هل الراوتر او الاكسس بوينت 300Mbps بيفرق فى سرعة النت عن 150Mbps او 54Mbps

الحكاية انى عندى راوتر وايرليس tp-link 54Mbps ومشترك غى النت على سرعه 2 ميجا
ولكن انا مش حاسس بالسرعة دى
وإسفساراتى هى :

........*هل السبب هو الراوتر ولو غيرته بواحد تانى زى 150Mbps هتكون سرعة النت اعلى ولو غيرته300Mbps هتكون السرعه اعلى من 54 و150

........*ولا الحكاية هى الفرق فى مدى الوايرليس وخلاص بين الانواع دى

........*وكمان هل سرعه النت بتفرق اذا ما كان الراوتر الوايرليس يكون N عن انه يكون G

........*وياريت حديقولى اية مميزات الراوتر Wireless N Range Extender

........*واية مميزات Wireless Dual Band Routers

ولكم جزيل الشكر مقدما

بص يا استاذ احمد
بوجه عام الوايرلس بيكون ابطئ شوية من الوايرد
جرب تركب كابل في الراوتر وتدخل علي النت - لو لسه حاسس بالبطء يبقي دة عيب من الراوتر نفسه
جرب اعمل داونلود وشوف سرعة التحميل كام ؟؟؟ وهل تتناسب مع اشتراكك ولا لاء

الفرق بين N و G دة فرق تكنولوجيا نقل الداتا بين الراوتر وبين الجهاز اللكمبيوتر وبالتالي بتأثر علي مسافة التغطية
هل الكمبيوتر بتاعك بيدعم N
هتلاقي في خصائص كارت الشبكة المكتوبة في الكتالوج معيار IEEE 802.11 وجمبها اما b/g/n او b/g
يعني معني كدة ان كارت الشبكة بيدعم الn او لا

هتلاقي الخصائص كاملة لو بحثت بموديل الكمبيوتر علي النت

وعموما بردو tp-link ماركة تعبانة واحتمال كبير يكون العيب منها

تحياتي

هتفرق معاك في سرعه الشبكه الداخليه فقط ولكن سرعه النت ملهاش دخل الا لو كانت السرعه عندك أعلى. من 54 ميجا وطبعا مفيش السرعه دي في مصر والراوتر والاكسس بتحتاجه سرعه كبيره ذي 300 n. مثلا في انك بتلعب العاب شبكه او بتشغل عن طريقه افلام hd مثلا علشان ميبقاش فيه لاق في اللعبه او تقطيع في الفيلم وبطء في الفريمات

كارت الشبكة فى اللاب عندى 802.11 وجمبهاb/g/n
والدونلود عندى بصراحة مش حلو
وبالذات الايام دى وحش جدا لدرجة ان الصفحة بتاخد وقت علشان تفتح
فمش عارف دة بسسب قطع كابل النت بتاع مصر ولا اية
لكن قبل كدة كان النت مش حلو بالنسبة لسرعتى وخصوصا انى رحت ازور واحد قريبى اشتراكة 1 ميجا وكانت السرعة عندة احسن من عندى بكتير مع العلم اننا الاتنين مشتركين فى شركة تى اية داتا

وكانت الفيديوهات على اليوتيوب بتشتغل عندى كويس قبل كدة وبقالها حوالى اسبوع بتقطع جامد يعنى الفيديو يشتغيل ثلاث ثوانى ويقطع خمس ثوانى

من الاخر انا حاسس انى سرعتى مش محصلة حتى 1 ميجا وحتى من قبل قطع الكابل البحرى

بدليل سرعة النت الى عند قريبى اعلى منى مع انة 1 ميجا مش 2 ميجا زى
وهو عندة الراوتر الى بتوزعه الشركة ونوعه تقريبا ماركة اسمها هواوى

1- 150 و 300 يفرقوا بس في سرعة الشيرينج لو بتكوبي فايلات من الشبكة
ممكن يفرقوا في سرعة النت بسيط اوي لانهم هيكونوا N مش G بس ممكن متاخدش بالك من فرق السرعة ده لان السرعة اللي بتديهالك الخدمة 2 ميجا بس فبالتالي بيغطيها ال 54و 150و 300

2-ال N هيفرق عن G في المدي بس مفيش فرق بين 150 , 300 غير السرعة

3- زي 1 مش هتفرق كتير علي ما اعتقد

4- ده مش راوتر .. ده من اسمه بيمد إشارة الوايرلس...وسعره بيكون زي الراوتر علي ما افتكر

5- dual band بيشتغل الاتنين 150 , 300

لو سرعة النت عند قريبك اكبر يبقي ممكن يكون عيب راوتر...جرب تدخل واير وشوف الفرق
لو حسيت بفرق يبقي اعتقد بس مش متاكد مشكلة راوتر ان الوايرلس بتاعه وحش

جرب تقيس سرعة النت من التليفون ببرنامج speedtest

Speedtest.net - The Global Broadband Speed Test

الاكسيس بوينت مالهاش دعوة بسرعة النت
لو النت عندك كويس هاتشتغل كويس و لو وحش هاتشتغل وحش لانها مجرد device بتحول الداتا من wired الى wirless و مالهاش دعوة ببطء او سرعة الخدمة
اتصل بالشركة اللى انتا واخد منها الخدمة و قولهم على المشكلة