كلامك صح
انا اللى قصدته
لما هى حاجة نازلة مع العربية المفروض المشتري ميدفعش حاجة عشان يشغلها
يعنى مثلاًَ عربيتى ميبقاش فيها ازاز كهرباء او كاسيت واروحلهم يشغلوه
كلامك صح
انا اللى قصدته
لما هى حاجة نازلة مع العربية المفروض المشتري ميدفعش حاجة عشان يشغلها
يعنى مثلاًَ عربيتى ميبقاش فيها ازاز كهرباء او كاسيت واروحلهم يشغلوه
انا اعتقد يا فندم ان الامثله اللي حضرتك ذكرتها واقعيه لكنها مختلفه عن المشكله بتاعتنا . يعني انا متفق مع حضرتك ان الخدمه ممكن تبقي software بأجر و ده شيء معروف و لكن في حالتنا دي الموضوع مش software فقط لان هناك hardware نازل في العربيه و هو جهاز الانذار نفسه و ده متركب بالفعل و يعطي تأكيد بأن قصد الصانع هو ان العربيه تبقي مجهزه به و بالتالي المفروض يتم تفعيله قبل ما العربيه تتسلم للعميل و لو كان الصانع مش هدفه انه يبقي موجود مكنش حطه في العربيه و ده هيبقي اوفر ليه لو اخدنا في الاعتبار عدد العربيات المباعه حتي الان حتي مش ما يرضاش يعرفه و المريب في الموضوع طيب يا تري ال ١٠٠ جنيه دول تمن التعريف اللي هو software و لا تمن جهاز الانذار ؟؟ لو مركز صيانه بره التوكيل عمل الحركه دي نقول معلش اهو ثمن الاكتشاف (و لو انه مش مقبول برضه) إنما التوكيل بنفسه يعمل كده ؟ لأ ما يصحش طبعا و خاصه انه بيغير للناس علبه الدركسيون و صاجه التيل اللي تمنهم بالآلاف مجانا إرضاء للعميل و كمان ما بيزودش الاسعار بطريقه مبالغ فيها زي التانيين ما ينفعش يضيع ده كله علشان حركات صغيره زي دي
اخي الكريم
احنا مش مختلفيين بالعكس احنا متفقين جدا جدا
انا نفسى عملت مشكله فى السبع بخصوص ان تفعيل الانذار يجب ان يكون بدون مقابل مادي
بسبب ان ده مجرد سوفت وير والانذار نفسه موجود بس بيقوم بوظيفه اخرى كالبحث عن السياره
برغم ان فى نقطه عايز اوضحهالك ان اي update بيكون الهارد وير موجود
يعنى لما بعمل update للسوفت وير للجوال علشان ازود خدمات بيكون ال hardware موجود يعنى الاوبشن ده قابل انه يتزود فيه
نيسان اعتبرت ان ده اوبشن (سوفت وير) وليس hardware زي الجنوط والاسبويلر مثلا
المشكله انا بقولها لحضرتك ان دي مشكله نيسان ايجيبت نفسها ورقابتها على مراكز خدمتها
مينفعش ابعت للسبع واتوايجيبت وباقى مراكز الخدمه منشور اقولهم تفعييل الانذار بمقابل مادي
الاقى ان السبع بيفعل بمقابل واتوايجيبت بتفعل مجانا
وبعد فتره الاقى اوتوايجيبت بتفعل بمقابل مادي
برغم انى متفق ان التفعيل يكون مجانا كما ذكرت حضرتك سالفا
وشكرا لسعه صدرك
يا فندم ال update بتاع اي برنامج بيبقي مجاني ما لم يتم ذكر خلاف ذلك صراحه عند الشراء و ده في حالات محدوده زي مثلا update الخرائط بتاعه ال GPS ده مش مجاني و الكلام ده بيتقال صراحه قبل الشراء و المشتري حر في القرار إنما مثلا update لل software بتاع الكاسيت و لا كمبيوتر العربيه و لا حتي software الموبايل مثلا ده بيبقي مجاني و يعتبر احدي انواع الدعم الفني اللي قد يكون أما لتحسين استخدام الجهاز عن طريق أضافه خواص جديده او علاج مشكلات في النسخه الحاليه من البرنامج و الهدف في الاخر هو زياده رضاء العميل. علي فكره انا مهتم بإظهار المشكله حتي يتم علاجها لان النوعيه دي من الأساليب لو انتشرت في التوكيل بتضايق الناس منه و في النهايه الأطراف كلها بتبقي خسرانه و ده عكس سياسه نيسان اللي بنهتم بإرضاء عملاؤها و اللي انا شخصيا باحترمهم قوي علشانه و لذلك يجب القضاء علي الظواهر دي من بدايتها لانها بعد كده ممكن تتحول لعدوي مما يؤثر علي الثقه اللي انفقوا و بينفقوا كتير علي بنائها
ليه حاجة تافهه ذى دى تخلى عملاء نيسان تزعل وتأخد موقف من شركة نيسان مصر يعنى شركة نيسان بتصرف ملايين عشان تكسب عملائها وتخسرهم عشان تفعيل أنذار !!!!!
