كم سعر مرسيدس c180 موديل 2008-2009
عرض للطباعة
كم سعر مرسيدس c180 موديل 2008-2009
حسب حالتها و عداد الكيلومتر و حاله الصاج و الدهان و الموتور و الكماليات اللي فيها و حاجات كتير ، الموضوع مش بسنه الصنع فقط لانها في الاخر سياره مستعمله. الزيرو بس هو اللي تسأل فيه عن السعر لانه ثابت أما المستعمل فالسعر بيتوقف علي الحاله الفعليه للسياره و العوامل التانيه التي ذكرتها
c180 توكيل مو 2009 لو حالتها فابريقه بره و جوه و كم لا يزيد عن 60 الف لا تزيد عن 220 الف ...
تحياتى ...
امال لية الاسعار على كونتكت كارز
260 و الف300 كمان
طيب هى فين المعارض بتاعت المرسيدس
هى فى 2009 كانت زيرو ب 290 الف !!!
الخليجى منها استيراد خارج التوكيل كامله و اوبشنات اعلى يعنى فتحه و زينون و ليد و شاشه كبيره و كراسى كهربا كامل و ميمورى ......الخ و دى كانت زيرو ب 360 الف .... سعرها اليوم رنج 275 الف شرط الحاله الفابريقه ...
و بصفه عامه موقع كنتكت للمستعمل غير واقعى و كله اسعار مبالغ فيها ...
تحياتى ...
مرسى جداا ليك بس متعرفش معارض مرسيدس مستعمل
كل الشكر لك :)
كل المعارض بتزود فى السى 15/20 الف جم ...لافضل البحث فى الجرائد الاعلانيه كالوسيط ... و الشراء مباشره من صاحبها ... لان بحكم الخبره و عده تجارب ان صاحب اى سياره بيحاول اولا بيعها بنفسه عن طريق احدى الجرائد و بيكون عارف اسعار المعارض و كذلك عرض المعرض له فى حاله شرائها على الفور و كاش ... لما تطول العمليه ... فبيضطر فى الاخر ان يبيع للمعرض بالسعر المنخفض .. و ده الى بيحصل بنسبه كبيره جدا فى المرسيدس/بى-ام نظرا لاسعارهم العاليه و كل انتظار مزيد من الخساره ...
و بالنسبه للمعارض عندك افضلهم اوتو ميرو-الميرغنى لانه بالعموله و سيق التعامل معهم و هم ناس محترمين جدا ...
تحياتى ...