متشكر جدا لحضرتك
انا فعلا لفيت لما ورمت وكل واحد اروحلة يخسرنى اكتر وكمان تدفع فلوس ولا نتيجة
فعلا الغالى رخيص يعنى انا لو كنت روحتلة من الاول مكانش حصل اى حاجة فى العربية بس الحمد للة الواحد ما بيتعلمش ببلاش
عرض للطباعة
صباح الفل على كل الزملاء الأعزاء
معايا سكودا 2006 a5 وعاملة 130 الف شاريها مستعمله وغيرتلها سير الكتينة والدينامو وفلتر الزيت وفلتر الهوا
ممكن تنصحونى ايه بالنسبة للفتيس و أى حاجه تانية المفروض اعملها كصيانة
متشكر جدا
هنا فى ناس مفكره نفسها ؟؟؟؟؟بتفهم وهي فعلا ؟؟؟
؟؟؟؟!!!!!!!!!!!!
طبعا مش محتاج شرح انت تقصد ايه من بين السطور نشكرك ياسيدى على اسلوبك ... المحترم
يعنى انت عرضت تجربتك والغريبه انها اول مشاركه لك وكنت متوقع ان يتسابق الاعضاء على طلب العنوان ورقم هاتفك ... اقصد رقم هاتف حبيبك المحترم الشيخ احمد
ومن سوء الطالع ان يكون معنا عضو محترم وهو الاخ الفاضل معتز له تجربه قريبه جدا مع المركز
ولم يستطع المركز تشخيص العطل وكان هيلبس الرجل فى فتيس
ولم يطلب من سيادتك رقم المركز ولكنك وضعت الرقم
ولكم يطلب منك احد العنوان وسيادتك وضعت العنوان
والمشاركات كلها فى اتجاه ومشاركاتك فى اتجاه تانى
احنا مش هنقول انك بتعمل اعلان هنعتبرها بتنقل لنا تجربتك على العموم متشكرين منك
بس انك تحاول ان تصف البعض بكلمات بين السطور ف عفوا يا اخى الفاضل لا يصح ماتفعل
الكل هنا محترمين والكل لايبخل بمعلومه على احد ومن ناحيه بنفهم او ما بنفهم فلو مش عاجبك رأى حد خلااااااااااااااص ما تردش عليه انت واضح من معرفك الشخصى انك مهندس فتحدث على قدر علمك ووظيفتك
لو الناس هنا مفكرة انها بتفهم ....اما حضرتك لما انا روحت للورشة بتاعة الشيخ احمد بتاعك من اول النهار وقام باعتنى على الكهربائى اللى جانبة وقاعد يعك فى ضفيرة العربية ويقطع فيها وبعدين يرجعنى لشيخ احمد بتاعك ويقلى عايزة فتيس ويجبلى واحد ويقولة هو الفتيس بيكام يقولى ب4000 وبعدين انا اقولة ياعم دة الفتيس عندنا ب3000 يسكت وبعد شوية يقولى انا ممكن اجبهولك ب3000 وسيبتة ومشيت وروحت صلحت الفتيس عند احمد زاهر فى ربع ساعة يبقى انت والشيخ احمد بتاعك بيفهمو صح ؟ مع العلم انى متاكد ان انت الشيخ احمد كنت عايز تلبسنى فى فتيس والفتيس بتاعى زى الفل زيرو من جو ..حرام عليك اتقى ربنا ..او لو انت مالكش فى الصنعا ما تشتغلهاش وسيبها للى بيفهموا فيها
http://25.media.tumblr.com/tumblr_md...djc9o1_500.jpg
ده المشكلة إن فيه ناس هنا فاهمة فعلاً..عشان كده خدوك واحدة سوفليكس هزوك فيها :ma:
بس انت في حاجة نسيت تقولها بما إنك الجينياص بتاع الفتيس
إن مشكلة الـ body valve بتاع فتيس الأوكتافيا إنتهت بعد نزول الفانتازيا
يعني علي سبيل المثال..عربية العبد الفقير إلي الله محسوبك...عاملة 100 ألف كيلو ( فانتازيا 2010 ) وعاملاهم فحت ردم وسفر وجري وحرق وقول زي ما انت عاوز...واللهم صلي عليك يا نبي الفتيس زي ما كان زيرو لسه
هارد لك يا شقيق..متهيألي ملوش لزوم وجودك في الموضوع دلوقتي..زي ما انت شايف كده إحنا هنا .. أسرة مع بعضينا
http://www.elcinema.com/photolist/23...566880_140.jpg
يا جماعة البادى فالف ده اصلا مش المفروض بتغير كده مع اول مشكلة , مع احترامى للجميع ده نصب او غشامة او عايزين يريحوا دمغهم .
