مساعدة بخصوص ستوروين c3 من خبراء الستروين
يا جماعة انا كنت بدور على العربيه دى ستوروين c3 بلوريال كابورليه و لقيت منها موديل 2006 و حالته شبه كويسة و كنت واخد معايا واحد صحبى و احنا واقفين بنكلم صاحب العربية واحد قريب صحبى شفنا فوقف معانا و شاف العربية و راح وخدنى ع جنب و فضل يقولى العربية امكانيات جامدة و كفايا انها فرنسى بس المشكلة فى صعوبة التصليح و قطع غيارها و معظم الكلام الى الناس بتقوله على الستروين و موضوع سعر اعادة البيع ملوش لزمة لأنى مش ناوى ابيعها اقل من 3-4 سنين جايين ان شاء الله
المهم فى نص الكلام صاحب العربية قال الفتيس مقفول مش بيتغيرله زيت ولا اى حاجة
انا مش بفهم فى العربيات فبسألة قريب صحبى ده يعنى ايه مقفول قالى يعنى لو الزيت فيه جاب اخره بترمى الفتيس و تجيب غيره و فى النوع ده من العربيات هيدخله فى بتاع 7 الاف جنيه و صعب تلاقيه
انا مش فاهم حاجة خالص فى العربيات بس مقتنع بالعربية جدا و عجبانى و عايز حد يطمنى و يفهمنى
و ياريت لو حد يقدر يثمن العربية تقديرا كده مع العلم انها مخبوطة و كلها خرابيش شكلها مش ظريف و فوانيس خلفى متدمرة السقف المتحرك بتاعها فى عيوب كتير و تقريبا مبقاش متحرك و لو حد يعرف ميكانيكى او مهندس خبير فى الستروين او على الاقل بيفهم فيها شوية يا ريت عنوانة و رقم تيليفونه عشان عايز اكشف ع العربيه و اتمنها عنده ان شاء الله ....
تم تعديل الموضوع
اللون الاحمر للمداخلات الادارية فقط
مشرف 2ب
5/4/2013
23:41
