013 11:05 PM

المشاركة الأصلية كتبت بواسطة AlGazar2

هو الفاكيوم فى النوبيرا عندى بفتح بوابات هوا تانيه جوه المنافولد و التكييف نفسه شغال بالفاكيوم عشان اغير مخارج الهوا

لكن ملوش علاقه بتعليه العربيه او توطيه ليها لانه شفط هوا مش ضغط

بصراحه ما فهمتش الوظفيه بتاعته ايه

يعنى هو علاقته بالتكيف بس ؟

طب لو علاقته بالتكيف بس المفروض يعمل ايه وازاى اتاكد انه شغال معلش تقلت عليك

**exact** · 05-04-2013 12:28 AM

ده اسمه Vacuum Switching Valve
ده وظيفته انه يعلي العربية شوية اول مالمكيف يشتغل عن طريق تحويل خطوط الفاكيوم... عاوز تعرف هو شغال وللا لآ جرب دور العربية وشيل الفيشة والتكييف شغال

**aldesha989** · 05-04-2013 12:46 AM

المشاركة الأصلية كتبت بواسطة exact

ده اسمه vacuum switching valve
ده وظيفته انه يعلي العربية شوية اول مالمكيف يشتغل عن طريق تحويل خطوط الفاكيوم... عاوز تعرف هو شغال وللا لآ جرب دور العربية وشيل الفيشة والتكييف شغال

تسلم ياريس هجرب واردلكم خبر ان شاء الله

**aldesha989** · 06-04-2013 11:01 PM

شيلت فيشته وانا مشغل التكيف ومافيش اى اختلاف كده يبقى مش شعال صح ؟

وخصوصآ ان العربيه كلها بتترج لما اشغل التكيف مع العلم كمان ان الفريون مش مشحون والسربانتينه برا يعنى الكباس مش شغال والعربيه كانت بترجرج سواء كده او كده يبقى فى ايه بقى