عرض للطباعة
احبائى الكرام
انا مهندس شاب اعمل باحد المكاتب الاستشاريه وطبعا نظرا للظروف اللى البلد فيها ديه الشغل مش ماشى اليومين دول المهم المكتب جابلى شغلانه تبعو فى تنزانيا - دار السلام
انا مش عارف اعمل ايه معرفش اى حاجه عن البلد ونفسى حد يكون عارفها يحكلى عنها وينصحنى اعمل ايه
افيدونى بالله عليكم
تحياتى
توكل على الله
و اجعل نيتك انك ذاهب للعمل لكى تكفى نفسك و اهلك الحاجه
و اجعل خلقك و معاملاتك هى الدعوه للأسلام , يا عالم ممكن يكون لك حسنات اد ايه و انت لا تعرف عنها شيئا
و اخيرا , لا تخاف , كل اللى له نصيب فى حاجه هايشوفها
و بعدين لا تنسى انك مصرى تعايشت مع الثوره و ما تبعتها من بلطجه و قطع طريق و خلافه
هاتيجى ايه تنزانيا :)
توكل على الله
بلد أسمع إنها جميلة جداً وإن أهلها طيبين جداً ومسالمين
يفوز بلذات كل مغامرا
اعقلها وتوكل
تنزانيا بلد جميله و مبنسنعش عن مشاكل امنيه زى كينيا او نيجيريا بس برضه الاحتياط واجب
الجو جميل مش حر قوى و فيها مسلمين
ربنا معاك
دا انتم ممكن تسافر تلاقي تنزانيا دي متقدمة عن مصر :)
مشكلتنا اننا مفكرين ان الدول دي تعبانه , دا في ناس عملت فلوس من الدول دي تنزانيا وكينيا
خش على الفيس بوك واكتب تنزانيا بالعربى او الانجليزى هتلاقى جروبات كتير ممكن تسال الناس الى فيها عن نظام البلد
هية مشكلة البلاد الافريقية الامن والامراض المعدية كمان ممكن ماتلاقيش حد تقدر تتكلم معاه
لو مطمئن من ناحيتهم اتكل على الله اما لو مش مطمئن يبقى تشوف عقد فى بلد خليجي افضل
احبائى الكرام
متشكر اوى على رودودكم الكريمه التى تنم على صدق مشاعر اصدقاء المنتدى
انا عرفت ان الحياه هناك غاليه اوى بس معرفتش غير كده
لو حد وصل لحاجه ياريت يبلغنى
ولو فى اى مهندس يحب يطلع مشاريع فى افرقيا ( اوغندا - تنزانيا- كينيا ) ياريت يراسلنى بس يكون تخصص طرق وكبارى
تحياتى للجميع وجزاكم كل خير احبائى
ماتقلقش أعرف واحد إشتغل سنة تقريبآ فى الصومال تبع شركة حفر بترول و الحمد لله زى الفل :) و أعرف واحد تانى سافر كينيا و رجع كويس برضه :)
فى حاجات أساسية لازم تعرفها كويس و تكون متأكد منها
1- الإقامة ... لازم تكون عارف بالعنوان هتسكن فين و تدخل على النت تشوف اللى انت هتسكن فيه ده شكله إيه ... و هل الإقامة اللى هتوفرها الشركة شاملة الأكل و الشرب مثلآ و لا لأ ... يعنى دى أهم نقطة تكون عارفها كويس
2- الأمان ... حاول تعرف إيه هى الأماكن اللى ممكن تروحها عادى و إيه اللى مش ممكن تفكر تروحها أصلآ و دى ممكن تعرفها من الإنترنت
3- اللغة ... حاول تتعامل
4- الصحة العامة ... إذا كان فيه تطعيمات تاخدها قبل السفر
دورفى المواقع دى هتلاقى فيها معلومات مفيدة
