انا فعلا ناوى اروحلة الاسبوع اللى جاى
عرض للطباعة
العقل والزيت وتكلفه التركيب وياترى ؟
وفتيس وزيت وتكلفة التركيب ؟
ئل يقول أغير فتيس من غير ما يجرب مرة واثنين بيبقي بيستسهل وعلي الاقل بقول ممكن نغير عقل ب ًًًًً٠٠٠٠ وفتيس ب ٠٠٠٠٠
بصو يا جماعه احنا كده عمالين نتكلم وخلاص في كتالوج العربية بيقولك ان زيت الفتيس دوة مصمم انه life time وميتغيرش والشركة قالت انه عند صيانه 60 الف بيعملو عليه اختبار يعنى لو ناقص يزودوة.
انا شايف ان كل الاعضاء في هذا المنتدى بتتكلم عن ان لازم تغير زيت الفتيس كل 60 الف كيلو .
انا اعرف اكتر من واحد كان عنده الفتيس تمام وبعد ما عمل صيانه 110 الف الى هيه تغيير السيور والشدادات ومنهم زيت الفتيس والفلتر بتاعه ان المشكلة ظهرت معاهم مع انه كده المفروض انه بيبقى غير زيت الفتيس والفلتر بتاعه مرتين وميكونش عنده مشاكل.
انا مش عاوز اخوف باقى الاعضاء الى لسه مكملوش 110 الف كيلو.
بس انا حاسس ان احنا اخترعنا القصه دية " الى هيه قصة زيت الفتيس " ونسينا المشكلة الاساسية
ومحدش بيتكلم عن المشكلة الاساسية الى بتبوظ عقل الفتيس
وعلى فكرة كمان انا اعرف واحد صحبى مسافر وبيجى في شهر 10 من كل سنه ومغيرش لا زيت فتيس ولا حاجه ودلوقتى عربيته عاملة 100 الف وبسم الله ماشاء الله معندوش اى مشاكل
عاوزيين يا جماعه نتكلم عن المشكلة مش نتكلم اى كلام وخلاص
اذا اجتمع عشرة رجال علي انك ميت فالأفضل لك ان تستلقي علي الارض
يا جماعه انا والله عاوز اعرف اية السبب الى بيخلى عقل الفتيس يبوظ يعنى احنا ممكن نسبنا شوية من حكاية تغيير الزيت ونتكلم في صلب الموضوع
يعنى الاخوة الى حصلت معاهم المشكلة دية وغيرو عقل الفتيس كان ماله عقل الفتيس القديم ايه سبب عطله
هل هوة انسداد نتيجة الرايش ولا تأكل فيه
احنا عاوزين نحط ايدينا على المشكلة عالشان بصراحة انا حاسس ان كل واحد بيبوظ عندة عقل الفتيس بيبقى صيده لكل الميكانيكية ومبيبقاش عارف يعمل ايه وفى الغالب بيضحك علية
وفى الاخر بيروح التوكيل وبرده التوكيل بيشتغله وبيدفعة مبلغ كبير جدا
لو الموضوع كده موضوع زيت وبس تبقى العربيات ديه ماتشتريهاش مستعمل عالشان متضمنش
طيب والى اشتراها مستعمل وماكنش يعرف يكره حياته معاها
انا شوفت اكتر من فيديو على الانترنت لتغير الزيت والفلتر والكلام دوة
يعنى مثلا ننصح كل واحد اشترى العربية ديه وماكنشى يعرف موضوع الزيت دوة انه يغير الفلتر بس "انا طبعا قصدى الفلتر بتاع زيت الفتيس" ويمشى بالعربية شوية حوالى 2000 كيلو وبكده يكون حد شوية من موضوع الشوائب الى في زيت الفتيس وممكن يكرر العملية دية مرة كمان حسب حالة الشوائب وبعديها يتوكل على الله ويغير الزيت والفلتر بتاعه وهوة مطمن
انما انا شفت مشاركات كتير منها ان واحد اشترى A5 مستعملة وراح بيها التوكيل عالشان يعملها الصيانه اللازمة يقوم التوكيل يقول له متغيرش الزيت عالشان نسبة الشوائب فيه عالية بقى دوة اسمه كلام هوة يعنى عاوز يسيبة شوية لغاية لما العربية تجيب budy valves بقى دوة كلام يا جماعه
ياريت من الاخوة بتوع الاسكودا تيم تعمل مشاركة عن الموضوع دوة وكل واحد متخصص او فاهم كويس او واحد عنده تجربة يقلها لباقى الاعضاء عالشان الكل يستفيد وشكرا
الموضوع لأختصار انه عند عدم تغير الزيت تكثر به الشوائب التي تقوم بسد الفلف الداخلي في الفتيس مما يودي الي وجود نتشه خفيفه في الفتيس ومع زيادة السدد ومع سخونيه العربيه وسخونه الزيت تجد العربيه تبتدي تزرع في الغيارات وعلي الأخص الثالث والخامس والمرشيديل وعند تغير الزيت فقط في بدايه الموضوع وتغير الفلتر طبعا دورة الزيت داخل الفتيس بتنضف وكمان في ناس بتفك البدي فلف وتقوم بغسله للتأكد من زوال الشوائب
طيب حضرتك الى اشترى العربية ديه مستعمل وماكنش يعرف يعمل اية يغير الزيت وعقل الفتيس الشوائب تتراكم فيه ولا يستنى لغاية لما الموضوع دوة يحصل معاه
انا بتكلم عن الحل