بصراحه عربيه ملهاش اي ميزه نهائي مع الاحترام للي معاهم العربيه دي
نزلت جبتلها
فلتر زيت ب 20 جنيه
بوجيهات 3 شمعه بوش ب 55
راس الفتيس ب 65 جنيه عشان (ساحت)
كف مرايه شمال 35 جنيه
زيت مويل 5 لتر !!!!!!!!!!!!!!!!!!!!!!!!!!!!!!!!!!! ب 385 جنيه(اللي يسمع 5 ليتر دي يقول عربيه وحش ههههههههه)
روحت كله من شارع دمشق
وروحت بنزينه وطنيه ورا سيتي ستارز
غيرت كل الحاجات دي + عملت غسيل لدوره التبريد طلعت بلاوي لدرجه ان الراجل بيقولي انت بتحوطلها نيسكافيه ولا ايه ياباشا هههههههههه اتكلفت ب 140 جنيه اخدت 6 كانزات مايه خضره وزودنا عليهم مايه
التكلفه الاجمالي بالمصنعيات تقريبا 800 جنيه
بس والله بنزل منها واركب السيريون بحس اني راكب عربيه بجد (قصدي السريون طبعا محدش يفهم غلط ههههههههه)
لسه بقه مشوار العفشه الضايعه دي محدش يعرف لها حل ؟؟؟؟؟ كل حاجه بتخبط وكل شويه عاوز جلب مقصات سألت العفشجي بتاعي قالي غيرها بعفشه لانسر بومه 1600 مفيش حل تاني ؟؟
وشكرا للكل الناس اللي ساعدوني خصوصا هوجان باشا
المفضلات