المشاركة الأصلية كتبت بواسطة wessamraafat
كلام معقول جدا لو بتبص من الناحية العملية فقط و هي مهمه جدا طبعا و انا عن نفسي بحب الأوبترا
بس الناس عموما بتعشق التجديد والتغييرو المظاهر وهى برضه مهمه بس هو اختلاف تطلعات وثقافات وزمن مش اكتر
يعني مثلا واحد بيحوش بقاله اكتر من خمس سنين لو راح جاب عربية بتنزل بنفس الشكل من قبل مايبتدى يفكر يحوش :f_eyeb1[1]: حيحس ان فلوسو راحت اونطة و احسنلو كان لخص من سنتين و جاب واحده كسر زيرو ...مسأله نفسية شويه
وياسالام لما يبقى موديل جديد و الناس رايحا جايه تسألو عليها و حلوا واللا ايه ....طب ممكن اجربها...اه دا فلان اللى معاه العربيه اياها وكده...شوية صيت و تميز
برضو ماننساش ان الجديد بينزل فيه امكانيات جديده و طفرات جديدة في التكنولوجي ولو ماكانتش بتعمل فرق على مده قصيرة فهي بتعمل فرق كبيير على المدة الطويلة...وإلا كان زاماننا راكبين حنطور لغاية دلوقت زو كان في زمانه عملي جدا
مع كامل احترامي للأوبترا و هى مازالت كويسة و عملية و انا عن نفسي بفكر زيك بس برضو بحاول أعمل توازن و اجاري اللي حواليا