اليكم المفيد بعد اصلاح الياريس
السلام عليكم الاخوة والاخوات
من شهرين بالضبط كنت نايم وانا سايق ودخلت في شجرة والحمد لله ربنا سترها معايا
المهم العربية حبيت اوديها عند ناس تكون جامدة فكتير قالولي ورشة حسن دبوس بالحرفيين وبالفعل وديت العربية يوم 8/2/2013 ليه وكان قدامي حاجة من اتنين
1- اني كل يومين تلاته اروحله واشوف العربية محتاجة ايه واشتريها بنفسي (وده كان صعب نظرا لبعد المسافه وانشغالي بعملي)
2- اني اسيبله فلوس يشتري هو الحاجة وفي الاخر نتحاسب (ده اللي عملته وياريتني مكنت عملته!)
للاسف الشديد لم استطع الذهاب للسيارة لمدة شهرين فكنت ارسل من ينوب عني لينقلي الصورة
حاليا العربية خلصت فيما عدا قشرة التبلوه مش لاقينها واليكم الاسعار (اللي حسن دبوس قالي عليها النهارده انه جاب بيها)
2500ج قطعة جنب شمال(فخدة شاسية)
4100ج جنب عفشة كامل (مساعد + شمعدان + مقص + كوبلن + قنطرة موتور)
510ج رفرف شمال واكصدام جديد
400ج بارة دريكسيون اصلي جديد
300ج كشاف امامي تيواني
700ج ردياتير يباني وقميص مراوح
440ج شبكة امامية وحامل اكصدام وفانوس خلفي
1400ج كبسولة طارة اصلي
480ج زجاج امامي وتركيب
450ج شاسية اكصدام امامي
100ج كلبسات ومسامير
ويبقي لنا قشرة تابلوة يقال بانها ب 1500ج تقريبا وبطارية جافة
وناتي الان الي اسعار المصنعيات الجباااااااارة
2400ج دهان بعض اجزاء بالسيارة
4000ج سمكرة
450ج ميكانيكي
350ج سروجي
لسه محسبش اجرة الكهربائي
بصراحة ايا كانت التكلفة كان واجب عليا اني اقف علي عربيتي وهيا بتتصلح واروح اجيب حاجتها بنفسي بس الحمد لله علي كل حال
المشكلة كمان انه مش لاقي قشرة التابلوة في الحرفيين كلها ياتري ممكن نجيبه منين واذاي؟