دلوقتي الحمد لله ربنا كرمني و اتخرجت و بقيت شاب عاطل زي الورد و بدور علي شغلانة...
و في نفس الوقت باحوال أخلص كل اللي أقدر عليه من فيش و تشبيه و كعب عمل و الذي منه عشان أبقي جاهز...

و طبعا من أهم الاوراق اللي المفروض تخلص هيا ورقة الجيش....الحمد لله أنا عندي أخت بس فا مش هايبقاللي جيش...
روحت جبت شهادة القيد العائلي من السجل و بطاقة التجنيد هاخدها من الجامعة يوم الحد عشان هيا عندهم...
اللي عرفته اني هاخد الورق ده و أطلع علي الهايكستب...

اللي عايز أعرفه بقي...

1- ايه الأوراق المطلوبة بالظبط بجانب اللي قلتهم فوق؟
2- أروح امتي أفضل وقت؟
3- ايه اللي هاعمله هناك و هايخد وقت قد ايه؟
4- هل لازم والدي يكون معايا؟

أشكركم علي تعاونكم و ربنا يبعد عنكم قرف الحكومة و الروتين:)