يعنى أهم ميزة واللى كل الناس بتحسدنا عليها وهى خدمة ما بعد البيع نفقدها عشان رسوم تفعيل أنذار بصراحة منتهى الذكاء من شركة نيسان مصرالظاهر هما عملوا كده عشان تقلل المبيعات شوية والضغط على المصنع متهيألى أنا كده فهمت صح
السلام عليكم ورحمه الله وبركاته
أخواني ألاعزاء
في حاجات اساسية Basics
وفي حاجات تانية ثانوية Optional
أي حاجة اوبشنال ممكن تتعمل ليها سياسة إما مجانية او بتتعمل بفلوس
لا أجد لوم نهائي على مراكز الخدمة او على نيسان من تفعيل خدمة بمقابل مادي
لان عقد شراء السيارة هو ألاهم
هل تم ذكر الانذار كبند أساسي ولا اتكتب اوبشنال ان الخاصية موجودة ولكنها غير مفعّلة
ارجوكم بلاش النقد الساخر من أجل سمعة المنتدى
السلام عليكم جميعا
انا حاسس ان في مفهوم مفقود هنا
انا اولا مش من انصار ان انا كل ما احب اعمل حاجه في عربيتي وخصوصا لو كانت صغيرة الاقي نفسي لازم ادفع فلوس سواء كتيرة ولا قليله
بس في نقطه مهمه هنا لو ها نتكلم عن الانظمه المحترفه
وفي الانظمه دي الموضوع مش بيتحسب بمدى اهميه الشئ او عدمه ولكن بتتحسب بالوقت المستخدم وعدد العماله المطلوبه
وعلى سبيل المثال انا اشتريت من التوكيل مسند اليد بتاع العربيه وركبته بنفسي في العربيه والموضوع ما كانش من وجهه نظري مكلف نهائي ولكن كانت تكلفه تركيبه لو كنت ربكته عندهم 250 جنيه واكيد التكلفه دي اتحسبت على اساس الوقت المستهلك وعدد العماله المطلوبه
طب لو قولنا ما هم كانوا بيعملوها ببلاش قبل كده
فعلا ممكن يوكونوا كانوا بيعملوها ببلاش لعربيه ولا اتنين ولا حتى 10 عربيات بس الموضوع لما اتعرف بين ملاك العربيه ولقوا ان ده شئ بقى مطلوب منهم بشكل ملازم لكل عربيه تدخل يبقى ده بقى وقت وتكلفه على المركز بناءا على طريقه الحساب اللي قولنا عليها قبل كده (الوقت المستهلك وعدد العماله المطلوبه ) عشان كده وجدوا ان الموضوع محتاج يكون ليه تكلفه
اعتقد ان ده التفسير المنطقي للموضوع
انا مش بدافع ولا بهاجم بس بحاول افكر بموضوعيه
اخي الكريم لا اجد مبرر للاتهام بالسرقة
نحن اعضاء منتدى محترم هدفه ألاساسي هو خدمة ألاعضا ء
أعضاء نايل موتورز هم أهم أعضاء لمراكز الخدمة خاصة أوتو إيجيبت
وفنفس الوقت توجد شكاوي عديدة من مهندسو الصيانة للمنتدى من أجل الهجوم المشين عليهم
حضرتك لو فموقف أوتو إيجيبت هتدخل الف عربية تعملها التفعيل ده على حساب مجهود ووقت المركز وسائر العملاء ؟ ولا هتحط تكلفة ؟؟؟؟
والقصة كلها ان التكلفة رمزية جدااااااااا فهم لا يطلبو الكثير لكي نتهمهم بالسرقة ؟
في النهاية يارب تكون وصلتلك وجهة نظري
انا كنت بفكر افعله فى الصيانة اللى جايه و مش عارف دلوقتى اعمل كده و لا لأ
يا باشا انا مع حضرتك لو ليهم حق ياخدوه و لو لينا حق ناخده بس هو اللى موضح فى الكتالوج بتاع العربيه ان فيها انذار (إذا كان مجهز) فطبيعى ان العربيه طالما انها مجزة يبقى شغال فيها مش يبقى موجود بقالة 5 شهور و انا ماعرفش الا بالصدفة بلإضافة ان لما السوبر صالون نزلت ماذكرش مطلقا فيها ان من امكانياتها الزيادة تفعيل الانذار ولو هو بفلوس من الاول ماكانوا يفعلوه من الاولو ياخدوا اللى هما عاوزينه و يوفروا للناس السؤال على الانذار بكام و هينزل امتى و انا فى صيانه الالف المهندسه قالتلى مثلا العربية مافيهاش انذار و ممكن حضرتك تجيب الانذار اللى يعجبك و احنا هنركبهولك و طبعا كنا هندفع اي مبلغ يتقال عليه وقتها لأن كل واحد كان معرض مثلا الزجاج يتكسر و يتسرق مثلا الكاسيت او اي حاجة من شنطة العربية و هو مش حاسس مش يستنوا لما تنزل السوبر صالون و بعدين يعملوا مفاجأة انه فيها انذار و اللى عايز يشغله هيدفع 100 جنية علشان انت اشتريت عربيه ب 102000 الف واللى اشترها ب 112000 خدها متفعله بصراحه انا شايف ان دى حركة ماكنتش كويسه من اوتو ايجيبت بالرغم من انى قبل كده عملت موضوع و شكرتهم عليهم فيه لما لمبة الانجكشن نورت ف االعربيه و صالحوها بدون مقابل