البي ام ال x5 اتقطعت النهارده

**Dr.A.Nabil** · 06-04-2013 07:14 PM

ماشي النهارده على المحور بعربيه 128 سالفها من واحد صاحبي.
..لقيت عربيه X3 فضي بيزنق عليا.
..انا الدم ضرب في نافوخي وقلت بس ما بدهاش
..رحت جايب ع الاوفرداريف بتاع ال 128 ا...والعربيه بقت طلقه وعديتت منه وسيبته ورا يشد في شعره
...مفيش دقيقه لقيت الفرونتيرا والكابتيفا بتوع الاتاري والشرطه بيجروا ورايا...قلت مابدهاش..روحت مشغل التربو وطاير منهم.

..وبس خلاص....اصل انا جايب العربيه بتاعتي عشان اقعد اشد واعمل غرز مع الناس
...ولا انا تعبان في فلوس...ولا تعبان في تصليح وصيانه وتوكيل وقطع غيار,,,,ده غير اني بالاقي الناس مستمتعه جدا في الشارع لما باشد معاهم ....انما الناس التانيه التعبانه اللي بتمشي محترمه دي بيخنقوني بصراحه...

بس خلاص
حد يحب يشد معايا؟

بصراحه انا لما باشوف موضوعات عن الشد والسباقات والفيرنا فطعت البي ام والبونتو فطعت الجاجوار والمواضيع دي بتحرقلي اعصابي
قلت احرقلهم اعصابعم شويه

**kokowasfy** · 06-04-2013 07:29 PM

ماشى يعم ربنا يزوودلك 128 بتاعتك نيترو و جناحين و تطير و تشد مع الطيارات ولا اى اندهاش

**eng.m7md.ali** · 06-04-2013 07:31 PM

كل اللي فات ده كلام جميل

بس هتجنن واعرف ال x5 حصل فيها ايه؟ :)

**S O P H O S** · 06-04-2013 07:42 PM

ههههههه تربو كمان
ربنا يهدي الناس وبنسوا الجري شوية

**aldesha989** · 06-04-2013 07:56 PM

المشاركة الأصلية كتبت بواسطة s o p h o s

ههههههه تربو كمان
ربنا يهدي الناس وبنسوا الجري شوية

اسف على الرخامه انتا التوقيع بتاعك مش مناسب للرد ههههههههههههههههههههههههه هههههههههههههههه

**Eng_Mostafa_89** · 06-04-2013 08:04 PM

انا اللى كنت جى وراك راكب ال126 وعمال اقلبلك علشان توسع وتخلينى اعدى من اليمين وانت موسعتش خليتنى اضطر اعدى من الشمال :)
المنتدى تحس انة فى الفترة الاخيرة قلب حلبة سباق لا والغريب انهم عمالين يتكلموا على مواتير 1600 امال لو ربنا كرمهم ب4000 ولا 6000 هيعملوا اية مش عارف
وميعرفوش ان الفرق بين الحياة والموت لحظة والحادثة بتحصل بسرعة رهيبة جدا جدا فى اقل من ثانية
انا الحمد لله بعد اخر حادثة بطلعت الجرى خالص وبقيت على طول امشي على 80 او 100 وامسك يمينى برحتى ومفيش احسن من الهدوء
فى الحادثة دى عرفت ان الثانية بتفرق جدا والطريق مليان مفاجاءات واغلى حاجة فى الدنيا هى روح الانسان اللى ممكن يروح بسبب الاستهتار

**2CODE** · 06-04-2013 08:10 PM

على رأيك بقيت حاجة مستفزه تلاقيها عربية موديل سنة 3 ميلادية ويقول لك طلعت على عربية موديل 2013 هو يظهر الرقم 3 هو المتشابه وانما الارقام اللي على الشمال دي مش تبعهم ههههههههههههههههههههه

لا لا بس ده كلام كبير بصراحة الـ128 تربو بتفكرني بالبوجاتي وخصوصاً في الطلعة الاولى كده زي اول طلعة جوية في مصر كده بالظبط ههههههههههههههههه

**Eng_Mostafa_89** · 06-04-2013 08:37 PM

شوفوا فرق 8 كيلو متر/ساعة كان ممكن ينقذ حياة انسان من الموت
Motorcycle Reconstruction - TAC tv road safety commercial - YouTube

وهنا 1كيلو متر/ ساعة برضوا فرق جدا فى حياة انسان
"Reconstruction" TAC anti speed TV ad - YouTube

مش ناس بتتكلم فى 10 و20 كيلو متر /ساعة

**mona_881** · 06-04-2013 08:38 PM

تصدق ...كنت هاصدق
أصل ال 128 عفريتة برضه وتعمل أكتر من كده
اسألني انا كان معايا واحدة موديل 81 كنت بوصل بيها الجامعه في 3 ساعات ههههههههههه

**SHNORY** · 06-04-2013 08:44 PM

اخر موضوع شوفته زي ده مخلصش علي خير هههههههههههه
الله يمسيك بالخير يا ايفو

الموضوع: البي ام ال x5 اتقطعت النهارده

LinkBack

أدوات الموضوع

عرض

البي ام ال x5 اتقطعت النهارده - انشر الموضوع فى :

-

-

-

-

-

المواضيع المتشابهه

كاوتشة الشباك الخارجية اتقطعت, ممكن تتلحم ؟

كاوتشة الشباك الخارجية اتقطعت, ممكن تتلحم ؟

أرزل 49 نكتة فى التاريخ (بعد التعديل) الرحمة ياجماعة انا اتقطعت،،،،

كاتينة اتقطعت تريوس 99

كوبستة ال 131 اتقطعت ازاى الحمها

الكلمات الدلالية لهذا الموضوع

المفضلات

المفضلات

ضوابط المشاركة