Tanzania - Wikipedia, the free encyclopedia
Tanzania Travel Information and Travel Guide - Lonely Planet
توكل علي الله و روح . أفريقيا دلوقتي عين العالم كله عليها و فيها فرص للنمو و استثمارات و مشاريع و دي حاجات بنفتقدها في مصر اليومين دول . من المشاريع هتاخد خبره كويسه ان شاء الله بدل ما تنسي اللي درسته هنا من قله الشغل. اسأل بس عن التطعيمات بتاعتها في المصل و اللقاح و ما تقلقش شوف حضرتك لو اي أجنبي قرأ و صدق اللي بتكتب عن مصر علي سبيل المثال مكنش في أجنبي جه لان الإعلام بيبالغ في إظهار المشكلات و تضخيمها في حين ان المشاكل بتبقي في أجزاء معينه فقط و بتبقي معروفه و بقيه البلد عاديه
التطعيمات مهمه و تاخدها فى مكتب الصحه ... تقولهم تطعيمات افريقيا
الملاريا ملهاش تطعيم و بتاخد اقراص طول المده و دى تسال فيها دكتور و تحاول تخليك بعيد عن المناطق النائيه و تلبس قميص كم طويل
بالنسبه للامان تنزانيا من الدول اللى معليهاش اى تحذيرات و ارجع للخارجيه الامريكيه او الكنديه تنزانيا لونها اخضر بالنسبه لرعاياهم
آخى العزيزاقتباس:
المشاركة الأصلية كتبت بواسطة mohamedkordy
أنا سافرت تنزانيا حوالي ٤ مرات
رحت دار السلام و بلد تانيه اسمها مبيا هيه قريه تبعد عن دار السلام ٩٥٠ كم
تنزانيا بلد فقيره بس تقدر تعيش فيها
دار السلام هيه العاصمة - على قدها
ممكن تتحرك هناك براحتك بس متمشيش فى الشوارع بعد ٦ مساء يعنى مع دخول الليل ( ممكن تتسرق )
فى فندق هناك فى دار السلام ممتاز اسمه ساوزرن سن حاول تنزل فيه لو فى أيدك أخيار الفندق
ترجع بالسلامة إنشاء الله
ربنا يوفقك وحاتلاقى هناك اللى يعرفك تفاصيل البلد ماتقلقش
مشكور اخى الكريماقتباس:
المشاركة الأصلية كتبت بواسطة amr mokhtar
يا جماعه متشكر لحضراتكم اوى على اهتمامكم جزاكم الله كل خير بس موضوع انى بعد ٦ مساء ديه منزلش رخمه اوى امال حعقد فى البيت اعمل ايه
هتلاقي حاجات كتير تعملها ما تقلقش. مبدأيا عندك لإنترنت و ممكن تكلم عائلتك عن طريق برامج الشات زي viber مثلا و ممكن تجيب ريسيفر بيجيب النايل سات هيسليك و يحسسك انك قاعد في مصر و هتبقي محتاج وقت تظبط فيه حياتك اليوميه زي الأكل و الغسيل و المكواه و بعد لما تقعد شويه و تتعود علي المكان الحياه هتتظبط معاك و هتبقي عارف تخرج فين و امتي و زملاؤك في العمل كمان هيعرفوك اي معلومات محتاج تعرفها . حاجه بس مبدأيه كده حاول تدور علي مكان سكن يبقي قريب من المكتب علشان تسهل علي نفسك و ما تضيعش وقت في المواصلات بالذات لو مش بتنزل مواقعاقتباس:
المشاركة الأصلية كتبت بواسطة mohamedkordy
دور ع شغل هنا تاني ..او سافر الخليج ...هتقعد من الساعة 6 في البيت في بلد اصلا انت غريب فيها ومتعرفش حد!
