الموضوع: استفسار بخصوص علبة الفيوز اللى فى الحوض

الدايود ده فايدته انه يحمى كنترول العربيه
لان المعروف ان اى ملف كهربى لما تفصل عنه الكهرباء بيعمل كهرباء راجعه عكس التيار اللى كان مار فيه Fly-back current، فالدايود محطوط بالشكل ده عشان يفرغ الراجع اللى بيحصل لما تفصل الكلتش فى الارضى، طبيعى لما تحط مكانه فيوز انه يضرب اول ما تشغل الكمبريسور لانك بتعمل قفله على الفيوز
لو شلته الدنيا هتشتغل عادى و لكن الكارته بتاخد جرعه من التيار العكسى مع كل لحظه فصل كهرباء عن ملف الكلتش و فجاءة هوووب تلاقى الكارته ضربت محدش عارف ليه
ممكن ده ميحصلش خالص انت و رزقك لكن اى تصميم كهربى صحيح لازم الدايود ده يتحط لضمان الحمايه الكامله للكنترول

المشاركة الأصلية كتبت بواسطة zarif

اولا شكرا للاستاذ طارق والاستاذ ياسر على الاهتمام والرد
ثانيا زى ما توقعت حصل

رحت سألت فى محلات قطع الغيار عن دايود بيركب فى علبة الفيوز؟؟؟؟؟؟
محدش فاهم انا بتكلم فى اية...!!!!!
احتياطى خدت معايا فيوز بايظ وبقيت اقولهم (حجمة زى دة تقريبا بس دايود مش فيوز)

ولا اى اندهاش

محدش عارف حاجة:0002014a::0002014a::0002014a:

فتفسير دة عندى حاجة من تلاتة :

الدايود اللى بيركب فى علبة الفيوز شكلة غير شكل الفيوز
الدايود دة مبيتباعش فى المحلات
الدايود دة لة اسم تانى عند بتوع قطع الغيار

وعلية

محتاج حد يفتح علبة الفيوز اللى فى الحوض بتاعة عربيتة ويشوفة او يصوره ليا
او حد من القاهرة يكون اشتراة فيقولى منين بالضبط وبكام

لسه سائل عليه فى التوفيقية ومالقتهوش عند البنا ولا عند عزيز سليمان بس لقيته عند واحد اسمه حاجة كده رمزى بس قالى ب 20 جنيه .......... قلت له شكرااااااااا
ياترى ده العادى ولا ايه؟؟؟؟ ولا اجيبه استيراد؟؟؟؟؟؟؟؟