من خلال الشفته فى عربيتى 307 و الفتيس عندنا حساس شويتين و لو مفهمتوش بسلامة كدة كل مركز خدمة حيشيلك الفيه النصيب.
البادى فالف عبارة عن خريطة لانبيب رفيعة بيمشى فيها الزيت و خلال ضغط الزيت جواه بيكون فيه صباب (solenoid valve) بينقل الحركة للبعدة ( الضغوط دى المفروض بتتشاف بالجهاز بتاع العربة و ليها ريفرنس بيتقاس عليه)
البادى فالف عبارة عن (بلوك , 6 صبابات ( لو زى AL4 بتاع البيجو ) , فيلتر و سعات بيكون فى مصفة صغيرة )
عشان تغيير المجموعة دى كلها مرة وحدة ده معناه فعلا غشامة صيانة او نصب.
مشاكل الفتيس الاوتو عموما كالاتى
* خلل فى الضغوط بيسبب تأخير فى النقلات و سعات خبط و رزع و ده اسبابه
- زيت فقد لزوجته او منسوبه و علاجة تغيير الزيت او تزويده فى حالة انه ناقص و اصلاح سبب التسريب.
- ان الصبابات محتاجة تتغير لانها ضعفت.
- احيانا بتحتاج تغير صبابات مع تغيير الزيت لان لما الزيت بيفقد لزوجته و الصبابات تضعف ممكن يكونوا شايلين بعض
و لاكن بعد تغيير الزيت يظهر مشكلة زى نتشة مثلا و دى بتكون غالبا لان الصبابات عيبها ظهر مع الزيت الجديد
باللزوجة الطبيعية.
* ارتفاع درجة الحرارة فى الفتيس تأثيرها مباشر على الضغوط و طبعا بيظهر على النقلات فى صورة تأخير واضح اوى
فى النقلات, و الحرارة العالية بتأثر على عمر الزيت و الصبابات و جوانات تقفيل الفتيس.
- فى حالة ان حرارة الموتور عادىة يبقى تستبعد الرادياتير و الطلمة و منسوب المبة و تبص على طول على جزء تبريد
الفتيس ( خراطيم داخل و خارج للكولر و الكولر نفسه كمان يتبص عليه)
- من خلال الكشف لو في اى ملحظة ان فيه رايش او زيت فيه رواسب كتير يتفك البادى فالف و يتغسل و يتغير
الفلتر لو موجود و لو في مصفة تتنضف برده
- ممكن يكون فى حاجة بتعمل احتكاك اكتر داخل الفتيس مثلا بلى بتاع الشافت الينقل الحركة من الموتور خشن
بس لو ده السبب لازم يكون فيه صوت مش طبيعى ظهر نتيجة الخشونة.
دى شوية حجات اتعلمتها من خلال تجارى فى العربية, و موضوع sealed for life او life long ده مش للزيت الزيت ده حاجة استهلاكية و الا مكنوش عملوله طبة للنزول و طبة يتملى منها.
برده AL4 بتاع PSA , renault نفس الكلام برده sealed for life. و الله اعلم اعتقد ان المقصود هو انه ميعدش بنائه تانى او انك مش حتحتاج تغيرله جوانات مثلا و الله اعلم