سامحني مش هقدر أفيدك. داخل بس أقول إن تجربتك بتفكرني بـ د/علاء عبد العظيم :)
بقولك ايه جربت تخش تشوف تحذيرات السفر عن مصر ايه ..... انا قصدي انك عادي ممكن تتزل بعد ٦ بس في اماكن معينة منروحش حواري تنزانيا مثلا ... وانا رخت كينيا وكنت فاكر انها ابشع دولة ولكن لقيت التاس محترمين ومتحضرين والتعامل والجو كويس فتوكل علي الله وخش علي موقع الخارجية المصرية وشوف التطعيمات اللي هناك ايه ... ولو ليك في السفاري هتلاقيها احسن من كينيا بمراحل
بلاش ردود بيضوحباطية يا جدعان الله يكرمكم
ياجماعه انا دخلت بصيت على النت على دار السلام عاصمه تنزانيا لقيتها بصفه عامه بلد ظريفه والتاشيره ممكن تاخدها من هناك فى المطار اصلا بس هيا عيبها شويه امراض كدا لازم تطعملها قبل السفر بس مش عارف يا جماعه انا قلقان بردو ليه
مع انى كنت فى بلدان غريبه كدا زى البانيا وكسوفو وصربيا ومنتنجرو بس قلقان من قصه تنزانيا ديه
ربنا يعمل اللى فيه الخير ان شاء الله
احتياطات طبية قبل السفر اهمها الوقاية من الملاريا ونظافة الأكل وتوكل على الله
Health Information for Travelers to Tanzania, including Zanzibar - Travelers' Health - CDC
:S_thum1[1]::S_thum1[1]::S_thum1[1]::S_thum1[1]::S_thum1[1]::S_thum1[1]:اقتباس:
المشاركة الأصلية كتبت بواسطة zico707
حاول نكتب إحتياجاتك فى أجندة و تقوم بإضافة كل ما تتذكره لآخذه معك قبل السفر خاصة أدوية الصداع و إرتفاع الحرارة و الإسهال و الإمساكاقتباس:
المشاركة الأصلية كتبت بواسطة mohamedkordy
مهم جدا أن يكون معك راديو ذو موجات قصيرة متعددة و كمية من البطاريات تكفى إستعمالك حتى تكون ملم بما يحدث فى مصر - الموقع التالى يوضح لك تردد الموجات القصيرة لكل إذاعات العالم
http://www.eibispace.de/
أنا عايشت ظروف مشابهة فى 1982 و 1985 فى دول غرب أفريقيا و كان معى كميه من الكتب للقراءة
فى الليل و قتل الملل بالإضافة لسماع أخبار مصر من راديو سونى متعدد الموجات و كان هو و الكتب تسليتى الوحيدة بعد غروب الشمس
خاصة أنه فى ذلك الزمن أوائل الثماتينات لم يكن الإنترنت و الموبايل قد ظهرا للوجود و كان الإتصال التليفونى من الصعوبة و التكلفة الكبيرة
طبعا وجود اللاب توب معك سيفيدك كثيرا
و لا تنسى أن تكون على صلة بالسفارة المصرية هناك و أيضا فرع شركة النصر للتصدير و الإستيراد إن كانت مازالت موجودة - سيمر عليك وقت تشتاق فيه للتحدث باللغة العربية .
كذلك فرع شركة مصر للطيران فى الدول الأفريقية يصله كل أسبوع الصحف و المجلات المصرية و اللى يلحق يصحى بدرى يحصل على ما يريد - أتذكر أننى أحيانا كنت لا أجد سوى مجلة حواء و كنت أسعد بقراءتها لا لشئ و لكن من قلة الموجود .
عن تجربه شخصيه فى المجاهل الافريقيه
لازم التطعيم ضد الامراض وخاصة الملاريا والحما الصفرا (حفظك وحفظنا الله)
لو حضرتك رحت مكتب الصحه اللى فى ميدان المحكمه (جنب مينى الحى ) عندهم لسته كامله بتطعيمات كل دوله ومتوفره عندهم التطعيمات دى وافتكر انها باسعار رمزيه وعنهم خبره نظرا لوجود العديد من قوات حفظ السلام المصريه فى العديد من البلاد الافريقيه وبياخدو التطعيمات دى
بالتوفيق ان شاء الله
جزاكم الله خيرا
تحياتى لكل اللى شارك وربنا يعمل اللى فيه الخير ان شاء الله